അനന്തപുരിക്ക്​ സ്വീഡിഷ് മധുരം വിളമ്പി നിത്യ

വ​ട്ടി​യൂ​ര്‍ക്കാ​വ്: ത​ല​സ്ഥാ​ന ന​ഗ​രി​ക്ക്​ സ്വീ​ഡി​ഷ്​ മ​ധു​ര​വി​ഭ​വ​ങ്ങ​ള്‍ സ​മ്മാ​നി​ച്ച് ഒ​രു സ്വീ​ഡി​ഷ്-​ഇ​ന്ത്യ​ൻ യു​വ​തി. സ്വീ​ഡ​നി​ല്‍ ജ​നി​ച്ച് കേ​ര​ള​ത്തി​ല്‍ വാ​സ​മു​റ​പ്പി​ച്ച പാ​ച​ക​വി​ദ​ഗ്ധ ഇ​ന്‍ഗ്രി​ഡി​ന്റെ മ​ക​ള്‍ നി​ത്യ​യാ​ണ്​ (29) വ​ഴു​ത​ക്കാ​ട് എം.​പി. അ​പ്പ​ന്‍ റോ​ഡി​ല്‍ ‘ക​സാ ബേ​ക്‌​സ്’ എ​ന്ന സ്വീ​ഡി​ഷ് ബേ​ക്ക​റി ന​ട​ത്തു​ന്ന​ത്. 1991ലാ​ണ് സ്വീ​ഡി​ഷ്​ ഹോ​ട്ട​ല്‍ ഷെ​ഫാ​യ ഇ​ന്‍ഗ്രി​ഡ് കേ​ര​ള​ത്തി​ല്‍ അ​വ​ധി​ക്കാ​ലം ചെ​ല​വ​ഴി​ക്കാ​നെ​ത്തി​യ​ത്. യോ​ഗ​യോ​ട് താ​ൽ​പ​ര്യ​മു​ള്ള ഇ​ന്‍ഗ്രി​ഡ്, വ​ഴു​ത​ക്കാ​ട് സ്വ​ദേ​ശി​യും യോ​ഗ പ​രി​ശീ​ല​ക​നു​മാ​യ ശാ​ന്തി പ്ര​സാ​ദി​നെ പ​രി​ച​യ​പ്പെ​ട്ടു. പ​രി​ച​യം പ്ര​ണ​യ​ത്തി​ന് വ​ഴി​മാ​റി. ഒ​രു വ​ര്‍ഷ​ത്തി​ന​കം ഇ​രു​വ​രും വി​വാ​ഹി​ത​രാ​യി.

ഭ​ക്ഷ​ണ​പ്രി​യ​നാ​യ ശാ​ന്തി​പ്ര​സാ​ദി​ന് ഇ​ന്‍ഗ്രി​ഡ് സ്വീ​ഡി​ഷ്​ കേ​ക്കു​ക​ള്‍ ത​യാ​റാ​ക്കി ന​ല്‍കി. അ​ന്ന് കേ​ര​ള​ത്തി​ലെ അ​പൂ​ര്‍വം സ്ഥ​ല​ങ്ങ​ളി​ല്‍ മാ​ത്ര​മാ​ണ് യൂ​റോ​പ്യ​ന്‍ വി​ഭ​വ​ങ്ങ​ള്‍ ല​ഭി​ച്ചി​രു​ന്ന​ത്. 2005ല്‍ ‘​ക​സാ​ബി​യം​ഗ’ എ​ന്ന പേ​രി​ൽ ക​ഫേ ആ​രം​ഭി​ച്ചു. 2010ല്‍ ​ഇ​ന്‍ഗ്രി​ഡ് ഭ​ര്‍ത്താ​വി​നും മ​ക​ള്‍ നി​ത്യ​ക്കു​മൊ​പ്പം സ്വീ​ഡ​നി​ലേ​ക്ക്​ പ​റ​ന്നു. മൂ​ന്ന് വ​ര്‍ഷം മു​മ്പാ​ണ് നി​ത്യ തി​രു​വ​ന​ന്ത​പു​ര​ത്ത് മ​ട​ങ്ങി​യെ​ത്തി​യ​ത്. അ​തോ​ടെ അ​മ്മ ത​ല​സ്ഥാ​ന​വാ​സി​ക​ള്‍ക്ക് പ​ക​ര്‍ന്ന സ്വീ​ഡി​ഷ്​ രു​ചി മ​ക​ള്‍ നി​ത്യ​യി​ലൂ​ടെ വീ​ണ്ടും ല​ഭ്യ​മാ​യി.

ഇ​ന്‍ഗ്രി​ഡ് ക​ഫേ തു​ട​ങ്ങി​യ അ​തേ​സ്ഥ​ല​ത്താ​ണ് നി​ത്യ ‘ക​സാ ബേ​ക്‌​സ്’ ആ​രം​ഭി​ച്ച​ത്. ഡൈ​നി​ങ് സൗ​ക​ര്യ​മി​ല്ല. വാ​ട്‌​സ് ആ​പ്പ്, ഇ​ന്‍സ്റ്റ ഗ്രാം ​എ​ന്നി​വ​യി​ലൂ​ടെ വി​ഭ​വ​ങ്ങ​ള്‍ ഓ​ര്‍ഡ​ര്‍ ചെ​യ്യാം. സ്വീ​ഡി​ഷ് സി​ന്ന​മ​ണ്‍ ബ​ണ്‍, റാ​സ്ബ​റി പൈ, ​ചോ​ക്ലേ​റ്റ് ചി​പ്പ് എ​ന്നി​വ​ക്ക്​ 300 രൂ​പ മു​ത​ല്‍ 1000 രൂ​പ​വ​രെ​യാ​ണ് വി​ല. നി​ത്യ​ക്ക്​ സ​ഹാ​യ​ത്തി​നാ​യി സ​ഹോ​ദ​ര​ന്‍ ആ​രോ​ണു​മു​ണ്ട്.