Begin typing your search above and press return to search.
exit_to_app
exit_to_app
Homechevron_rightFact Checkchevron_right'ക്രിസ്​റ്റ്യാനോ...

'ക്രിസ്​റ്റ്യാനോ റൊണാൾഡോയുടെ ഖുർആൻ പാരായണം'; വൈറൽ വിഡിയോയു​ടെ സത്യാവസ്​ഥ ഇതാണ്​

text_fields
bookmark_border
Bewar Abdullah- Ronaldo dupe
cancel

ലണ്ടൻ: പോർചുഗീസ്​ ഫുട്​ബാൾ താരം ക്രിസ്റ്റ്യാനോ ​റൊണാൾഡോ പള്ളിയിലിരുന്ന്​ ഖുർആൻ പാരായണം ചെയ്യുന്നുവെന്ന്​ അവകാശപ്പെടുന്ന ഒരു വിഡിയോ ടിക്​ടോകിൽ വ്യാപകമായി പ്രചരിച്ചിരുന്നു. ക്രിസ്റ്റ്യാനോ ഖുർആൻ പാരായണം ചെയ്യുന്നുവെന്ന അടിക്കുറിപ്പോടെ പങ്കുവെച്ച വിഡിയോ നിരവധിയാളുകളാണ്​ ഫേസ്​ബുക്കിൽ പങ്കുവെച്ചത്​. ദശലക്ഷക്കണക്കിനാളുകളാണ് വിഡിയോ കണ്ടത്​.

എന്നാൽ വിഡിയോയിൽ ഉള്ളത്​ ക്രിസ്റ്റ്യാനോ റൊണാൾഡോ അല്ലെന്നും ​താരത്തോട്​ സാദൃശ്യമുള്ള ബേവാർ അബ്​ദുല്ലയാണെന്നും ഇന്ത്യ ടുഡേ ആന്‍റിഫേക്ക്​ ന്യൂസ്​ വാർ റൂം കണ്ടെത്തി.

ഇറാഖുകാരനായ അബ്​ദുല്ല ഇംഗ്ലണ്ടിലെ ബർമിങ്​ഹാമിലാണ്​ താമസിക്കുന്നത്​. ക്രിസ്റ്റ്യാനോയുടെ 'അപരൻ' എന്ന നിലയിൽ ശ്രദ്ധേയനാണ് അബ്​ദുല്ല​. 2019ൽ ഇറാഖിൽ നിന്ന്​ ബ്രിട്ടനിൽ എത്തിയ അബ്​ദുല്ല കെട്ടിട നിർമാണ തൊഴിലാളിയാണ്​.

വൈറലായ വിഡിയോക്ക്​ താഴെ നിരവധി പേർ ഇത്​ ക്രിസ്റ്റ്യാനോ തന്നെയാണോ എന്ന്​ സംശയം പ്രകടിപ്പിച്ചു. വിഡിയോയുടെ അവസാനത്തിൽ വിഡിയോ നിർമിച്ചയാളുടെ പേര്​ ഉൾപെടുത്തുന്ന രീതി ടിക്​ടോക്കിനുണ്ട്​.


വൈറൽ വിഡിയോയുടെ അവസാനത്തിൽ ബേവാർ അബ്​ദുല്ല എന്നാണ്​ കാണുന്നത്​. അവിടെ നിന്നും ലഭിച്ച സൂചനയിൽ നിന്നാണ്​ വിഡിയോ ബേവാർ അബ്​ദുല്ലയുടെ പ്രൊഫൈലിൽ നിന്ന്​ പങ്കുവെച്ചതാണെന്ന്​ മാധ്യമപ്രവർത്തകർ കണ്ടെത്തിയത്​.


ക്രിസ്റ്റ്യാനോയുമായുള്ള സാദൃശ്യം കാരണം ഇറാഖിൽ പ്രസിദ്ധനായ അബ്​ദുല്ല ബ്രിട്ടനിലെത്തിയതോടെ ഫാൻസ്​ കൂടി. ഫുട്​ബാൾ കളിക്കാരൻ കൂടിയായ അബ്​ദുല്ല ക്രിസ്റ്റ്യാനോയുടെ ഹെയർസ്​റ്റൈൽ അനുകരിക്കുന്നതോടൊപ്പം താരത്തിന്‍റെ അതേ ​വസ്​ത്രധാരണ രീതിയും പിന്തുടർന്ന്​ വരുന്നു. ക്രിസ്റ്റ്യാനോ കളിക്കുന്ന അതേ പൊസിഷനിൽ തന്നെയാണ്​ അബ്​ദുല്ലയും പന്ത്​ തട്ടാൻ ഇറങ്ങാറുള്ളത്​.


Show Full Article
TAGS:cristiano ronaldo quran reading viral video tik tok 
News Summary - Cristiano Ronaldo reading Quran in viral video this is the fact
Next Story