ഇ​ന്ന്​ ലോ​ക വ​ന​ദി​നം; അഞ്ചുവർഷം കത്തിനശിച്ചത്​ 4541.58 ഹെക്ടർ വനം

തൊ​ടു​പു​ഴ: സം​സ്ഥാ​ന​ത്ത്​ ശേ​ഷി​ക്കു​ന്ന വ​ന​സ​മ്പ​ത്തി​ന്​ ക​ടു​ത്ത ഭീ​ഷ​ണി​യാ​യി കാ​ട്ടു​തീ​യും കൈ​യേ​റ്റ​വും. ഇ​തി​നെ​തി​രാ​യ പ്ര​വ​ർ​ത്ത​ന​ങ്ങ​ൾ​ക്ക്​ ഓ​രോ സാ​മ്പ​ത്തി​ക വ​ർ​ഷ​വും കോ​ടി​ക​ൾ നീ​ക്കി​വെ​ക്കു​ക​യും ക​ർ​ശ​ന ന​ട​പ​ടി​ക​ൾ പ്ര​ഖ്യാ​പി​ക്കു​ക​യും ചെ​യ്യു​ന്നു​ണ്ടെ​ങ്കി​ലും കേ​ര​ള​ത്തി​ലെ വ​ന​ങ്ങ​ളു​ടെ നി​ല​നി​ൽ​പ്​ വെ​ല്ലു​വി​ളി​ക​ൾ​ക്ക്​ ന​ടു​വി​ൽ​ത്ത​ന്നെ​യാ​ണെ​ന്ന്​ വ​നം​വ​കു​പ്പി​ന്‍റെ രേ​ഖ​ക​ൾ വ്യ​ക്ത​മാ​ക്കു​ന്നു.

2020-21ലെ ​ക​ണ​ക്കു​പ്ര​കാ​രം സം​സ്ഥാ​ന​ത്തെ ആ​കെ വ​ന​വി​സ്തൃ​തി 11,524.91 ച​തു​ര​ശ്ര കി​ലോ​മീ​റ്റ​റാ​ണ്. ക​ഴി​ഞ്ഞ അ​ഞ്ചു​വ​ർ​ഷ​ത്തി​നി​ടെ 4541.58 ഹെ​ക്ട​ർ വ​ന​ഭൂ​മി കാ​ട്ടു​തീ​യി​ൽ ന​ശി​ച്ച​താ​യാ​ണ്​ ഇ​ക്കോ ഡെ​വ​ല​പ്​​മെ​ന്‍റ്​ ആ​ന്‍ഡ്​​ ട്രൈ​ബ​ൽ വെ​ൽ​ഫെ​യ​ർ ചീ​ഫ്​ ഫോ​റ​സ്റ്റ്​ ക​ൺ​സ​ർ​വേ​റ്റ​റു​ടെ റി​​പ്പോ​ർ​ട്ട്.

പ്ര​തി​വ​ർ​ഷം ശ​രാ​ശ​രി 900 ഹെ​ക്ട​റി​ല​ധി​കം വ​ന​ഭൂ​മി അ​ഗ്​​നി​ക്കി​ര​യാ​കു​ന്നു. അ​ടി​ക്കാ​ട്​ ക​ത്തി​ക്ക​രി​യു​ന്ന സ​ർ​ഫ​സ്​ ഫ​യ​ർ, ചെ​റു​മ​ര​ങ്ങ​ളും അ​ടി​ക്കാ​ടും ക​ത്തു​ന്ന മി​ഡ്​​ലെ​വ​ൽ ഫ​യ​ർ, മ​ര​ങ്ങ​ള​ട​ക്കം ക​ത്തി​ന​ശി​ക്കു​ന്ന ക്രൗ​ൺ ഫ​യ​ർ, മ​ണ്ണ​ട​ക്കം വേ​കു​ന്ന ഗ്രൗ​ണ്ട്​ ഫ​യ​ർ എ​ന്നി​ങ്ങ​നെ കാ​ട്ടു​തീ പ​ല ത​ര​ത്തി​ലാ​ണ്.

വ​കു​പ്പി​ന്‍റെ അ​നാ​സ്ഥ​യും കാ​ട്ടു​തീ​ക്ക്​ കാ​ര​ണ​മാ​ണ്. കേ​ന്ദ്ര​പ​ദ്ധ​തി​യു​ടെ ഭാ​ഗ​മാ​യി കാ​ട്ടു​തീ ത​ട​യ​ലി​നും വ​ന​സം​ര​ക്ഷ​ണ​ത്തി​നു​മാ​യി 2022-23ലെ ​ബ​ജ​റ്റി​ൽ സം​സ്ഥാ​ന സ​ർ​ക്കാ​ർ 8.02 കോ​ടി വ​ക​യി​രു​ത്തി​യി​രു​ന്നു. ഇ​തി​ൽ 4.84 കോ​ടി ചെ​ല​വ​ഴി​ച്ച​താ​യാ​ണ്​ ക​ണ​ക്ക്. സാ​മ്പ​ത്തി​ക​വ​ർ​ഷം കേ​ന്ദ്ര വി​ഹി​ത​മ​ട​ക്കം ആ​റ്​ കോ​ടി​യാ​ണ്​ വ​ക​യി​രു​ത്തി​യി​ട്ടു​ള്ള​ത്.

ഔ​ദ്യോ​ഗി​ക രേ​ഖ​ക​ൾ പ്ര​കാ​രം ക​ഴി​ഞ്ഞ അ​ഞ്ചു​വ​ർ​ഷ​ത്തി​നി​ടെ 199.23 ഹെ​ക്ട​ർ വ​ന​ഭൂ​മി​യി​ലെ കൈ​യേ​റ്റ​മാ​ണ്​ ഒ​ഴി​പ്പി​ച്ച​ത്. ഏ​റ്റ​വും കൂ​ടു​ത​ൽ ഒ​ഴി​പ്പി​ച്ച​ത്​ ഹൈ​റേ​ഞ്ച്​ സ​ർ​ക്കി​ളി​ലാ​ണ്​- 160.02 ഹെ​ക്ട​ർ. വ​നം കൈ​യേ​റ്റ​വു​മാ​യി ബ​ന്ധ​പ്പെ​ട്ട 158 കേ​സു​ക​ൾ ഇ​നി​യും തീ​ർ​പ്പു​ക​ൽ​പി​ക്കാ​തെ കെ​ട്ടി​ക്കി​ട​ക്കു​ക​യാ​ണ്.