നിലമ്പൂർ തേക്കിന്‍റെ ലഭ‍്യതയും ഗുണമേന്മയും നിലനിർത്താൻ പദ്ധതി

നി​ല​മ്പൂ​ർ: നി​ല​മ്പൂ​ർ തേ​ക്കി​ന്‍റെ ല​ഭ‍്യ​ത​യും ഗു​ണ​മേ​ന്മ​യും നി​ല​നി​ർ​ത്താ​ൻ പ്ര​ത‍്യേ​ക പ​ദ്ധ​തി​യു​മാ​യി വ​നം​വ​കു​പ്പ്. മൈ​ന​സ് 40 ഡി​ഗ്രി സെ​ന്‍റി​ഗ്രേ​ഡി​ൽ വി​ത്തു​ക​ൾ ദീ​ർ​ഘ​കാ​ലം സൂ​ക്ഷി​ക്കാ​ൻ സം​ഭ​ര​ണ കേ​ന്ദ്രം തു​ട​ങ്ങും. വ​നം​വ​കു​പ്പ്​ ന​ഴ്സ​റി​ക​ളി​ൽ ശാ​സ്ത്രീ​യ​മാ​യി ഗു​ണ​മേ​ന്മ​യു​ള്ള തൈ​ക​ൾ മാ​ത്രം ഉ​ൽ​​പാ​ദി​പ്പി​ക്കു​ക​യും ജി​യോ ടാ​ഗ് ന​ൽ​കു​ക​യും ചെ​യ്യും. കാ​ലാ​വ​സ്ഥ വ‍്യ​തി​യാ​നം മൂ​ലം നി​ല​മ്പൂ​ർ തേ​ക്കി​ന്‍റെ വി​ത്തു​ക​ളു​ടെ ല​ഭ‍്യ​ത​യി​ൽ കു​റ​വു​വ​ന്നി​ട്ടു​ണ്ട്. ക​ന​ത്ത മ​ഴ​യി​ൽ പൂ​വ്​ കൊ​ഴി​ഞ്ഞ​താ​ണ് കാ​ര​ണം. ആ​ഗ​സ്റ്റ്, സെ​പ്റ്റം​ബ​ർ മാ​സ​ങ്ങ​ളി​ലാ​ണ് തേ​ക്കു​ക​ളു​ടെ പൂ​ക്കാ​ലം. ഈ ​മാ​സ​ങ്ങ​ളി​ൽ ഇ​ത്ത​വ​ണ ഇ​ട​മു​റി​യാ​ത്ത മ​ഴ അ​നു​ഭ​വ​പ്പെ​ട്ടു. ഫെ​ബ്രു​വ​രി​യി​ലാ​ണ് വി​ത്ത്​ മൂ​പ്പെ​ത്തു​ക. ഈ ​സ​മ​യ​ത്ത്​ ശേ​ഖ​രി​ച്ച് ജൂ​ൺ, ജൂ​ലൈ മാ​സ​ങ്ങ​ളി​ലാ​ണ് ന​ടു​ന്ന​ത്. നി​ല​മ്പൂ​ർ നോ​ർ​ത്ത്, സൗ​ത്ത് ഡി​വി​ഷ​നു​ക​ളി​ൽ പ്ര​ത‍്യേ​കം പ​രി​പാ​ലി​ച്ചു​പോ​രു​ന്ന 200 ഹെ​ക്ട​ർ വ​രു​ന്ന തോ​ട്ട​ങ്ങ​ളി​ൽ നി​ന്നാ​ണ് കു​രു ശേ​ഖ​രി​ക്കു​ന്ന​ത്. വ​ർ​ഷ​ത്തി​ൽ ശ​രാ​ശ​രി മൂ​വാ​യി​രം കി​ലോ​ഗ്രാം കു​രു സം​ഭ​രി​ക്കാ​റു​ണ്ട്. എ​ന്നാ​ൽ ഈ ​വ​ർ​ഷം ല​ഭ‍്യ​ത ന​ന്നേ കു​റ​ഞ്ഞു.

നെ​ടു​ങ്ക​യ​ത്തെ 1974 തേ​ക്ക് തോ​ട്ട​മാ​ണ് ഗു​ണ​മേ​ന്മ​യി​ൽ ഒ​ന്നാം സ്ഥാ​ന​ത്ത്. 24.597 ഹെ​ക്ട​റാ​ണ് തോ​ട്ട​മാ​ണി​ത്. 1964 എ​ഴു​ത്തു​ക​ൽ 66.599 ഹെ​ക്ട​ർ, 1966 വ​ട്ടി​ക്ക​ൽ 44.110, 1971 ചെ​റു​പു​ഴ 71.110, 1973 എ​ഴു​ത്തു​ക​ൽ ബീ​റ്റ് ഒ​ന്ന് 48.350, 1973 എ​ഴു​ത്തു​ക​ൽ ബീ​റ്റ് ര​ണ്ട് 84.500, 1971 പൂ​ള​ക്ക​പ്പാ​റ 51.50, 1972 പൂ​ള​ക്ക​പ്പാ​റ 47.912, നോ​ർ​ത്ത് ഡി​വി​ഷ​നി​ലെ 1979 കാ​ന​ക്കു​ത്ത് 102.946 ഹെ​ക്ട​ർ തോ​ട്ട​ങ്ങ​ളാ​ണ് വി​ത്ത് ശേ​ഖ​ര​ണ​ത്തി​നാ​യി ക​ണ്ടെ​ത്തി​യി​ട്ടു​ള്ള​ത്. ഈ ​തോ​ട്ട​ങ്ങ​ൾ കൂ​ടാ​തെ ഗു​ണ​മേ​ന്മ​യു​ള്ള വി​ത്തു​ക​ൾ ല​ഭി​ക്കു​ന്ന മ​റ്റു തോ​ട്ട​ങ്ങ​ൾ ക​ണ്ടെ​ത്തു​ന്ന​തി​നു​ള്ള ഗ​വേ​ഷ​ണം ആ​രം​ഭി​ച്ചു.

കെ.​എ​ഫ്.​ആ​ർ.​ഐ​യി​ലെ ശാ​സ്ത്ര​ജ്ഞ​രാ​യ സു​ജ​ന​പാ​ൽ, ഉ​ണ്ണി​പി​ള്ള എ​ന്നി​വ​രു​ടെ നേ​തൃ​ത്വ​ത്തി​ലാ​ണ് വി​ത്ത് ശേ​ഖ​ര​ണം ന​ട​ത്തി ഗു​ണ​മേ​ന്മ ഉ​റ​പ്പാ​ക്കു​ന്ന​ത്. തോ​ട്ടം പ​രി​ശോ​ധ​ന​യി​ൽ നേ​ര​ത്തെ കു​രു ശേ​ഖ​രി​ച്ചി​രു​ന്ന ക​രി​യം​മു​രി​യം തോ​ട്ടം ഒ​ഴി​വാ​ക്കി. പ​ക​രം കാ​ന​ക്കു​ത്ത് തോ​ട്ടം ഉ​ൾ​പ്പെ​ടു​ത്തി.