ഇലവീഴാപ്പൂഞ്ചിറയിലെ പുല്ലിൽ തളിർക്കുന്നു; താഴ്വരയിലെ ​ജീവിതങ്ങൾ

കോ​ട്ട​യം: കാ​റ്റും മ​ഞ്ഞും മി​ന്ന​ലു​മെ​ല്ലാ​മു​ണ്ടെ​ങ്കി​ലും ഇ​ല​വീ​ഴാ​പ്പൂ​ഞ്ചി​റ ഇ​വ​ർ​ക്ക്​ അ​ന്നം ന​ൽ​കു​ന്ന മ​ണ്ണാ​ണ്. താ​ഴ്വ​ര​യി​ലെ നി​ര​വ​ധി കു​ടും​ബ​ങ്ങ​ളാ​ണ്​ ഇ​ല​വീ​ഴാ​പ്പൂ​ഞ്ചി​റ​യെ ആ​ശ്ര​യി​ച്ച്​ ഉ​പ​ജീ​വ​നം നടത്തുന്ന​ത്.

പൂ​ഞ്ചി​റ​യി​ലെ ചിറ്റീന്തി‍ന്‍റെ ഓ​ല​ക​ൾ മു​റി​ച്ച്​ ചൂ​ലു​ണ്ടാ​ക്കു​ന്ന ക​മ്പ​നി​ക​ൾ​ക്കു ന​ൽ​കു​ക​യാ​ണ്​ ഇ​വ​ർ ചെ​യ്യു​ന്ന​ത്. ഓ​ല​ക​ൾ മു​റി​ച്ചെ​ടു​ത്ത്​ ചീ​കി ചൂ​ലാ​ക്കി കെ​ട്ടി​വെ​ച്ചാ​ൽ മ​തി. ക​മ്പ​നി​ക​ളു​ടെ ആ​ളു​ക​ൾ വ​ണ്ടി​യി​ൽ വ​ന്ന്​ എ​ടു​ത്തു​കൊ​ണ്ടു​പോ​കും. ഒ​രു ഓ​ല​ക്ക്​ 1.30 പൈ​സ​യാ​ണ്​ ക​മ്പ​നി​ക്കാ​ർ ന​ൽ​കു​ക. രാ​വി​​ലെ മു​ത​ൽ ഉ​ച്ച​വ​രെ ഓ​ല വെ​ട്ടി​യാ​ൽ മ​തി. ആ​ഴ്ച​യി​ൽ 3000 രൂ​പ​യു​ടെ പ​ണി​യെ​ടു​ക്കു​മെ​ന്ന്​ ച​ക്കി​ക്കാ​വ്​ ത​ച്ചു​പു​ര​ക്ക​ൽ ലീ​ല പ​റ​ഞ്ഞു.

കാ​ഞ്ഞാ​റി​ൽ​നി​ന്ന​ട​ക്കം സ്ത്രീ​ക​ളും പു​രു​ഷ​ന്മാ​രും ഓ​ല വെ​ട്ടാ​ൻ പൂ​ഞ്ചി​റ​യി​ലെ​ത്തു​ന്നു​ണ്ട്. പൂ​ഞ്ചി​റ​യി​ൽ നി​റ​യെ ചി​റ്റീ​ന്ത്​ ഉ​ണ്ട്. അ​തു​കൊ​ണ്ട്​ പ​ണി ഇ​ല്ലാ​ത്ത ദി​വ​സ​മി​ല്ല. വീ​ട്ടി​ൽ ​വെ​റു​തെ​യി​രി​ക്ക​ണ്ട​ല്ലോ എ​ന്നു​ക​രു​തി സ​മീ​പ​ത്തെ സ്ത്രീ​ക​ളെ​ല്ലാം ഇ​വി​ടെ​യെ​ത്തു​മെ​ന്ന്​ ലീ​ല പ​റ​യു​ന്നു. മ​ഞ്ഞും മ​ഴ​യും വ​ന്നാ​ൽ ഇ​ട​ക്ക്​ പ​ണി നി​ർ​ത്തും. എ​ന്താ​യാ​ലും മി​ന്ന​ൽ പേ​ടി​ച്ച്​​ ഉ​ച്ച​ക്കു​ശേ​ഷം ആ​രും നി​ൽ​ക്കാ​റി​ല്ല.

ലീ​ല​യും ഭ​ർ​ത്താ​വ്​ കൃ​ഷ്ണ​ൻ​കു​ട്ടി​യും ചേ​ർ​ന്നാ​ണ്​ രാ​വി​ലെ പൂ​ഞ്ചി​റ ക​യ​റു​ക. കാ​ണാ​ൻ കാ​ഴ്ച​ളേ​റെ ഉ​​ണ്ടെ​ങ്കി​ലും പ​റ​ഞ്ഞു​കേ​ൾ​ക്കു​ന്ന​ത​ല്ലാ​തെ ലീ​ല​ അ​തൊ​ന്നും ക​ണ്ടി​ട്ടി​ല്ല. ഓ​ല വെ​ട്ടി​യെ​ടു​ത്ത്​ മ​ട​ങ്ങും.

എ​ന്നാ​ൽ, ഇ​ല​വീ​ഴാ​പ്പൂ​ഞ്ചി​റ​യി​ൽ ജ​നി​ച്ചു​വ​ള​ർ​ന്ന കൃ​ഷ്ണ​ൻ​കു​ട്ടി​ക്ക്​ ഇ​വി​ട​ത്തെ ഓ​രോ കാ​ര്യ​ങ്ങ​ളും ഹൃ​ദി​സ്ഥ​മാ​ണ്. അ​തു​​കൊ​ണ്ടു​ത​ന്നെ സ​ഞ്ചാ​രി​ക​ളു​ടെ ഏ​തു സം​ശ​യ​വും തീ​ർ​ക്കാ​ൻ​ കൃ​ഷ്ണ​ൻ​കു​ട്ടി മു​ന്നി​ലു​ണ്ടാ​കും.