കോവിഡ്​ മണ്ണിനും പരിക്കേൽപ്പിക്കുന്നു; ഒരു വർഷത്തിനുള്ളിൽ രാജ്യത്ത്​ ഉൽപ്പാദിപ്പിച്ചത്​​ 45,308 ടൺ ബയോമെഡിക്കൽ മാലിന്യങ്ങൾ​

ന്യൂഡൽഹി: മണ്ണിനും മനുഷ്യനും വേണ്ടി ലോകം ഒരുമയോടെ പരിസ്ഥിതി ദിനത്തിൽ കൈകോർക്കു​േമ്പാഴും കോവിഡ്​ 19 എന്ന മഹാമാരി മനുഷ്യനൊപ്പം മണ്ണിനും പരിക്കേൽപ്പിക്കുന്നുവെന്നാണ്​ കണക്കുകൾ പറയുന്നത്​.

കോവിഡിനെ തുടർന്ന്​ മരണസംഖ്യയും രോഗ​ ബാധിതരുടെ എണ്ണവും വർധിക്കു​േമ്പാൾ. പരിസ്ഥിതിക്ക്​ ആഘാതമേൽപ്പിക്കുന്നത്​ ബയോ മെഡിക്കൽ മാലിന്യങ്ങളിലൂടെയാണ്​. കോവിഡ്​ രോഗനിർണയത്തിനും രോഗികളുടെ ചികിത്സക്കും ഉപയോഗിക്കുന്നവയാണിത്​. കഴിഞ്ഞ ഒരു വർഷത്തിനുള്ളിൽ കോവിഡ് ചികിത്സയുടെ ഭാഗമായി 45,308 ടൺ ബയോമെഡിക്കൽ മാലിന്യങ്ങളാണ്​ ഇന്ത്യയിൽ മാത്രം ഉണ്ടായതെന്ന്​ കണക്കുകൾ പറയുന്നു. പ്രതിദിനം146 ടൺ ബയോ മെഡിക്കൽ മാലിന്യങ്ങൾ ഉത്പാദിപ്പിക്കുന്നുണ്ടെന്ന് കേന്ദ്ര മലിനീകരണ നിയന്ത്രണ ബോർഡ് (സി.പി.സി.ബി) പറയുന്നു. കോവിഡിന് മുമ്പ് ഒരു ദിവസം 615 ടൺ ബയോമെഡിക്കൽ മാലിന്യമാണ്​ ഇന്ത്യയിൽ ഉത്​പാദിപ്പിച്ചിരുന്നന്നതെന്നും, അതിന്​ പുറമെയാണിതെന്നും മലിനീകരണ നിയന്ത്രണ ബോർഡി​െൻറ കണക്കുകൾ വ്യക്തമാക്കുന്നു.

കോവിഡ്​ കാരണം മാത്രം ബയോമെഡിക്കൽ മാലിന്യ ഉത്പാദനത്തിൽ ഇത് ഏകദേശം 17% വർധനവാണുണ്ടായിരിക്കുന്നത്​. മാസ്​കുകൾ, പി.പി.ഇ കിറ്റുകൾ തുടങ്ങിയവയുൾപ്പടെയാണിത്​.

കോവിഡ്​ മെഡിക്കൽ മാലിന്യങ്ങൾക്ക്​ പുറമെ ലോക്​ഡൗൺ കൂടി വന്നതോടെ ഹോം ഡെലിവെറിയും മറ്റും വാപകമായതോടെ പ്ലാസ്​റ്റിക്​ മാലിന്യങ്ങളിലും വലിയ വർധനയുണ്ടായിട്ടുണ്ട്​.