കാലാവസ്ഥ വ്യതിയാനം; ചൂട് കനക്കുന്നു

ക​ൽ​പ​റ്റ: മ​ഴ ഇ​ല്ലാ​ത്ത​തി​നു പു​റ​മെ ജി​ല്ല​യി​ൽ ചൂ​ടും ക​ന​ക്കു​ന്നു. കാ​ല​വ​ർ​ഷം തു​ട​ങ്ങി മൂ​ന്ന് മാ​സ​മാ​യി​ട്ടും കാ​ര്യ​മാ​യ മ​ഴ ല​ഭി​ക്കാ​താ​യ​തോ​ടെ വ​യ​നാ​ട്ടു​കാ​ർ ക​ടു​ത്ത ആ​ശ​ങ്ക​യി​ൽ. കാ​ലാ​വ​സ്ഥ വ്യ​തി​യാ​നം കൃ​ഷി​യെ കാ​ര്യ​മാ​യി ബാ​ധി​ക്കു​മെ​ന്ന​തി​ന് പു​റ​മെ വെ​ള്ള​മി​ല്ലാ​തെ ക​ടു​ത്ത വ​ര​ൾ​ച്ച​യും അ​ഭി​മു​ഖീ​ക​രി​ക്കേ​ണ്ടിവ​രു​മോ എ​ന്ന ആ​ശ​ങ്ക​യി​ലാ​ണ് ജ​ന​ങ്ങ​ൾ.

കു​ടി​വെ​ള്ള സ്രോ​ത​സ്സുക​ളെ​യും മ​ഴ​യി​ല്ലാ​ത്ത​തും ക​ന​ത്ത ചൂ​ടും പ്ര​തി​സ​ന്ധി​യി​ലാ​ക്കും. ചി​ങ്ങ​മാ​സ മ​ഴ​യാ​ണ് ജ​ല​സ്രോ​ത​സ്സുക​ൾ സ​മൃ​ദ്ധ​മാ​ക്കു​ന്ന​ത്. കു​ടി​വെ​ള്ളം മു​ട​ങ്ങാ​തെ ല​ഭി​ക്കു​ന്ന​തി​നും ഉ​റ​വ​ക​ൾ നി​ല​നി​ർ​ത്തു​ന്ന​തി​നും ചി​ങ്ങ മാ​സ​ങ്ങ​ളി​ലെ മ​ഴ പ്ര​ധാ​ന​മാ​ണ്. എ​ന്നാ​ൽ, ചി​ങ്ങം പ​കു​തി​യാ​യി​ട്ടും മ​ഴ​യി​ല്ലെ​ന്നു മാ​ത്ര​മ​ല്ല, നേ​ര​ത്തെ ല​ഭി​ച്ചി​രു​ന്ന ഒ​റ്റ​പ്പെ​ട്ട മ​ഴ​യും ഇ​പ്പോ​ഴി​ല്ല. ചൂ​ട് കൂ​ടു​ന്ന​തു കാ​ര​ണം പു​ഴ​ക​ളി​ലെ​യും തോ​ടു​ക​ളി​ലെ​യും ജ​ല​നി​ര​പ്പ് താ​ഴ്ന്നു.

മ​ഴ​ക്കു​റ​വ് 2024 ക​ടു​ത്ത ജ​ല​ക്ഷാ​മ​ത്തി​ന് കാ​ര​ണ​മാ​കു​മോ എ​ന്ന ആ​ശ​ങ്ക​യി​ലാ​ണ് ജ​ന​ങ്ങ​ൾ. വേ​ന​ലി​നെ വെ​ല്ലു​ന്ന ത​ര​ത്തി​ലാ​ണ് ഇ​പ്പോ​ൾ ജി​ല്ല​യി​ൽ പ​ക​ൽ നേ​ര​ങ്ങ​ളി​ലെ ചൂ​ട്.

ഉ​ച്ച​ക്കുശേ​ഷം 28 മു​ത​ൽ 30 ഡി​ഗ്രി സെ​ൽ​ഷ്യ​സ് വ​രെ താ​പ​നി​ല അ​നു​ഭ​വ​പ്പെ​ടു​ന്നു​ണ്ട്. ആ​ഗ​സ്റ്റ് മാ​സ​ത്തി​ൽ ജി​ല്ല​യി​ൽ 82 ശ​ത​മാ​ന​ത്തി​ന്റെ മ​ഴ​ക്കു​റ​വു​ണ്ടാ​യ​താ​യാ​ണ് വി​ലി​യി​രു​ത്ത​ൽ. 38 മി​ല്ലി​മീ​റ്റ​ർ മ​ഴ മാ​ത്ര​മാ​ണ് ഈ ​മാ​സം ല​ഭി​ച്ച​ത്. മു​ൻ വ​ർ​ഷം ഇ​ത് 222 മി​ല്ലി മീ​റ്റ​ർ ആ​യി​രു​ന്നു. സം​സ്ഥാ​ന​ത്താ​കെ മ​ഴ​ക്കു​റ​വ് ല​ഭി​ച്ച ജി​ല്ല​ക​ളി​ൽ വ​യ​നാ​ട് ഏ​റെ മു​ന്നി​ലാ​ണ്.

നെ​ൽ​ക​ർ​ഷ​ക​ർ ആ​ശ​ങ്ക​യി​ൽ

വെ​ള്ള​മു​ണ്ട: ജി​ല്ല​യി​ൽ ചൂ​ട് ക​ന​ത്ത​തോ​ടെ നെ​ൽ ക​ർ​ഷ​ക​ർ ആ​ശ​ങ്ക​യി​ൽ. നെ​ൽ​കൃ​ഷി പൂ​ർ​ത്തി​യാ​കും മു​മ്പേ വേ​ന​ൽ ശ​ക്ത​മാ​യ​താ​ണ് ക​ർ​ഷ​ക​ർ​ക്ക് തി​രി​ച്ച​ടി​യാ​യ​ത്. പാ​ട​ത്ത് ക​ഴി​ഞ്ഞ ദി​വ​സ​ങ്ങ​ളി​ൽ ന​ടീ​ൽ തു​ട​ങ്ങി​യെ​ങ്കി​ലും വെ​ള്ള​മി​ല്ലാ​ത്ത​തി​നാ​ൽ വ​യ​ലു​ക​ൾ വ​ര​ണ്ടു​ണ​ങ്ങി​യ നി​ല​യി​ലാ​ണ്. പു​ഴ​യി​ൽ നി​ന്നും തോ​ട്ടി​ൽ നി​ന്നും വെ​ള്ളം തി​രി​ച്ചാ​ണ് പ​ല​രും താ​ൽ​ക്കാ​ലി​ക​മാ​യി കൃ​ഷി ചെ​യ്യു​ന്ന​ത്. എ​ന്നാ​ൽ, ശ​ക്ത​മാ​യ വേ​ന​ൽ തു​ട​രു​ക​യാ​ണെ​ങ്കി​ൽ വെ​ള്ളം എ​ത്തി​ക്കാ​ൻ ക​ഴി​യാ​തെ നെ​ൽ​കൃ​ഷി ക​രി​ഞ്ഞു​ണ​ങ്ങു​മെ​ന്ന അ​വ​സ്ഥ​യാ​ണ്.

ജി​ല്ല​യി​ലെ ജ​ല​സ്രോ​ത​സ്സു​ക​ൾ മു​ഴു​വ​ൻ ക​ർ​ണാ​ട​ക​യി​ലേ​ക്ക് ഒ​ഴു​കു​മ്പോ​ൾ വെ​ള്ളം ത​ട​ഞ്ഞു നി​ർ​ത്താ​ൻ ശാ​ശ്വ​ത​മാ​യ ന​ട​പ​ടി ഉ​ണ്ടാ​വു​ന്നി​ല്ലെ​ന്നാ​ണ് ക​ർ​ഷ​ക​രു​ടെ പ​രാ​തി. ജ​ല​സേ​ച​ന​ത്തി​ന് സൗ​ക​ര്യ​മി​ല്ലാ​ത്ത ഇ​ട​ങ്ങ​ളി​ൽ കാ​ലാ​വ​സ്ഥ വ്യ​തി​യാ​നം നെ​ൽ​കൃ​ഷി​യെ കാ​ര്യ​മാ​യി ബാ​ധി​ക്കും.