Begin typing your search above and press return to search.
exit_to_app
exit_to_app
Sanjay Leela Bhansali
cancel
Homechevron_rightEntertainmentchevron_rightബൻസാലി മാജിക്​ ഇനി...

ബൻസാലി മാജിക്​ ഇനി നെറ്റ്​ഫ്ലിക്​സിലും; ആദ്യ വെബ്​സീരീസിൽ പറയുന്നത്​ 'ഹീരാമണ്ഡി'യുടെ കഥ

text_fields
bookmark_border

മുംബൈ: ബോളിവുഡിലെ ദേവദാസ്​, പത്മാവത്​, ബജിരാവോ മസ്​താനി, രാംലീല തുടങ്ങിയ ദൃശ്യവിസ്​മയങ്ങളൊരുക്കിയ സഞ്​ജയ്​ ലീല ബൻസാലി മാജിക്​ ഇനി നെറ്റ്​ഫ്ലിക്​സിലും. സിനിമക്ക്​ പകരം വെബ്​സീരിസുമായാണ്​ നെറ്റ്​ഫ്ലിക്​സിൽ ബൻസാലിയെത്തുക. 'ഹീരാമണ്ഡി'യെന്നാണ്​ വെബ്​സീരിസി​​െൻറ പേര്​. സ്വാതന്ത്രത്തിന്​ മുമ്പുള്ള ലാഹോറി​ലെ ഹീരാമണ്ഡിയിലെ ലൈംഗികത്തൊഴിലാളികളു​െ​ട കഥ കൂടിയാകും സീരീസ്​ പറയുക. ചിത്രത്തി​െൻറ ആദ്യ പോസ്​റ്റർ നെറ്റ്​ഫ്ലിക്​സ്​ പുറത്തുവിട്ടു.

ബോളിവുഡിൽ 25 വർഷം പൂർത്തിയാക്കിയിരിക്കുകയാണ്​ നിറങ്ങൾക്കൊണ്ട്​ ദൃശ്യവിസ്​മയം തീർക്കുന്ന ബൻസാലി. ഈ വേളയിലാണ്​ സീരീസ്​ ഒരുക്കുന്ന വിവരം നെറ്റ്​ഫ്ലിക്സ്​ പങ്കുവെച്ചിരിക്കുന്നത്​.

'കൊട്ടാരദാസികൾ രാജ്ഞികളായിരുന്നു' എന്നാണ്​ ഹീരാമണ്ഡിയുടെ ടാഗ്​ലൈൻ. സീരീസിൽ അണിനിരക്കുന്ന താരങ്ങൾ ആരെല്ലാമാണെന്ന വിവരം പുറത്തുവിട്ടിട്ടില്ല. 'ലാഹോറിലെ ലൈംഗികത്തൊഴിലാളികളെ കുറിച്ചുള്ള വലിയ കഥയാണ്​. 14വർഷമായി ഇത്​ ഞാൻ മനസിൽ കൊണ്ടു നടക്കുന്നു. ഇത്​ വി​ശാലവും അഭിലഷണീയവുമാകും' -ബൻസാലി പറഞ്ഞു. ലാഹോറിലെ റെഡ്​ലൈറ്റ്​ പ്രദേശമാണ്​ ഹീരമണ്ഡി. അവിടത്തെ കഥയാണ്​ ബൻസാലി സീരിസിലൂടെ പറയുക.

ഞായറാഴ്​ച ബൻസാലി ബോളിവുഡിൽ 25 വർഷം പൂർത്തിയാക്കിയിരുന്നു. ബൻസാലിയുടെ ആദ്യ സംവിധാനമായ ഖാമോഷി; ദ മ്യൂസിക്കൽ 1996, ആഗസ്​റ്റ്​ ഒമ്പതിനാണ് ​പുറത്തിറങ്ങിയത്​. ആലിയ ഭട്ട്​, ദീപിക പദുക്കോൺ, സൽമാൻ ഖാൻ തുടങ്ങിയവർ ബൻസാലിക്ക്​ ആശംസകൾ നേർന്ന്​ രംഗത്തെത്തിയിരുന്നു. ആലിയ ഭട്ടി​നെ പ്രധാന കഥാപാത്രമായി ഒരുക്കിയ ഗംഗുഭായ്​ കത്തിയാവാഡിയാണ്​ ബൻസാലിയുടെ ഏറ്റവും പുതിയ ചിത്രം.

Show Full Article
TAGS:Heeramandi Sanjay Leela Bhansali Netflix 
News Summary - Sanjay Leela Bhansali collaborates with Netflix for web series Heeramandi
Next Story