'സാബി'ന്​ ചാരേ എന്നും സൈറ...

പ്രവചനങ്ങൾ ​തെറ്റാണെന്ന്​ തെളിയിച്ച 55 വർഷം. അതായിരുന്നു വെള്ളിത്തിരയിലും ജീവിതത്തിലും ഒരുപോലെ ഹിറ്റായ ദിലീപ്​ കുമാർ-സൈറ ബാനു ജോഡിയുടെ ജീവിതം. വിവാഹിതരാകു​​േമ്പാൾ ഇരുവരും തമ്മിലെ പ്രായവ്യത്യാസം 22. ഈ ദാമ്പത്യം അധികനാൾ നീളില്ലെന്ന്​ പലരും പ്രവചിച്ചു. ആ പ്രവചനങ്ങളെ​െയല്ലാം കാറ്റിൽ പറത്തി അവർ ജീവിച്ചുകാണിക്കുകയും ചെയ്​തു; ഒരൊറ്റ മനസ്സായി, അരനൂറ്റാണ്ടിലേറെ. അവശതകളിലെല്ലാം ജീവൻ പകർന്ന് ത​െൻറ ‍പ്രാണേശ്വര​െൻറ ‍ചാരത്ത്​ സൈറ ഉണ്ടായിരുന്നു. 'സാബ്​' എന്നായിരുന്നു സൈറ ദിലീപിനെ വിളിച്ചിരുന്നത്​. 'സാബി'നൊപ്പം എന്നും നിലകൊള്ളുകയും ചെയ്​തിരുന്നു.

മുൻകാല നടിയായ നസീമ ബാനുവിന്‍റെ മകളായ സൈറക്ക്​ 12ാം വയസ്സിൽ തന്നെ ദിലീപ് കുമാറിനോട് പ്രണയം തുടങ്ങിയിരുന്നു. അന്നദ്ദേഹത്തിന് 34 വയസ്സായിരുന്നു. മറാത്ത മന്ദിറിൽ 'മുഗളേ അസം' സിനിമയുടെ ആദ്യപ്രദർശനത്തിന് ദിലീപ് കുമാർ എത്തുമെന്ന്​ പ്രതീക്ഷിച്ച്‍ സൈറ കാത്തുനിന്നിരുന്നു. പക്ഷേ, നിരാശയായിരുന്നു ഫലം.

പിന്നീട് സൈറ നടിയായപ്പോൾ പ്രായവ്യത്യാസം ചൂണ്ടിക്കാട്ടി തന്‍റെ സിനിമയിൽ നായികയാകുന്നതും അദ്ദേഹം തടഞ്ഞു. പിന്നീട്​ ഗോപി, സഗിന, ബായിരാഗ് സിനിമകളിൽ ഇരുവരും ഒരുമിച്ച്​ അഭിനയിക്കുകയും ചെയ്​തു. പിന്നീടൊരിക്കൽ സൈറയുടെ പുതിയ വീട്ടിലേക്ക് ചെന്ന ദിലീപ് കുമാറിന് ആദ്യ കാഴ്​ചയിൽ തന്നെ അവരോട്​ ഇഷ്​ടം കൂടുകയായിരുന്നു. വീടി​െൻറ കവാടത്തിൽ ചിത്രപ്പണികളാൽ അലംങ്കൃതമായ സാരിയിൽ മനോഹരിയായി നിന്ന സൈറയെ കുറിച്ച് ആത്മകഥയിൽ ദിലീപ് കുമാർ വിവരിച്ചിട്ടുമുണ്ട്​.

1966 ഒക്ടോബർ 11നായിരുന്നു വിവാഹം. വിവാഹശേഷം 10 വർഷത്തോളം സൈറ അഭിനയം തുടർന്നു. 1972ൽ എട്ടാം മാസം ഗർഭസ്ഥ ശിശു മരിച്ചതോടെ ഇനി കുട്ടികൾ വേണ്ടെന്ന്​ ഇവർ എടുത്ത തീരുമാനം വാർത്തയായിരുന്നു. പിന്നീട് 'സാബി'നെ പരിചരിച്ചു വീട്ടമ്മയായി ഒതുങ്ങിക്കൂടുന്ന സൈറയെയാണ്​ കണ്ടത്​.

'79 ൽ ഹൈദരാബാദിൽ ക്രിക്കറ്റ് കളി കാണാനെത്തിയ അസ്​മ എന്ന പാകിസ്​താൻ യുവതിയുമായി പ്രണയത്തിലായ ദിലീപ്​ കുമാർ അവരെ രഹസ്യമായി വിവാഹം ചെയ്തു. മൂന്നുവർഷം കൊണ്ട്​ ആ ബന്ധം തകരുകയും ചെയ്​തു. തന്‍റെ 'സാബ്' തന്നിലേക്ക് തന്നെ മടങ്ങിവരുമെന്ന ഉറച്ച വിശ്വാസത്തിൽ കാത്തിരുന്ന സൈറയിലേക്ക് അദ്ദേഹം മടങ്ങുകയും ചെയ്​തു. സൈറയോടുള്ള പ്രണയം പോലെ തന്നെ പ്രശസ്​തമായിരുന്നു ദിലീപ്​ കുമാറിന്‍റെ പിങ്ക്​ നിറത്തോടുള്ള പ്രണയവും...