ഓസ്കർ ചന്തത്തിൽ തിളങ്ങി; മുതുമല ആന ക്യാമ്പ്

ഗൂ​ഡ​ല്ലൂ​ർ: ​ഓ​സ്ക​ർ തി​ള​ക്ക​ത്തി​ൽ മു​തു​മ​ല തെ​പ്പ​ക്കാ​ട് ആ​ന ക്യാ​മ്പ്. ക്യാ​മ്പി​ലെ കു​ട്ടി​യാ​ന​യെ​യും പ​രി​പാ​ലി​ക്കു​ന്ന പാ​പ്പാ​ന്മാ​രെ​യും കു​റി​ച്ച് കാ​ർ​ത്തി​കി ഗോ​ൾ​സാ​ൽ​വേ​സ് സം​വി​ധാ​നം ചെ​യ്ത ‘ദ ​എ​ല​ഫ​ന്റ് വി​സ്പ​റേ​ഴ്സ്’ എ​ന്ന ഡോ​ക്യു​മെ​ന്റ​റി​ക്കാ​ണ് ഹ്ര​സ്വ​ചി​ത്ര വി​ഭാ​ഗ​ത്തി​ൽ ഓ​സ്ക​ർ ല​ഭി​ച്ച​ത്. മു​തു​മ​ല തെ​പ്പ​ക്കാ​ട് ക്യാ​മ്പി​ലെ കു​ട്ടി​യാ​ന ര​ഘു, പാ​പ്പാ​ൻ ബൊ​മ്മ​ൻ സ​ഹാ​യി​യാ​യി നി​യ​മി​ച്ച ഭാ​ര്യ ബെ​ള്ളി എ​ന്നി​വ​രെ കു​റി​ച്ചാ​ണ് മ​നു​ഷ്യ​നും മൃ​ഗ​വും ത​മ്മി​ലു​ള്ള അ​തു​ല്യ​മാ​യ ബ​ന്ധ​ം പറയുന്ന ഡോ​ക്യു​മെൻറ​റി കാ​ർ​ത്തി​കി ഗോ​ൾ​സാ​ൽ​വേ​സ് ത​യാ​റാ​ക്കി​യ​ത്.

കൃ​ഷ്ണ​ഗി​രി ജി​ല്ല​യി​ലെ ഹൊ​സൂ​ർ വ​ന​ത്തി​ൽ നി​ന്നാ​ണ് 2017 ജൂ​ലൈ​യി​ൽ 10 മാ​സം പ്രാ​യ​മു​ള്ള ആ​ന​ക്കു​ട്ടി​യെ ര​ക്ഷ​പ്പെ​ടു​ത്തി മു​തു​മ​ല ക്യാ​മ്പി​ൽ എ​ത്തി​ച്ച​ത്. ആ​ന​പാ​പ്പാ​ൻ ബൊ​മ്മ​നെ​യാ​ണ് പ​രി​പാ​ല​ന ചു​മ​ത​ല ഏ​ൽ​പി​ച്ച​ത്. ‘ര​ഘു’ എ​ന്ന പേ​ര് വി​ളി​ച്ച ഈ ​ആ​ന​ക്കു​ട്ടി പ​രി​ക്കു​ക​ളോ​ടെ വ​ള​രെ ത​ള​ർ​ന്ന അ​വ​സ്ഥ​യി​ലാ​യി​രു​ന്നു. മു​ല​പ്പാ​ൽ​പോ​ലും കി​ട്ടാ​തെ ക​ഷ്ട​പ്പെ​ടു​ന്ന ര​ഘു​വി​ന് ലാ​ക്ടോ​ജ​നും ഗ്ലൂ​ക്കോ​സും ന​ൽ​കി 24 മ​ണി​ക്കൂ​റും സ്നേ​ഹ​പൂ​ർ​വം നി​രീ​ക്ഷി​ച്ച ബൊ​മ്മ​നെ സ​ഹാ​യി​ക്കാ​ൻ ഭാ​ര്യ ബെ​ള്ളി​യും ഒ​പ്പ​മു​ണ്ടാ​യി​രു​ന്നു.

ആ​ന​ക്കു​ട്ടി​ക്കു​വേ​ണ്ടി ബൊ​മ്മ​നും ബെ​ള്ളി​യും ത​ങ്ങ​ളു​ടെ ജീ​വി​തം സ​മ​ർ​പ്പി​ച്ചു. ഇ​പ്പോ​ൾ ആ​റു വ​യ​സ്സു​ള്ള ആ​ന ഒ​രു കു​ട്ടി​യെ​പ്പോ​ലെ ഇ​വ​രോ​ട് ഇ​ണ​ങ്ങി ക​ഴി​യു​ന്ന​ത് എ​ല്ലാ​വ​രെ​യും അ​ത്ഭു​ത​പ്പെ​ടു​ത്തും. മ​നു​ഷ്യ​നും മൃ​ഗ​വും ത​മ്മി​ലു​ള്ള അ​തു​ല്യ​മാ​യ അ​പൂ​ർ​വ​മാ​യ ബ​ന്ധ​ത്തെ​ക്കു​റി​ച്ചാ​ണ് ഡോ​ക്യു​മെൻറ​റി​യി​ലൂ​ടെ സം​വി​ധാ​യി​ക പ്ര​തി​പാ​ദി​ക്കു​ന്ന​ത്. പാ​പ്പാ​ന്മാ​രു​ടെ പേ​ര​ക്കു​ട്ടി സ​ഞ്ജ​ന​യും ഡോ​ക്യു​മെൻറ​റി​യി​ൽ അ​ഭി​ന​യി​ച്ചി​ട്ടു​ണ്ട്. ​