പിന്നണി ഗായിക ഉമ രമണൻ അന്തരിച്ചു

ചെ​ന്നൈ: ത​മി​ഴ് സി​നി​മ​ക​ളി​ൽ നി​ര​വ​ധി ഹി​റ്റ് ഗാ​ന​ങ്ങ​ൾ പാ​ടി​യ പ്ര​ശ​സ്ത പി​ന്ന​ണി ഗാ​യി​ക ഉ​മ ര​മ​ണ​ൻ (69) അ​ന്ത​രി​ച്ചു. ബു​ധ​നാ​ഴ്ച രാ​ത്രി ചെ​ന്നൈ അ​ഡ​യാ​ർ ഗാ​ന്ധി​ന​ഗ​റി​ലെ വ​സ​തി​യി​ലാ​യി​രു​ന്നു അ​ന്ത്യം. ക​ഴി​ഞ്ഞ കു​റെ മാ​സ​ങ്ങ​ളാ​യി ചി​കി​ത്സ​യി​ലാ​യി​രു​ന്നു.

സം​ഗീ​ത​ജ്ഞ​ൻ എ.​വി. ര​മ​ണ​ന്റെ ബാ​ൻ​ഡി​ൽ പാ​ടി​യി​രു​ന്ന ഉ​മ പി​ന്നീ​ട് ര​മ​ണ​നെ വി​വാ​ഹം ക​ഴി​ച്ചു. പ​ള​നി വി​ജ​യ​ല​ക്ഷ്മി​യു​ടെ കീ​ഴി​ലാ​ണ് സം​ഗീ​തം അ​ഭ്യ​സി​ച്ച​ത്. 1978ൽ ‘​കൃ​ഷ്ണ​ലീ​ല’ എ​ന്ന ചി​ത്ര​ത്തി​ലെ എ​സ്.​വി. വെ​ങ്ക​ട്ട​ര​മ​ണ​ന്റെ സം​ഗീ​ത​ത്തി​ൽ ‘മോ​ഹ​ന​ൻ ക​ണ്ണ​ൻ മു​ര​ളി’ എ​ന്ന ഗാ​ന​ത്തി​ലൂ​ടെ സി​നി​മ​യി​ൽ അ​ര​ങ്ങേ​റ്റം കു​റി​ച്ചു. എം.​എ​സ്. വി​ശ്വ​നാ​ഥ​ൻ, ദേ​വ, വി​ദ്യാ​സാ​ഗ​ർ, ശ​ങ്ക​ർ ഗ​ണേ​ഷ്, മ​ണി​ശ​ർ​മ തു​ട​ങ്ങി നി​ര​വ​ധി സം​ഗീ​ത സം​വി​ധാ​യ​ക​ർ​ക്കൊ​പ്പം പ്ര​വ​ർ​ത്തി​ച്ചി​ട്ടു​ണ്ടെ​ങ്കി​ലും ഇ​ള​യ​രാ​ജ​യു​ടെ സം​ഗീ​ത​ത്തി​ലാ​ണ് കൂ​ടു​ത​ൽ ഗാ​ന​ങ്ങ​ൾ ആ​ല​പി​ച്ച​ത്. വേ​റി​ട്ട ശ​ബ്ദ​ത്തി​ന് ഉ​ട​മ​യാ​യ ഉ​മ ര​മ​ണ​ൻ ഇ​ള​യ​രാ​ജ​യു​ടെ സം​ഗീ​ത​ത്തി​ൽ നൂ​റോ​ളം ഗാ​ന​ങ്ങ​ൾ ആ​ല​പി​ച്ചു. 1980ൽ ​ഇ​ള​യ​രാ​ജ​യു​ടെ സം​ഗീ​ത​ത്തി​ൽ ‘നി​ഴ​ൽ​ക​ൾ’ എ​ന്ന സി​നി​മ​യി​ലെ ‘പൂ​ങ്ക​ത​വൈ താ​ഴ് തി​റ​വാ​യ്’ എ​ന്ന ഗാ​ന​ത്തി​ലൂ​ടെ​യാ​ണ് ശ്ര​ദ്ധേ​യ​യാ​യ​ത്. മൂ​ന്ന​ര ദ​ശാ​ബ്ദ​ത്തി​നി​ടെ സി​നി​മ​ക്ക് പു​റ​മെ ഭ​ർ​ത്താ​വ് ര​മ​ണ​നൊ​പ്പം 6000ത്തി​ല​ധി​കം ക​ച്ചേ​രി​ക​ളി​ൽ പാ​ടി​യി​ട്ടു​ണ്ട്.

‘ആ​ന​ന്ദ​രാ​ഗം’, ആ​ഗാ​യ വെ​ണ്ണി​ലാ​വേ’, ‘ഭൂ​പാ​ളം ഇ​സൈ​ക്കും’, ‘അ​ന്ത​രാ​ഗം കേ​ൾ​ക്കും കാ​ലം’, ‘പൂ ​മാ​നേ’ തു​ട​ങ്ങി​യ നി​ര​വ​ധി അ​വി​സ്മ​ര​ണീ​യ​മാ​യ സി​നി​മ ഗാ​ന​ങ്ങ​ൾ​ക്ക് ശ​ബ്ദം ന​ൽ​കി. വി​ജ​യ് നാ​യ​ക​നാ​യ ‘തി​രു​പ്പാ​ച്ചി’​യി​ലെ ‘ക​ണ്ണും ക​ണ്ണും താ​ൻ ക​ല​ന്താ​ച്ച്’ എ​ന്ന ഗാ​ന​മാ​ണ് അ​വ​സാ​ന​മാ​യി പാ​ടി​യ​ത്. വ്യാ​ഴാ​ഴ്ച വൈ​കീ​ട്ട് സം​സ്കാ​ര ച​ട​ങ്ങ് ന​ട​ന്നു. സം​ഗീ​ത​ജ്ഞ​നാ​യ വി​ഗ്നേ​ഷ് ര​മ​ണ​ൻ മ​ക​നാ​ണ്.