മുൻ പ്രവാസികളുടെ മെഹ്​ഫിൽ രാവുകൾ

ഗ്രാ​മീ​ണ​ത​യു​ടെ ശാ​ലീ​ന​ത​യാ​ണ് പ​ച്ച​പിടി​ച്ച് കി​ട​ക്കു​ന്ന കാ​വു​ക​ളും മു​ള​ങ്കാ​ടു​ക​ളും കൊ​ക്ക​ര​ണി​ക​ളും. നാ​ട്ടു​പ​ക്ഷി​ക​ളോ​ടൊ​പ്പം ദേ​ശാ​ട​ന​പ​ക്ഷി​ക​ളും ചേ​ക്കേ​റു​ന്ന​യി​ടം. സ​ന്ധ്യ​യാ​യാ​ൽ ചി​ല്ല​ക​ളി​ലി​രു​ന്ന് ഇ​വ പാ​ടാ​ൻ തു​ട​ങ്ങും. രാ​ഗ​മാ​ലി​ക​യി​ൽ ഭാ​ഷ​ഭേ​ദ​ങ്ങ​ളി​ല്ലാ​തെ പ്ര​കൃ​തി​യെ ത​ന്നെ കോ​ർ​ക്കു​ന്ന മാ​ന്ത്രി​ക​ത​യാ​ണ് ഈ ​സം​ഗീ​ത ചി​റ​ക​ടി​ക​ൾ​ക്കു​ള്ള​ത്. പ്ര​കൃ​തി​യു​ടെ ഈ ​മ​നോ​ഹ​ര സം​ഗീ​ത സ​ന്ധ്യ​യി​ൽനി​ന്ന് മ​നു​ഷ്യ​നി​ലേ​ക്ക് പ​ട​ർ​ന്നു​പ്പി​ടി​ച്ച ഉ​ന്മാ​ദ​ത്തെ​യാ​ണ് രാ​ഗ​ങ്ങ​ൾ മെ​ഹ്ഫി​ൽ എ​ന്നു​വി​ളി​ക്കു​ന്ന​ത്. ഗ്രാ​മീ​ണ സം​ഗീ​ത സൌ​ന്ദ​ര്യ​മാ​യ മെ​ഹ്ഫി​ലു​ക​ൾ മ​നു​ഷ്യ​രോ​ടൊ​പ്പം പ്ര​വാ​സ​ഭൂ​മി​യി​ലും പ​ത്തേ​മാ​രി​യി​റ​ങ്ങി. അ​ട​യാ​ള​പ്പാ​റ​ക​ളി​ൽ അ​ല​യ​ടി​ച്ചു. മ​രു​ഭൂ​മി​യു​ടെ ആ​ഴ​ങ്ങ​ളി​ലൂ​ടെ സ​ഞ്ച​രി​ച്ചു. ഒ​ട്ട​ക​ങ്ങ​ളോ​ടൊ​ത്ത് മേ​ഞ്ഞും ആ​ട്ടി​ൻ​പ്പ​റ്റ​ത്തെ തെ​ളി​ച്ചും ന​ട​ന്നു. ഒ​ഴി​വു​ദി​വ​സ​ങ്ങ​ളി​ൽ പ്ര​വാ​സ​ത്തി​ന്‍റെ സ​ങ്ക​ട​ങ്ങ​ൾ​ക്കു​ള്ളി​ൽ കി​ട​ന്ന് പാ​തി​രാ​വോ​ളം പാ​ടി സ​ന്തോ​ഷ​ത്തെ വി​ളി​ച്ചു​വ​രു​ത്തി. അ​വി​ടെ ത​ന്നെ കി​ട​ന്നു​റ​ങ്ങി. അ​തി​രാ​വി​ലെ ത​ന്നെ ക​മ്പ​നി ബ​സും കാ​ത്തു​നി​ന്നു. മെ​ഹ്ഫി​ലു​ക​ൾ അ​ങ്ങ​നെ​യാ​ണ് സ​ന്തോ​ഷ​ത്തി​നു​ള്ളി​ലും സ​ങ്ക​ട​ത്തി​നു​ള്ളി​ലും ഹാ​ർ​മോ​ണി​യ​വും ത​ബ​ല​യു​മാ​യി അ​ത് ക​ട​ന്നു​വ​രും. വ​രു​ന്ന​വ​രെ​യും പോ​കു​ന്ന​വ​രെ​യും വി​ളി​ച്ചു​വ​രു​ത്തി പാ​ടി​ക്കും. പ്ര​വാ​സ​ഭൂ​മി​യി​ലൂ​ടെ അ​വ​ധി​ദി​വ​സ​ങ്ങ​ളി​ൽ ക​റ​ങ്ങി​നോ​ക്കൂ, മെ​ഹ്ഫി​ലു​ക​ൾ പെ​യ്തി​റ​ങ്ങു​ന്ന രാ​വു​ക​ൾ നി​ങ്ങ​ളേ​യും രാ​ഗ​മാ​ലി​ക​യി​ൽ കോ​ർ​ത്തി​ണ​ക്കും.

ദു​ബൈ​യി​ൽ, ഖോ​ർ​ഫ​ക്കാ​നി​ൽ, ദി​ബ്ബ​യി​ൽ,ക​ൽ​ബ​യി​ൽ, ഗു​ബൈ​ഫാ​ത്തി​ൽ...

അ​ത്ത​ര​മൊ​രു ഇ​ട​മാ​യ​രു​ന്നു ദു​ബൈ ജു​മേ​ര​യി​ലെ ബ​ഷീ​ർ സി​ൽ​സി​ല​യു​ടെ വീ​ട്. പാ​ടാ​നും പ​റ​യു​വാ​നും സൗ​ക​ര്യ​മു​ള്ള​യി​ടം. അ​വ​ധി ദി​വ​സ​ങ്ങ​ളി​ൽ യു.​എ.​ഇ​യു​ടെ വി​വി​ധ എ​മി​റേ​റ്റു​ക​ളി​ൽനി​ന്ന് ഇ​വി​ടേ​ക്ക് സം​ഗീ​ത പ്രേ​മി​ക​ൾ ക​ട​ന്നു​വ​രും. പു​ല​രു​വോ​ളം പാ​ടും. പാ​ടി​പാ​ടി​യു​റ​ങ്ങും. ദു​ബൈ​യി​ൽ വ​രി​ക്ക​ശ്ശേ​രി​മ​ന എ​ന്ന പേ​രി​ലാ​ണ് ഈ ​വീ​ട് അ​റി​യ​പ്പെ​ട്ടി​രു​ന്ന​ത്. സം​ഗീ​ത​ത്തി​ന് മാ​ത്ര​മാ​യി ഇ​വി​ടെ പ്ര​ത്യേ​ക മു​റി​യു​ണ്ടാ​യി​രു​ന്നു. മു​റ്റ​ത്തി​രു​ന്ന് പാ​ടു​ന്ന​വ​ർ​ക്ക് ദ​മാ​സ് മ​ര​ങ്ങ​ളു​ടെ ത​ണ​ലു​ണ്ടാ​യി​രു​ന്നു. വി​ശ​പ്പ് മാ​റ്റാ​ൻ അ​റ​ബ് വി​ഭ​വ​ങ്ങ​ളു​മാ​യി സ്വ​ദേ​ശി​ക​ളു​ടെ വ​ര​വു​ണ്ടാ​യി​രു​ന്നു. ബ​ഷീ​ർ സി​ൽ​സി​ല പ്ര​വാ​സം മ​തി​യാ​ക്കി നാ​ട്ടി​ലെ​ത്തി​യ​പ്പോ​ൾ അ​ദ്ദേ​ഹ​ത്തോ​ടൊ​പ്പം ജു​മേ​ര​യി​ലെ മെ​ഹ്ഫി​ലും കൂ​ടെ വ​ന്നു. നാ​ടു​പ്പി​ടി​ച്ച പ്ര​വാ​സി​ക​ൾ മാ​റ​ഞ്ചേ​രി​യി​ലെ വീ​ട് തേ​ടി പ​ന​മ്പാ​ട് വ​ള​വി​ൽ ബ​സി​റ​ങ്ങി.

ദു​ബൈ അ​ൽ വാ​സ​ൽ റോ​ഡി​നു പ​ക​രം കൃ​ഷ്ണ​പ​ണി​ക്ക​ർ റോ​ഡി​ലൂ​ടെ മെ​ഹ്ഫി​ലു​ക​ൾ പൂ​ക്കു​ന്നി​ട​ത്തേ​ക്ക് ഞാ​യ​റാ​ഴ്ച്ച​ക​ളി​ൽ ബൈ​ക്കി​ലും കാ​റി​ലും സം​ഗീ​ത പ്രേ​മി​ക​ൾ എ​ത്താ​ൻ തു​ട​ങ്ങി. സി​ൽ​സി​ല വീ​ട്ടി​ലെ രാ​വു​ക​ൾ സം​ഗീ​ത​ത്തി​ൽ ആ​റാ​ടി. വീ​ടൊ​രു കാ​വാ​യും കാ​ടാ​യും മാ​റു​ന്ന സം​ഗീ​ത മാ​ന്ത്രി​ക​ത.​പാ​ടു​ന്ന​വ​രി​ലും ഉ​പ​ക​ര​ണ​ങ്ങ​ൾ വാ​യി​ക്കു​ന്ന​വ​രി​ലും അ​ധി​ക​പേ​രും പ്ര​വാ​സ​ത്തി​ന്‍റെ ചൂ​ടും ചൂ​രും അ​റി​ഞ്ഞ​വ​ർ ത​ന്നെ. എ​ഴു​പ​തു​ക​ഴി​ഞ്ഞ അ​ലി​ക്ക മു​ത​ൽ, കാ​ക്കി​ക്കു​ള്ളി​ലെ പാ​ട്ടു​കാ​ര​നും നാ​ട്ടു​കാ​ര​നു​മാ​യ വ​ളാ​ഞ്ചേ​രി പൊ​ലീ​സ് സ്റ്റേ​ഷ​നി​ലെ എ​സ്.​എ​ച്ച്.​ഒ ബ​ഷീ​ർ ചി​റ​ക്ക​ൽ തൊ​ട്ട് പു​തു​ത​ല​മു​റ​യു​ടെ ഹ​ര​മാ​യ ഷാ​ജി കു​ഞ്ഞ​ൻ​വ​രെ നി​റ​യു​ന്ന​താ​ണ് പ​ന​മ്പാ​ട്ടെ മെ​ഹ്ഫി​ൽ രാ​വു​ക​ൾ. കീ​ബോ​ഡി​ലും ഹാ​ർ​മോ​ണി​യ​ത്തി​ലും മാ​ന്ത്രി​ക​ത തീ​ർ​ക്കു​ന്ന ക​രീം സ​രി​ഗ ഏ​റെ കാ​ലം ഖ​ത്ത​റി​ൽ പ്ര​വാ​സി​യാ​യി​രു​ന്നു. കെ.​കെ മു​ഹ​മ്മ​ദ്, ഷ​ൺ​മു​ഖ​ൻ, ഷാ​ജി, ല​ത്തീ​ഫ്, യൂ​ന​സ്, ബ​ക്ക​ർ മാ​റ​ഞ്ചേ​രി, നൗ​ഷാ​ദ് ഷാ, ​ഗു​രു​വാ​യൂ​ർ നാ​സ​ർ, ര​മേ​ഷ് അ​മ്പാ​ര​ത്ത് തു​ട​ങ്ങി​യ​വ​രെ​ല്ലാം പ്ര​വാ​സ​ത്തി​ൽ ഏ​റെ കാ​ലം ക​ഴി​ഞ്ഞ​വ​രാ​ണ്. കൃ​ഷ്ണ​നും അ​ര​വി​ന്ദ​നും പൊ​ന്നാ​നി​യി​ലെ പ്ര​ശ​സ്ത സം​ഗീ​ത പ്ര​തി​ഭ​ക​ളാ​ണ്.

ആ​സ്വാ​ദ​ക​രാ​യി എ​ത്തു​ന്ന​വ​രി​ല​ധി​ക​വും പ്ര​വാ​സ​ഭൂ​മി​യി​ൽ ക​ഴി​ഞ്ഞ​വ​ർ ത​ന്നെ. മെ​ഹ്ഫി​ലു​ക​ൾ ഇ​ന്നും പെ​യി​തി​റ​ങ്ങു​ന്ന പൊ​ന്നാ​നി അ​ങ്ങാ​ടി​യു​ടെ സൗഭാ​ഗ്യ​മാ​യ വി.​കെ മാ​യ​ന്‍റെ​യും ഹ​നീ​ഫ മാ​സ്റ്റ​റു​ടെ​യും പ്രി​യ ശി​ഷ്യ​രാ​ണ് സി​ൽ​സി​ല മെ​ഹ്ഫി​ലി​ലെ മി​ക്ക ക​ലാ​കാ​ര​ൻ​മാ​രും. പ​ന​മ്പാ​ടി​ന്‍റെ സ്വ​കാ​ര്യ അ​ഹ​ങ്കാ​ര​മാ​യ നാ​ട​ക സം​വി​ധാ​യ​ക​ൻ ടി​യാ​ർ​സി​യു​ടെ​യും കെ.​പി.​എ.​സി​യി​ലെ മു​തി​ർ​ന്ന ന​ട​ൻ ജി​യോ മാ​റ​ഞ്ചേ​രി​യു​ടെ​യും നാ​ട​ൻ പാ​ട്ടി​ന്‍റെ കു​ല​പ​തി മ​ല​ബാ​ർ മ​നോ​ഹ​ര​ന്‍റ​യും ശി​ഷ്യ​ന്മാ​രു​ടെ നീ​ണ്ട​നി​ര ഈ ​മെ​ഹ്ഫി​ൽ രാ​വി​ന്‍റെ ന​ക്ഷ​ത്ര തി​ള​ക്ക​മാ​ണ്. പു​തു​വ​ർ​ഷ ദി​ന​ത്തി​ൽ കൂ​ടു​ത​ൽ മി​ക​വാ​ർ​ന്ന രീ​തി​യി​ൽ രാ​വി​നെ പാ​ട്ടി​ലാ​ക്കാ​നാ​ണ് ഈ ​കൂ​ട്ടാ​യ്മ​യു​ടെ തി​രു​മാ​നം. ബു​ർ​ജ് ഖ​ലീ​ഫ​യി​ലും ബു​ർ​ജ് അ​ൽ അ​റ​ബി​ലും ദീ​പ​ങ്ങ​ളും ക​രി​മ​രു​ന്നു​ക​ളും സം​ഗീ​തം തീ​ർ​ക്കു​മ്പോ​ൾ സി​ൽ​സി​ല​യി​ൽ മെ​ഹ്ഫി​ലു​ക​ൾ പു​തു​വ​ർ​ഷ ഹ​ർ​ഷ​ങ്ങ​ൾ തീ​ർ​ക്കും.