50 വർഷം മുമ്പ്​ വാപ്പ നൽകിയ ഈണം, ഇക്ക എഴുതിയ വരികൾ -നജീം അർഷദി​െൻറ ഹൃദയ​ത്തോടുചേർന്ന്​ ഈ ഗാനം

'ഹിമബിന്ദു പൊഴിയും നിലാവിൽ, അതിലോലമൊഴുകുന്ന പുഴയിൽ...'- പാടിയ പാട്ടുകളെല്ലാം ഇഷ്​ടമാണെങ്കിലും ഈ പാട്ടിനോട്​ ഒരു പ്രത്യേക ഇഷ്​ടമുണ്ട്​ പിന്നണി ഗായകൻ നജീം അർഷദിന്​. കാരണം ഇതിന്​ ഈണം പകർന്നിരിക്കുന്നത്​ പിതാവ്​ ഷാഹുൽ ഹമീദ്​ ആണ്​. വരികളെ​ഴുതിയത്​ മൂത്ത സഹോദരൻ ഡോ. അജിം ഷാദും.

ഈ പാട്ടി​െൻറ കുടുംബ വിശേഷം ഇവിടെയും തീരുന്നില്ല. ഇതി​െൻറ റെക്കോർഡിങും മിക്​സിങും നിർവഹിച്ചിരിക്കുന്നത്​ നജീമി​െൻറ രണ്ടാമത്തെ സഹോദരൻ സജീം നൗഷാദ്​ ആണ്​. നജീമി​െൻറ ഔദ്യോഗിക യുട്യൂബ്​ ചാനലിൽ റിലീസ്​ ചെയ്​ത ഗാനം ഇതോടകം സംഗീതപ്രേമികൾ നെഞ്ചേറ്റി കഴിഞ്ഞു.

നജീമ​ി​െൻറ പിതാവ്​ ഷാഹുൽ ഹമീദ്​ 50 വർഷം മുമ്പ്​ നൽകിയതാണ്​ ഈ പാട്ടി​െൻറ ഈണം. ചെറുപ്പം മുതലേ നജീം കേട്ടുവളർന്ന ഈണമാണിത്​. അന്നത്തെ വരികൾക്ക്​ അജീം കാലോചിതമായ മാറ്റങ്ങൾ വരുത്തിയപ്പോൾ ആർദ്രമായൊരു പ്രണയഗീതമായി അത്​ മാറി. ഇപ്പോൾ 'ഹിമബിന്ദു' എന്ന സംഗീത വിഡിയോ ആയി അത്​ പുറത്തിറങ്ങിയപ്പോൾ നജീമി​െൻറ ഏറെ നാളായുള്ള ഒരു ആഗ്രഹമാണ്​ പൂർത്തിയായത്​. 'വാപ്പയുടെ സംഗീതം പുറത്തിറക്കുക എന്നത്​ ഒരുപാട്​ നാളത്തെ എ​െൻറ ആഗ്രഹമായിരുന്നു'- നജീം പറയുന്നു.

കേൾക്കു​േമ്പാൾ മാത്രമല്ല കാണു​േമ്പാഴും പ്രണയത്തി​െൻറ നനുത്ത ഓർമ്മകളിലേക്ക്​ കൂട്ടിക്കൊണ്ടുപോകുംവിധമാണ്​ ഗാനത്തി​െൻറ ചിത്രീകരണം. കുളമാവി​െൻറ ഭംഗി ആവോളം ഒപ്പിയെടുത്തിട്ടുണ്ട്​ ദാസ്​ കെ. മോഹന​െൻറ കാമറ. ഇതി​െൻറ ചിത്രീകരണ ദിനങ്ങളും നജീമിന്​ ഏറെ പ്രിയപ്പെട്ടതാണ്​. സംസ്​ഥാനത്തെ മികച്ച പിന്നണി ഗായകനായെന്ന വാർത്ത നജീമിനെ തേടിയെത്തിയത്​ ഈ ഗാനം ചിത്രീകരിക്കു​േമ്പാളാണ്​.