അരികത്തായൊരാൾ പാടുന്നുണ്ട്​...

ഒരു പൂ വിരിയുന്ന സുഖമറിഞ്ഞ്​ മലയാളികൾ കാതോടു കാതോരം മൂളിയ നിരവധി മെലഡികളുടെ ഈണക്കാരനാണ്​ ഔസേപ്പച്ചൻ. മൂന്നരപ്പതിറ്റാണ്ടിനിടെ ഈണം പകർന്നത്​ 200 സിനിമകൾക്ക്​. ഇപ്പോൾ 'എല്ലാം ശരിയാകും' എന്ന 200ാം സിനിമയിൽ വില്ലനായും 'അരങ്ങേറ്റം'. ഔസേപ്പച്ചന്‍റെ പാട്ടുവഴികളിലൂടെയൊരു യാത്ര...

'പ്രണയഗാനം പാടുവാനായി പ്രമദവനത്തിൽ വന്നു ഞാൻ/ വിരഹഗാനം പാടിപാടി പിരിഞ്ഞുപോകുകയാണ്​ ഞാൻ'

നിക്കറിട്ട്​, ചുറുചുറുക്കോടെ ഒല്ലൂർ ഗവ. ഹൈസ്​കൂളിന്‍റെ സ്​റ്റേജിൽ കയറിനിന്ന്​ 'അനാർക്കലി' എന്ന സിനിമയിലെ പി. സുശീലയുടെ ഈ ഗാനം പാടുന്ന ഏഴുവയസ്സുകാരനിലാണ്​ എല്ലാവരുടെയും ശ്രദ്ധ. ഇടക്ക്​ അവൻ വരിയൊക്കെ മറന്നുപോകുന്നുണ്ട്​. എങ്കിലും പതറാതെ അറിയാവുന്ന ഭാഗമൊക്കെ വീണ്ടും പാടിയൊപ്പിച്ച്​ ആളുകളെ ​ൈകയിലെടുത്തു. 'മ്മ്​ടെ മേച്ചേരി ലൂയിസിന്‍റെ ക്​ടാവാണ് ട്ടാ​. ​ചെക്കൻ പൊളിക്കും' എന്ന്​ സദസ്സിലുള്ളവർ പരസ്​പരം പറഞ്ഞത്​ വെറുതേയായില്ലെന്ന്​ പിന്നീട്​ കാലം തെളിയിച്ചു. വളർന്നുവലുതായ ആ പയ്യനിൽനിന്ന്​ പിറന്നത്​ ഒരു പൂ വിരിയുന്ന സുഖമറിഞ്ഞ്​ മലയാളികൾ കാതോട്​ കാതോരം മൂളിയ നിരവധി മെലഡികൾ.

മാസ്​മരിക ഈണങ്ങളിലൂടെ അരികത്തായൊരാൾ പാടുന്നുണ്ടെന്ന്​ തോന്നിപ്പിച്ച്​ മലയാളിയുടെ മനസ്സിൽ ഇതുവരെ വന്നുണർന്നിടാ​ത്ത പുതുരാഗങ്ങൾ സൃഷ്​ടിച്ച സംഗീത സംവിധായകൻ ഔസേപ്പച്ചൻ ആയിരുന്നു ആ ബാലൻ. മൂന്നരപ്പതിറ്റാണ്ടിൽ ഈണമിട്ട സിനിമകളുടെ എണ്ണം 200ൽ എത്തിനിൽക്കു​േമ്പാഴും ആ ഏഴു വയസ്സുകാരന്‍റെ ജിജ്ഞാസയോടെയാണ്​ താൻ സംഗീതത്തെ സമീപിക്കുന്നതെന്ന്​ പറയുന്നു ഔസേപ്പച്ചൻ. 'വയലിനും സംഗീതവും എന്‍റെ ജീവന്‍റെയും ആത്​മാവിന്‍റെയും ഭാഗമാണ്​. വയലിൻ വായന, പാട്ടുകേൾക്കൽ, പാട്ടുചിട്ടപ്പെടുത്തൽ... എന്‍റെ ഹോബിയും പാഷനുമെല്ലാം ഇതാണ്​. ഏതൊരു കാര്യവും സ്​പോർട്​സ്​​ പോലും സംഗീതത്തിന്‍റെ പശ്ചാത്തലമുണ്ടെങ്കിലേ എനിക്ക്​ ആസ്വദിക്കാൻ കഴിയൂ. എന്‍റെ ഓരോ ശ്വാസത്തിലും സംഗീതമാണ്​. അടുത്ത ശ്വാസത്തിൽ പുതിയതെന്ത്​ സംഗീതത്തിൽ പഠിക്കാം എന്നു തന്നെയാണ്​ എന്‍റെ ചിന്ത' -ആദ്യഗാനത്തിന്‍റെ വരികൾപോലെ തന്നെയാണ്​ ഔസേപ്പച്ചൻ​ സംഗീതത്തെ വിശേഷിപ്പിക്കുന്നത്​-'നീ എൻ സർഗ സൗന്ദര്യമേ...'

ഓർമകളോടി കളിക്കുവാനെത്തുന്നു...

ഒൗസേപ്പച്ചന്‍റെ അപ്പൻ മേച്ചേരി ലൂയിസ്​ പണ്ടുകാലത്ത്​ ഒല്ലൂർ ഭാഗത്തെ അറിയപ്പെടുന്ന ഗായകനായിരുന്നു. മൈക്ക്​ ഒന്നും ഇല്ലാത്ത കാലത്തേ പാടിത്തുടങ്ങിയയാൾ​. നല്ല കനമുള്ള ശബ്​ദമുള്ളവർക്കേ അന്ന്​ പാടാൻ കഴിയൂ. മൈക്ക്​ ഇല്ലാത്തതിനാൽ എല്ലാവർക്കും കേൾക്കണമെങ്കിൽ അത്​ ആവശ്യമാണ്​. ഒല്ലൂർ സെൻറ്​ ആൻറണീസ്​ ഫൊറോന പള്ളിയിലെ കുർബാനക്ക്​ അപ്പൻ പാടുന്നത്​ വീട്ടിലിരുന്നാൽ കേൾക്കാമായിരുന്നെന്ന്​ അമ്മ മാത്തിരി പറയുന്നത്​ ഇന്നുമോർക്കുന്നുണ്ട്​​​ ഔസേപ്പച്ചൻ. മുക്കിലും മൂലയിലും സംഗീതം നിറഞ്ഞുനിന്ന ആ വീട്ടിൽ 1954 സെപ്റ്റംബര്‍13നാണ്​ ഔസേപ്പച്ചൻ ജനിക്കുന്നത്​.

മൂത്തചേട്ടൻ പോളി മനോഹരമായി വായിക്കുന്നതുകേട്ടാണ്​ ​വയലിനിന്‍റെ മാധുര്യത്തോട്​ ഔസേപ്പച്ചന്​ പ്രണയം തോന്നിത്തുടങ്ങുന്നത്​. പിന്നെ മൂത്തസഹോദരൻ ആൻറണിയുടെ പാട്ട്​. ദാസേട്ടന്‍റെ പാട്ടുകൾ അദ്ദേഹം കഴിഞ്ഞാൽ പിന്നെ ഭംഗിയായി പാടി താൻ കേട്ടിട്ടുള്ളത്​ ആൻറണിയിൽ നിന്നാണെന്ന്​ ഔസേപ്പച്ചൻ പറയുന്നു. അതൊക്കെ കേട്ടുപഠിച്ചതാണ്​ ഒല്ലൂർ ഗവ. ഹൈസ്​കൂളിന്‍റെ സ്​റ്റേജിൽ കയറിപാടാനുള്ള ധൈര്യം നൽകിയത്​. നല്ല ഭാവസുന്ദരമായി പാടുന്നതിനാൽ അവിടെ തന്നെ അധ്യാപികയായ മൂത്ത സഹോദരി മേഴ്​സി നല്ല പിന്തുണ നൽകിയിരുന്നു. മറ്റു സഹോദരങ്ങളായ ഫ്രാൻസിസ്​, ആലീസ്​ (ഗായകൻ ഫ്രാ​ങ്കോ സൈമണിന്‍റെ അമ്മ), അലോഷ്യ എന്നിവരും പ്രോത്സാഹിപ്പിച്ചതോടെ സംഗീതമാണ്​ തന്‍റെ ജീവിതമെന്ന്​ ചെറുപ്പത്തിൽ തന്നെ ഔസേപ്പച്ചൻ ഉറപ്പിച്ചു.

'വയലിനിന്‍റെ നാദം കേൾക്കു​േമ്പാഴേ എനി​ക്കൊരു ആവേശമുണ്ടാകുമായിരുന്നു. അക്കാലത്തെ സേവ്യർ എന്ന പ്രശസ്​തനായ വയലിനിസ്റ്റിന്‍റെ ആരാധകനായിരുന്നു ഞാൻ. ഒരിക്കൽ അദ്ദേഹത്തിന്‍റെ ഗാനമേള കാണാൻ​ പോയപ്പോൾ ഗ്രീന്‍ റൂമിൽ ചെന്ന്​ ആ ചെക്കോസ്​ലാവാക്യൻ വയലിൻ എടുത്തുവായിക്കാൻ നോക്കുകയും അദ്ദേഹം കണ്ടുപിടിക്കുകയുമൊക്കെ ചെയ്​തിട്ടുണ്ട്​. 'ഇഷ്​ടമാണെങ്കിൽ ഇവനെ പഠിപ്പിക്ക്​' എന്ന്​ അദ്ദേഹം പോളി ചേട്ടനോട്​ പറയുകയും ചെയ്​തു. എന്നാൽ, ആരും പഠിപ്പിച്ചില്ല. ​പോളി േചട്ടന്‍റെ വയലിൻ സ്വയം വായിച്ചാണ്​ ഞാൻ പഠിച്ചത്​. അങ്ങനെയാണ്​ ഒല്ലൂർ സെൻറ്​ റാഫേൽസ്​ പള്ളിയിലെ ക്വയർ ഗ്രൂപ്പിൽ അംഗമാകുന്നത്​. അന്നൊക്കെ പള്ളിയിൽ സുറിയാനി കുർബാനയാണ്​. അതിൽ ഓർഗൻ വായിക്കണം. നിഷ്​പ്രയാസം രണ്ടു കൈയുംകൊണ്ട്​ ഞാനന്ന്​ ഓർഗൻ വായിക്കും. സംഗീതം ആത്​മാവിന്‍റെ ഭാഗമായതോടെ എന്നിൽ ഭക്​തിയും നിറഞ്ഞു. സംഗീതത്തിലൂടെ ഞാൻ ഭക്​തി ആസ്വദിക്കാൻ തുടങ്ങി. അതിന്‍റെ തുടർച്ചയെന്നോണം ഞാൻ സെമിനാരിയിലുമെത്തി'.

പാടുവാൻ നീ തീർത്ത മൺവീണ ഞാൻ...

പത്താം ക്ലാസ്​ കഴിഞ്ഞ​പ്പോൾ തുടങ്ങിയ സെമിനാരി ജീവിതത്തിലെ ഭക്​തിസാന്ദ്രമായ സാഹചര്യം ഒരുകാര്യം ഔസേപ്പച്ചനെ പഠിപ്പിച്ചു. സംഗീതത്തിലൂടെ ഭക്​തിയിലേക്കല്ല, ഭക്​തിയിലൂടെ സംഗീതത്തിലേക്കാണ്​ തന്‍റെ സഞ്ചാരം. ഔസേപ്പച്ചനേക്കാൾ മു​േമ്പ അവിടെ മറ്റൊരാൾ അത്​ മനസ്സിലാക്കി. സെമിനാരിയിലെ റെക്​ടറച്ചൻ ഫാ. ആൻണി മാളിയേക്കൽ. ഔസേപ്പച്ചനിലെ സംഗീതം ദൈവിക വരദാനമാണെന്ന്​ മനസ്സിലാക്കിയ അദ്ദേഹം അത്​ ഒളിപ്പിച്ചുവെക്കാനോ വഴിതിരിച്ചുവിടാനോ ശ്രമിച്ചില്ല. സെമിനാരിയിൽ രണ്ടര വർഷം പൂർത്തിയായപ്പോൾ അദ്ദേഹം ഔസേപ്പച്ചനെ വിളിപ്പിച്ചു: 'മോനേ, നിന്നെ ദൈവം ഈ ലോകത്തേക്ക്​ വിളിപ്പിച്ചിരിക്കുന്നത്​ ഇവിടേക്കല്ല. സംഗീതത്തിലേക്കാണ്​. ഇവിടെ നിന്നാൽ അത്​ ശരിയാകില്ല. നീ പോയി നല്ല നിലയിൽ വാ' എന്നുപറഞ്ഞ് അനുഗ്രഹിച്ച്​ വിട്ടു.

'ഭരതേട്ടന്‍റെ നിർബന്ധപ്രകാരം 'കാതോട്​ കാതോര'ത്തിന്​ ഞാൻ സംഗീതം നൽകി, ഒ.എൻ.വി സാർ എഴുതിയ ആദ്യഗാനമായ 'നീ എൻ സർഗസൗന്ദര്യമേ'യിൽ തന്നെ ഈ അനുഗ്രഹത്തിന്‍റെ പൊരുൾ ഉണ്ടായിരുന്നു. 'നിന്‍റെ സങ്കീർത്തനം, സങ്കീർത്തനം, ഓരോ ഈണങ്ങളിൽ, പാടുവാൻ നീ തീർത്ത മൺവീണ ഞാൻ' എന്ന വരികളിൽ എന്‍റെ ജീവിതത്തെ, ഭാവിയെ ആണ്​ ഒ.എൻ.വി സാർ കുറിച്ചിട്ടത്​. ഞാൻ അറിയാതെ ചെയ്​ത ശരിയായിരുന്നു 'കാതോട്​ കാതോരം' എന്നു പറയാം. ആ സമയത്തൊന്നും എനിക്ക്​ പാട്ട്​ ഉണ്ടാക്കാൻ അറിയില്ല. സംഗീതം ഉണ്ടാക്കാനേ അറിയൂ. ഭരതേട്ടൻ പറഞ്ഞതനുസരിച്ച്​ ഞാൻ ഉണ്ടാക്കിയ ട്യൂണിന്​ ഒ.എൻ.വി സാർ വരികൾ പകർന്നപ്പോളാണ്​ അത്​ മാജിക്​ ആയത്​. ഈണം ​െകാടുത്തു,​ അതിലേക്ക്​ വരികൾ വന്നു. വരികൾ ആദ്യം തന്നിരുന്നെങ്കിലും ഇതേ സംഗീതം നൽകുമായിരുന്നല്ലോ എന്ന ചിന്ത ആ രീതിയിൽ പാട്ടുകൾ ഉണ്ടാക്കാനും പഠിപ്പിച്ചു.

എന്‍റെ എല്ലാ കാര്യത്തിലും ഈ റിവേഴ്​സ്​ എഫക്​ട്​ ഉണ്ട്​. സംഗീതത്തിലൂടെ ഭക്​തിയിലെത്തിയിട്ട്​ വീണ്ടും സംഗീതത്തിലേക്ക്​ വന്നു. ട്യൂണിട്ട്​ വരികൾ എഴുതിച്ചിട്ട്​ പിന്നെ വരികൾക്ക്​ ഈണം നൽകുന്നതിലേക്ക്​ എത്തി. സംഗീതം മനസ്സിലാക്കി അതിൽ നിന്ന്​ നൊ​േട്ടഷൻസ്​ പഠിച്ചെടുത്തു. അങ്ങനെയങ്ങനെ... ഞാൻ അഗാധമായി വയലിൻ പഠിച്ചതാണെന്നാണ്​ എല്ലാവരും കരുതുന്നത്​. അങ്ങനെയല്ല. പിന്നീട്​ 'മദ്രാസ്​ ചേംബർ ഓർക്കസ്​ട്ര'യുടെ ഭാഗമായപ്പോഴാണ്​ ഞാൻ വയലിൻ ഔദ്യോഗികമായി പഠിക്കുന്നത്​. അവിടെ ചേർന്നത്​ ഒരു ചെറിയ കള്ളം പറഞ്ഞിട്ടാണെന്നത്​ മറ്റൊരു തമാശ. എന്‍റെ വയലിൻ വായന കേട്ടിട്ട്​ അവർ ചോദിച്ചു ആരാണ്​ പഠിപ്പിച്ചതെന്ന്​. ആരുടെ കീഴിലും പഠിച്ചിട്ടില്ലെന്ന്​ പറഞ്ഞാൽ അഡ്​മിഷൻ കിട്ടിയില്ലെങ്കിലോ എന്നോർത്ത്​ ഞാൻ പറഞ്ഞു 'ലെസ്​ലി പീറ്റർ' എന്ന്​' -ഔസേപ്പച്ചൻ സംഗീതവഴിയിലെ ആദ്യ നാളുകൾ ഓർത്തെടുക്കുന്നു.

സെമിനാരിയിൽ പഠിക്കു​േമ്പാൾ ഔസേപ്പച്ചൻ സെൻറ്​ തോമസ്​ കോളജിലെ പ്രീഡിഗ്രി വിദ്യാർഥി കൂടിയാണ്​. സംഗീതത്തിനുവേണ്ടി സെമിനാരി വിട്ടത്​ വീട്ടിൽ പ്രശ്​നവുമായി. അക്കാലത്ത്​​ ഒൗസേപ്പച്ചന്‍റെ സംഗീതത്തിലുള്ള താൽപര്യം കണ്ട്​ ഫാ. അഗസ്​റ്റിൻ അക്കര ഒരു ഇറ്റാലിയൻ വയലിൻ സമ്മാനമായി നൽകി​. ആ വയലിനുമായി റോഡിലൂടെ നടക്കു​േമ്പാഴാണ്​ ഗിറ്റാറിസ്​റ്റ്​ ആറ്റ്​ലി ഔസേപ്പച്ചനെ കണ്ടെത്തി 'വോയ്​സ്​ ഓഫ്​ ട്രിച്ചൂറി'ൽ ചേർക്കുന്നത്​. ഇപ്പോഴത്തെ അരിയങ്ങാടിയിലെ ഒരു കെട്ടിടത്തിന്‍റെ മൂന്നാംനിലയിലുള്ള ആ കൊച്ചുമുറിയിലേക്കുള്ള ഗോവണിപ്പടി സംഗീതത്തിന്‍റെ മാസ്​മരിക ലോകത്തേക്കാണ്​ ഔസേപ്പച്ചനെ കൊണ്ടെത്തിച്ചത്​. ​ൈകയിൽ കിട്ടുന്ന എല്ലാ വാദ്യോപകരണവും വായിക്കുന്ന ഒരു കുട്ടുകാരനെയും അവിടെ വെച്ച്​ ഔസേപ്പച്ചന്​ കിട്ടി-മലയാളികളുടെ സ്വന്തം ​േജാൺസൻ മാഷ്​.

ഹൃദയസങ്കീർത്തനങ്ങൾ ശ്രുതിപകർന്ന കാലം...

ഗായകൻ പി. ജയചന്ദ്രൻ വഴി സംഗീത സംവിധായകൻ ദേവരാജൻ മാസ്​റ്ററുടെ അടുത്തെത്താൻ കഴിഞ്ഞതാണ്​ ഒൗസേപ്പച്ചന്‍റെയും ജോൺസന്‍റെയും ജീവിതത്തെ മാറ്റി മറിച്ചത്​. മാസ്​റ്ററുടെ ഗുഡ്​ ബുക്കിൽ ഇടംപിടിച്ച ഇരുവരും മദ്രാസിലെത്തി. അതിനുമുമ്പ്​ ഓൾ ഇന്ത്യ റേഡിയോയിൽ നിയമനത്തിനുള്ള ലിസ്​റ്റിൽ ഔസേപ്പച്ചൻ ഇടംപിടിച്ചെങ്കിലും എന്തോ കാരണങ്ങളാൽ അത്​ റദ്ദായി. ഈ നിരാശ മാറ്റാൻ വേണ്ടി മദ്രാസിലെത്തി​ ദേവരാജൻ മാസ്​റ്ററിന്‍റെ പാട്ടുകൾക്കുവേണ്ടി വയലിൻ വായിച്ചുതുടങ്ങിയ ഔസേപ്പച്ചൻ പിന്നീട്​ അന്നത്തെ തിരക്കുള്ള സംഗീത സംവിധായകരുടെ റെക്കോഡിങ്ങിലെല്ലാം വയലിനുമായെത്തി.

ഇളയരാജ, എം.എസ്​. വിശ്വനാഥൻ, കെ.വി. മഹാദേവൻ, ദക്ഷിണാമൂർത്തി, അർജുനൻ മാസ്​റ്റർ, ലക്ഷമീകാന്ത്​ പ്യാരേലാൽ, ആർ.ഡി. ബർമൻ, നൗഷാദ്​ എന്നിവരുടെയെല്ലാം പ്രിയപ്പെട്ട വയലിനിസ്​റ്റ്​ ആയി ഔസേപ്പച്ചൻ മാറാൻ അധികം നാളെടുത്തില്ല. ആയിടക്കാണ്​ സ്​റ്റുഡിയോക്ക്​ പുറത്തുള്ള മരത്തിന്‍റെ ചുവട്ടിൽ ഔസേപ്പച്ചൻ വയലിൻ വായിച്ചിരിക്കുന്നതിന്‍റെ ദൃശ്യഭംഗി കണ്ട്​ ഭരതൻ 'ആരവ'ത്തിൽ വയലിനിസ്​റ്റായി അഭിനയിക്കാൻ ക്ഷണിക്കുന്നത്​. ഹൊഗനക്കലിലെ ലൊക്കേഷനിൽ അഭിനയിച്ചുകൊണ്ടിരിക്കു​േമ്പാൾ ഓരോ സീനി​ന്‍റെയും മൂഡ്​ അനുസരിച്ച്​ ഔസേപ്പച്ചൻ വയലിൻ വായിക്കുമായിരുന്നു. അതൊരു നിമിത്തമായി. നാഗ്രയിൽ പതിഞ്ഞ ആ ബിറ്റുകൾ സീനുകൾക്ക്​ വളരെ അനുയോജ്യമാണെന്ന്​ തോന്നിയ ഭരതൻ 'ആരവ'ത്തിന്‍റെ റീ റെ​ക്കോഡിങ്​ ഒൗസേപ്പച്ചനെ ഏൽപിച്ചു. പിന്നീട്​ ഭരതൻ സംഗീതം നൽകിയ 'ഈണം' എന്ന സിനിമയിലെ പാട്ടുകളുടെ ഓർക്കസ്​ട്രേഷൻ-റീ റെക്കോഡിങ്​ ചുമതലയും ഔസേപ്പച്ചനായിരുന്നു. അങ്ങനെയാണ്​ 1985ൽ 'കാതോട്​ കാതോര'ത്തിലെ പാട്ടുകൾ ചെയ്യാൻ ഭരതൻ വിളിക്കുന്നത്​. പിന്നെ 2021ൽ റിലീസ്​ ചെയ്​ത്​ 'എല്ലാം ശരിയാകും' എന്ന സിനിമ വരെയുള്ള മലയാളികളുടെ മനസ്സിൽ പാടിപ്പതിഞ്ഞ എത്രയെത്ര ഗാനങ്ങൾ... കെ.ജി. ​േജാർജ്​, ജോഷി, ഫാസിൽ, കമൽ, പ്രിയദർശൻ എന്നിവരുടെ സിനിമകളിലെ ഹിറ്റുകളിലൂടെയുള്ള പ്രയാണം.

'ചിലമ്പ്​ ഒക്കെ ചെയ്യു​​േമ്പാളാണ്​ എനിക്ക്​ ശരിക്കുള്ള തിരിച്ചറിവൊക്കെ ആയത്​. ആരഭി രാഗത്തിൽ ആരോഹണവും അവരോഹണവും മൂളാനാണ്​ ഭരതേട്ടൻ ആദ്യം പറഞ്ഞത്​. മൂളി വന്നപ്പോൾ ഒരിടത്ത്​ 'പുടമുറികല്യാണം' ചേർക്കാൻ പറഞ്ഞു. അങ്ങനെ ഓരോ പാട്ടും ഓരോ പാഠങ്ങളായി. കാലത്തിന്​ മു​േമ്പ നടന്ന്​ ചെയ്​തതു​ കൊണ്ടാകാം എന്‍റെ ചില പാട്ടുകൾ ചെയ്​ത കാലത്ത്​ ശ്രദ്ധിക്കപ്പെട്ടതുമില്ല. മലയാളത്തിലെ ആദ്യത്തെ കമ്പ്യൂട്ടർ സോങ് ചെയ്തത് ഞാനാണ്. 'വീണ്ടും' എന്ന രണ്ടാമത്തെ സിനിമയിൽ തന്നെ. ആ മമ്മൂട്ടി ചിത്രത്തിലെ 'തേനൂറും മലർ പൂത്ത പൂവാടിയിൽ', 'ദൂരെ മാമലയിൽ' എന്നീ പാട്ടുകൾ ആണ് അവ. കമ്പ്യൂട്ടർ വന്നാൽ മ്യുസിഷന്‍റെ ജോലി പോകും എന്ന തെറ്റിദ്ധാരണയായിരുന്നു അന്ന്​. പക്ഷേ, ലൈവിനൊപ്പം നിൽക്കാൻ ഒരു കമ്പ്യൂട്ടറിനും കഴിയില്ല. പക്ഷേ, വായിച്ചത്​ അ​​ല്ലെങ്കിൽ പാടിയത്​ പെർഫെക്​ട്​ ആക്കാൻ പറ്റും. നാം പുതിയ കാര്യങ്ങളെ സ്വീകരിക്കേണ്ടത് അത്യാവശ്യമാണ്. എങ്കിൽ മാത്രമല്ലേ‌ ലോകത്തിനൊപ്പം ഓടാൻ കഴിയൂ' -ഔസേപ്പച്ചൻ പറയുന്നു.

എൻ പ്രാണനിലുണരും ഗാനം...

'എനിക്ക്​ പഴയ പാട്ടുകൾ വളരെ​ ഇഷ്​ടമാണ്​. പക്ഷേ, ഞാൻ ചെയ്യു​േമ്പാൾ പാട്ട്​ വ്യത്യസ്​തമാകണം എന്ന നിർബന്ധമുണ്ട്​. എത്ര നന്നായി ചെയ്​താലും അതിന്‍റെ ചിത്രീകരണം അല്ലെങ്കിൽ കഥാസന്ദർഭം ഒക്കെ ആകർഷകമല്ലെങ്കിൽ ഹിറ്റാകില്ല. എന്‍റെ പ്രാണനിലുണർന്ന പല ഗാനങ്ങളും വർഷങ്ങൾക്ക്ു ശേഷമാണ്​ അതിന്‍റെ ക്വാളിറ്റി തിരിച്ചറിഞ്ഞ്​ ഹിറ്റായിട്ടുള്ളത്​. പരിചയമുള്ളത്​ കാണു​േമ്പാൾ ഇഷ്​ടപ്പെടുകയും അല്ലാത്തത്​ അത്ഭുതമായി തോന്നുകയും ചെയ്യുന്ന മനുഷ്യന്‍റെ സ്വഭാവം കൊണ്ടാണത്​. വ്യത്യസ്​തത സ്വീകരിക്കാൻ അൽപം മടികാണിക്കും. ഇപ്പോൾ പുതിയ തലമുറയിലെ ചിലരുടെ പാട്ട്​ കേൾക്കു​േമ്പാൾ അതിലെ വ്യത്യസ്​തത കൊണ്ട്​ ഞാൻ ശ്രദ്ധിക്കും. പക്ഷേ, സൂക്ഷ്​മമായി കേൾക്കു​േമ്പാഴാണ്​ അതേ ജോണറിൽ വർഷങ്ങൾക്ക്​ മുമ്പ്​ ഞാൻ ചെയ്​ത ഏതെങ്കിലും ട്യൂണുമായുള്ള സാമ്യം കൊണ്ടാണ്​ ആ വ്യത്യസ്​തത എനിക്ക്​ ഫീൽ ചെയ്​തതെന്ന്​ മനസ്സിലാകുക. അന്നത്​ ആരും ശ്രദ്ധിച്ചിട്ടുണ്ടാകില്ല. പിന്നീട്​ പരാമർശിക്കപ്പെടും.

പുതിയ തലമുറ ഇപ്പോൾ ടിക്​ടോക്കിലൂടെയും സ്​മ്യൂളിലൂടെയുമൊക്കെ പണ്ട്​ ശ്രദ്ധിക്കപ്പെടാതെ പോയ എന്‍റെ നല്ല ഗാനങ്ങളിലേക്ക്​ പുതിയ ജനാല തുറക്കാറുണ്ട്​ എന്നത്​ വളരെ സന്തോഷം നൽകുന്നു. 'എന്‍റെ സൂര്യപുത്രൻ' എന്ന സിനിമയിലെ 'പഞ്ചവർണക്കുളിരെ പാലാഴി കടവിൽ വരുമോ കൂടെ വരുമോ' എന്ന പാ​ട്ടൊക്കെ അങ്ങനെ പിന്നീട്​ ഹിറ്റായവയാണ്​. ഒരു വയലിനിസ്​റ്റ്​ ആയതുകൊണ്ട്​ ഞാൻ സംഗതികളേക്കാളേറെ ഫീലിനാണ്​ പ്രാധാന്യം നൽകുന്നത്​. സംഗതി അൽപം തെറ്റിയാലും ഫീൽ കിട്ടിയാൽ അതിൽ ഒരഴക്​ ഉണ്ടാകും. വയലിനിനെയും എന്നെയും തമ്മിൽ പിരിക്കാൻ പറ്റില്ല. 13ാം വയസ്സിൽ തുടങ്ങിയ ബന്ധമാണത്'- വയലിൻ തന്‍റെ പ്രാണന്‍റെ ഭാഗമാണെന്ന്​ പറയുന്നു ഔസേപ്പച്ചൻ.

'ഡാം 999' എന്ന ഇംഗ്ലീഷ് ചിത്രത്തിനും ഔസേപ്പച്ചൻ സംഗീതം നൽകിയിട്ടുണ്ട്​. ഹിന്ദി ചിത്രങ്ങളായ 'ഫ്രീക്കി ചക്ര'യിലെ ഗാനങ്ങളും 'ആക്രോശ്', 'ഖട്ടാ മീട്ട', 'ബം ബം ബോലെ' എന്നിവകളുടെ പശ്ചാത്തല സംഗീതവും അദ്ദേഹമാണ്​ ചെയ്തത്​. 200 സിനിമകൾ കൂടാതെ 'ഓണപ്പൂത്താലം', 'വസന്തഗീതങ്ങൾ' തുടങ്ങിയ ആൽബങ്ങളും ധാരാളം ക്രിസ്തീയ ഭക്തിഗാനങ്ങളും അദ്ദേഹത്തിന്‍റെ സംഗീതത്തിലിറങ്ങി. മികച്ച സംഗീത സംവിധായകനുള്ള ദേശീയ-സംസ്​ഥാന ചലച്ചിത്ര അവാർഡുകളടക്കം നിരവധി പുരസ്​കാരങ്ങളും അദ്ദേഹത്തെ തേടിയെത്തി.

ഞാനൊരു പാട്ടുപാടാം...

ഗായകനെന്ന നിലക്കും തന്നെ ഔസേപ്പച്ചൻ സിനിമാ സംഗീതലോകത്ത്​ അടയാളപ്പെടുത്തിയിട്ടുണ്ട്​. പോൾ ബാബു സംവിധാനം ചെയ്ത 'മൃത്യുഞ്ജയം' എന്ന സിനിമയിലാണ് അദ്ദേഹം ആദ്യമായി പാടിയത്. പൂവച്ചൽ ഖാദർ എഴുതിയ 'പ്രിയദേ' എന്ന്​ തുടങ്ങുന്ന ഗാനം അന്ന് അമേരിക്കയിലായിരുന്ന യേശുദാസിന്​ കൊടുത്തയക്കാൻ ട്രാക്ക് പാടിയത്​ ഔസേപ്പച്ചനാണ്​. ട്രാക്ക്​ കേട്ട്​ ഇഷ്​ട​​പ്പെട്ട പോൾ ബാബു 'ഇതിനി അമേരിക്കക്ക്​ കൊടുത്തയക്കണ്ട. ഇത്​ ഉപയോഗിക്കാം' എന്ന്​ പറഞ്ഞു പ്രതിഫലമെന്നോണം 101 രൂപയും നൽകി. ഏറെ നാൾ ഔസേപ്പച്ചന്‍റെ ശിഷ്യനായിരുന്നു പ്രമുഖ സംഗീത സംവിധായകൻ വിദ്യാസാഗർ. അദ്ദേഹത്തിന്​ ഏറെ ഇഷ്​ടമാണ്​ ഔസേപ്പച്ചന്‍റെ ശബ്​ദം. അങ്ങനെയാണ്​ വിദ്യാസാഗർ സംഗീതം ചെയ്​ത 'കർണൻ' എന്ന സിനിമയിലെ 'ഹലോ ചെല്ലമ്മ' എന്ന പാട്ട്​ ഔസേപ്പച്ചനും സ്വർണലതയും ചേർന്നുപാടുന്നത്​. ഔസേപ്പച്ചൻ എന്നു പറയാൻ തമിഴർക്ക്​ ബുദ്ധിമുട്ട്​ ആയതിനാൽ ആ പാട്ടിന്‍റെ ക്രഡിറ്റിൽ 'ചേട്ടൻ' എന്നാണ്​ പേര്​ ചേർത്തിരിക്കുന്നത് എന്നുമാത്രം. ജയറാം നായകനായ 'മുറൈ മാമൻ' തുടങ്ങി തമിഴിലും തെലുങ്കിലുമായി ആറോളം പാട്ടുകൾ ഔസേപ്പച്ചൻ വിദ്യാസാഗറിനായി പാടിയിട്ടുണ്ട്​.

'അറേബ്യ' എന്ന സിനിമക്കുവേണ്ടി ഔസേപ്പച്ചൻ തന്നെ ഈണമിട്ട്​ പാടിയ 'ഓ ചാന്ദ്​നി സജ്​നി' എ.ആർ. റഹ്​മാന്​ ഏറെ ഇഷ്​ടപ്പെട്ട പാട്ടാണ്​. തനിക്കുവേണ്ടി ഒരു പാട്ട് പാടാമോ എന്ന് ഒരിക്കൽ റഹ്​മാൻ ചോദിച്ചതാണ്​. റഹ്​മാന്‍റെ പാട്ടുകൾ പാടാൻ ഗായകർ നിരനിരയായി നിൽക്കുന്ന സമയമാണ്. 'നിനക്കു വേണ്ടി ഞാൻ വയലിൻ വായിക്കുന്നുണ്ടല്ലോ. അതുമതി, നിന്‍റെ പാട്ടുകൾ ജനങ്ങൾക്ക്​ വളരെ ഇഷ്​ടമാണ്​. അത് ആ വഴിക്ക് പൊക്കോട്ടെ' എന്നായിരുന്നു ഔസേപ്പച്ചന്‍റെ മറുപടി. ഔസേപ്പച്ചന്‍റെ പാട്ടുകൾക്ക്​ കീബോർഡ്​ വായിച്ചിട്ടുള്ള റഹ്​മാൻ അദ്ദേഹത്തിന്‍റെ 200ാം സിനിമയിലെ പാട്ട്​ സമൂഹമാധ്യമങ്ങളിൽ പങ്കുവെച്ചത്​ ഏറെ ശ്രദ്ധിക്കപ്പെടുകയും ചെയ്​തിരുന്നു.

ഏതു സുന്ദര സ്വപ്ന യവനിക നീക്കി നീ വന്നൂ...

തന്‍റെ പാട്ടുജീവിതത്തിലെ 200ാം സിനിമയിൽ അഭിനേതാവിന്‍റെ വേഷം കൂടി ഔസേപ്പച്ചൻ എടുത്തണിഞ്ഞിട്ടുണ്ട്​. അതും കൊലപാതകമൊക്കെ നടത്തുന്ന വില്ലനായി. പാട്ടിലെ മാന്ത്രികത ഔസേപ്പച്ചൻ അഭിനയത്തിലും കാണിച്ചു. സിനിമ റിലീസായതോടെ നിരവധി പേരാണ്​ അഭിനന്ദനങ്ങളറിയിക്കാൻ വിളിച്ചത്​. 'ആത്മാവ്​ കൊണ്ടും മനസ്സു കൊണ്ടുമാണ് ഞാൻ സംഗീതം ചെയ്യുന്നത്. എങ്കിലേ ഭാവം കൃത്യമായി വരൂ. പാടു​േമ്പാഴും സംസാരിക്കു​േമ്പാഴുമെല്ലാം ഇതു തന്നെയാണ് എന്‍റെ രീതി. അഭിനയിച്ചപ്പോഴും അങ്ങനെ തന്നെ. അതു​െകാണ്ടാണ്​ ആ വേഷം ഭംഗിയാക്കാൻ പറ്റിയത്​. അവർ പറഞ്ഞുതന്ന ഡയലോഗ്​ ഒന്നുമല്ല ഞാൻ പറഞ്ഞത്​. എ​േന്‍റതായ രീതിയിൽ ഞാനത്​ മാറ്റിയെടുത്തപ്പോൾ എനിക്ക്​ അനുയോജ്യമായി. പക്ഷേ, ബാലു വർഗീസിന്‍റെ കഥാപാത്രത്തെ കുത്തുകയും കഴുത്തിൽ ചവിട്ടി ഞെരിച്ച്​ ചളിയിൽ മുക്കി കൊല്ലുകയുമൊക്കെ ചെയ്യുന്ന സീൻ എനിക്ക്​ വളരെ വേദനയുണ്ടാക്കി. സീൻ ചിത്രീകരിച്ച്​ കഴിഞ്ഞയുടൻ ഞാൻ ബാലുവിനെ കെട്ടിപ്പിടിച്ച് സോറി പറഞ്ഞു'- ഷൂട്ടിങ്ങിനിടയിലെ മറക്കാനാവാത്ത നിമിഷമായിരുന്നു ഔസേപ്പച്ചന്​ അത്​. സിനിമ കണ്ട്​ പല സംവിധായകരും ഒൗസേപ്പച്ചനെ വിളിച്ചുപറഞ്ഞത്​ ഇതാണ്​ -'സാറേ ആ ജുബ്ബ ഇനി കളയണ്ട, നമുക്ക്​ ഇനിയും ആവശ്യം വരും'​.

ഇനിയെന്തു നൽകണം, ഞാനിനിയുമെന്ത്​ നൽകണം...

'ഓംക' എന്നാണ്​ ഔസേപ്പച്ചന്‍റെ വീട്ടിൽ തന്നെയുള്ള സ്​റ്റുഡിയോയുടെ പേര്​. അദ്ദേഹത്തിന്‍റെയും ഭാര്യ മറിയം, മക്കളായ കിരൺ, അരുൺ എന്നിവരുടെയും പേരിന്‍റെ ആദ്യ അക്ഷരം ചേർത്താണ്​ സ്​റ്റുഡിയോക്ക്​ പേരിട്ടിരിക്കുന്നത്​. ഇവിടെയും ചെന്നൈയിലുമൊക്കെയായി സിനിമ സംഗീതരംഗത്ത് നിരവധി പേരാണ്​ ഔസേപ്പച്ചനൊപ്പം പ്രവർത്തിച്ചിരിക്കുന്നത്​. ആദ്യകാലത്ത്​ ജോൺ ആന്‍റണി എന്ന മികച്ച ഗിറ്റാറിസ്​റ്റ്​ ആയിരുന്നു സഹായി. കുറച്ചുകഴിഞ്ഞ്​ അദ്ദേഹം കന്നടയിലും തെലുങ്കിലുമൊക്കെ പോയി. തമിഴിലെ മുൻനിര സംഗീത സംവിധായകരായ വിദ്യാസാഗർ, ഹാരിസ്​ ജയരാജ്​, തെലുങ്കിലെ മണി ശർമ എന്നിവരും ഏറെക്കാലം ഔസേപ്പച്ചന്‍റെ ശിഷ്യരായിരുന്നു.

ഹാരിസ്​ ജയരാജ് പോയ ശേഷം 14 വർഷത്തോളം സംഗീത സംവിധായകൻ ഗോപി സുന്ദർ ആയിരുന്നു പ്രധാന ശിഷ്യൻ. ഗോപിക്ക്​ തിരക്കായപ്പോൾ വില്യം ഫ്രാൻസിസ്​ വന്നു. ഇപ്പോൾ വില്യമും സ്വന്തമായി പാട്ടുകൾ ചെയ്​ത്​ തുടങ്ങി. 'എന്നും അക്കാലത്തെ യുവതലമുറക്കൊപ്പമാണ്​ ഞാൻ പ്രവർത്തിച്ചിട്ടുള്ളത്​. അപ്പോൾ ഞാനും ചെറുപ്പമാകുന്നത്​ എന്‍റെ പാട്ടുകളിൽ പ്രതിഫലിക്കാറുമുണ്ട്​. എ​പ്പോഴും ചെറുപ്പക്കാരെ പ്രോത്സാഹിപ്പിച്ചിട്ടുള്ളയാളാണ്​ ഞാൻ. ഒരാൾ വിട്ടുപോകുമ്പോൾ ആ സ്ഥാനത്ത് ദൈവം മറ്റൊരാളെ കൊണ്ടുവന്നുതരും. അങ്ങനെ എനിക്കൊപ്പം വളർന്ന എത്ര തലമുറകൾ. ഇപ്പോൾ ഗോപി സുന്ദറിന്‍റെ മകൻ മാധവ്​ സുന്ദർ എനിക്കൊപ്പമുണ്ട്​. പുതുതലമുറക്കൊപ്പം ഭാവിയിലെ സംഗീതത്തെ കുറിച്ച്​ ആലോചിക്കു​േമ്പാൾ ഞാൻ ഈണം നൽകിയ ഒരു പാട്ട്​​ എനിക്ക്​ ഓർമ വരും-'ഇനിയെന്ത്​ നൽകണം, ഞാൻ ഇനിയുമെന്ത്​ നൽകണം...'

(ചിത്രങ്ങൾ: ജോൺസൺ വി. ചിറയത്ത്​)