Top
Begin typing your search above and press return to search.
exit_to_app
exit_to_app
Homechevron_rightEntertainmentchevron_rightMusicchevron_rightമൂക്കുത്തി സമരത്തി​െൻറ ...

മൂക്കുത്തി സമരത്തി​െൻറ ഓർമ്മപുതുക്കി മൂക്കുത്തിപ്പാട്ട്​

text_fields
bookmark_border
Singer Pushpavathi and Arattupuzha Velayudha Panicker
cancel
camera_alt

ഗായിക പുഷ്​പവതി, ആറാട്ടുപുഴ വേലായുധപ്പണിക്കർ

ആലപ്പുഴ: കേരള നവോത്ഥാന ചരിത്രത്തിൽ വിപ്ലവം രചിച്ച മൂക്കൂത്തി സമരത്തെ അധീകരിച്ച്​ മൂക്കുത്തിപ്പാട്ട്​ തയ്യാറായി. ജാതിമേധാവിത്വത്തിനെതിരെ പൊരുതിയ ധീരനായ ആറാട്ടുപുഴ വേലായുധപ്പണിക്കരുടെ നേതൃത്വത്തിൽ 1860ൽ നടന്ന സമരം കോളിളക്കം സൃഷ്ടിച്ച മൂക്കുത്തി സമരത്തി​െൻറ ഓർമ്മകൾ പുതുക്കുന്ന പ്രശസ്​ത പിന്നണി ഗായിക പുഷ്​വതി സംഗീതം നൽകി ആലപിച്ച 'മൂക്കുത്തി' ലിറിക്​ വീഡിയോ വേലായുധപാണിക്കർക്കുള്ള ആദരവ് കൂടിയാണെന്ന​്​ രചന നിർവഹിച്ച കഥാകൃത്തും കവിയുമായ സി.പി. ബൈജു 'മാധ്യമ'ത്തോട്​ പറഞ്ഞു.

കാലഘട്ടത്തി​െൻറ ആവശ്യകതയായ സ്​ത്രീമ​ുന്നേറ്റത്തിന്​ കരുത്ത്​ പകരുന്ന ഗാനം ആലപിക്കാനായതി​ൽ സന്തോഷമുണ്ടെന്ന്​ പുഷ്​പവതിയും കൂട്ടിച്ചേർത്തു.

ജാതിയിൽ ഉയർന്നവർക്ക്​ മാത്രമേ മൂക്കുത്തി ധരിക്കാവൂവെന്ന തിട്ടൂരുത്തിന്​ വിരുദ്ധമായി പന്തളത്ത്​ മൂക്കുത്തി ധരിച്ച് പണിക്കെത്തിയ തൊഴിലാളി സ്​ത്രീയെ പരസ്യമായി അപമാനിച്ച മേലാളൻന്മാർ അവരുടെ മൂക്കുത്തി ബലമായി പറിച്ചെടുത്തു.​ മുറിഞ്ഞ മൂക്കുമായി അവരും മറ്റ്​ സ്ത്രീകളും ഓടി രക്ഷപ്പെടേണ്ടി വന്ന സംഭവം അറിഞ്ഞ്​ കുതിച്ചെത്തി ആറാട്ടുപുഴ വേലായുധപ്പണിക്കർ പിറ്റേന്ന് പൊതുവീഥിയിലൂടെ നിരവധി സ്ത്രീകൾക്ക്​ വേണ്ടി മൂക്കുത്തി പണിത്​ അവ അണിഞ്ഞ്​ പ്രകടനം നടത്തി. അവർക്ക്​ സംരക്ഷണമൊരുക്കി കുതിരപ്പുറത്ത്​ ആറാട്ടുപുഴ േവലായുധപ്പണിക്കരുമുണ്ടായിരുന്നു.

മിന്നുന്ന മൂക്കൂത്തികളുമായി സ്​ത്രീകൾ അണിനിരന്ന, പ്രതിഷേധാഗ്​നി ജ്വലിച്ച്​ നിന്ന ആ ജാഥക്ക്​ നേരെ ചെറുവിരലനക്കാൻ പോലും ആർക്കും ധൈര്യമുണ്ടായിരുന്നില്ല. പണിക്കരുടെ സാന്നിധ്യവും സ്ത്രീകളുടെ പോരാട്ട വീറിനും മുന്നിൽ മേലാള വർഗ്ഗം പത്തി മടക്കിയെന്നാണ്​ പിൽക്കാല ചരിത്രം രേഖപ്പെടുത്തിയത്​. പിന്നീടൊരിക്കലും മൂക്കുത്തി ഇടാൻ ഒരു കേരളീയ വനിതക്കും ഭയമുണ്ടായില്ലെന്നത് ആ സമരത്തെ നവോത്ഥാന ചരിത്രത്തിലെ തിളങ്ങുന്ന ഒരധ്യായമാക്കി മാറ്റി.

കേരള നവോത്ഥാന സമരത്തിന്‍റെ ആദ്യ രക്തസാക്ഷി കൂടിയായാണ്​ ചരിത്രം ആറാട്ടുപുഴ വേലായുധ പണിക്കരെ അടയാളപ്പെടുത്തുന്നത്​. 1825 ജനുവരി ഏഴിന്​ ജനിച്ച പണിക്കരെ 1874 ജനുവരി മൂന്നിന് കായംകുളം കായലിലൂടെ ബോട്ടിൽ കൊല്ലത്തേക്ക് പോകുമ്പോൾ ശത്രുക്കൾ ആക്രമിച്ച്​ കൊലപ്പെടുത്തുകയായിരുന്നു.

അദ്ദേഹത്തി​െൻറ ജനനവും മരണവും സംഭവിച്ച ജനുവരിയിൽ തന്നെയാണ്​ ആൽബം പ്രകാശിതമാകുന്നത്​. അന്ധകാരത്തി​െൻറ ലോകത്ത് നിന്ന് നവോത്ഥാനത്തി​െൻറ വെളിച്ചത്തിലേക്ക് നയിച്ച മൂക്കുത്തി സമരത്തി​െൻറ ഓർമ്മകളാണ് പാട്ടിലൂടെ ഇതൾ വിടർത്തുന്നത്. മൂക്കുത്തി പറിച്ചെറിയപ്പെട്ട് മൂക്കു മുറിഞ്ഞ് കരഞ്ഞു കൊണ്ട് ഓടിപ്പോയ അന്നത്തെ ആ സ്ത്രീയുടെ ഇന്നത്തെ തലമുറയിലെ പെൺകുട്ടിയുടെ ചിന്തകളിലൂടെയാണ് മൂക്കുത്തിപ്പാട്ട് മുന്നേറുന്നത്. എല്ലാവർക്കും മൂളി നടക്കാനും ഹൃദയത്തിൽ സൂക്ഷിക്കാനുള്ള ഒന്നായിരിക്കും 'മൂക്കുത്തിപ്പാട്ട്' എന്ന് ആൽബത്തി​െൻറ നിർമ്മാതാക്കളായ ഷിബിൽ ഷാ പെരിന്തൽമണ്ണ, ജിഷ്ണു പി.കെ. കരിക്കാട് എന്നിവർ പറഞ്ഞു.

12ന്​ രാവിലെ 10 ന്​ കവി ആല​ങ്കോട്​ ലീലാകൃഷ്​ണൻ ആൽബം യുടൂബിൽ റിലീസ്​ ചെയ്യും. പാട്ടി​െൻറ ലോഞ്ചിങ്​ പോസ്റ്റർ പ്രമുഖ അഭിനേത്രി നിലമ്പൂർ ആയിഷ ഒക്ടോബർ 18 ന് ഓൺലൈനിൽ നിർവഹിച്ചിരുന്നു.

മൂക്കുത്തി സമരത്തിന്​ മുമ്പ്​ 1858-ലെ മേല്‍മുണ്ട് സമരം നടത്തിയ പണിക്കർ നാരായണഗുരു 1888 ൽ അരുവിപ്പുറത്ത് ശിവ പ്രതിഷ്ഠ നടത്തുന്നതിന് 36 വർഷം മുമ്പ് 1852 ൽ അവർണർക്കായി ക്ഷേത്രം പണിത് ശിവനെ പ്രതിഷ്ഠിച്ച്​ മറ്റൊരു വിപ്ലവവും രചിച്ചിട്ടുള്ളയാളാണ്​.

Show Full Article
TAGS:mookkuthi strike Arattupuzha Velayudha Panicker Mookkuthi video song 
Next Story