സിനിമയെക്കുറിച്ച് അറിയില്ലെങ്കിലും റഫിയുടെ പാട്ടുകളിൽ നിന്ന് നിങ്ങൾക്ക് ആ നടനെ തിരിച്ചറിയാൻ കഴിയും! മുഹമ്മദ് റഫിയുടെ ഓർമകളുമായി മകൻ ഷാഹിദ് റാഫി

നി​ര​വ​ധി സൂ​പ്പ​ർ ഹി​റ്റ് ഗാ​ന​ങ്ങ​ൾ ലോ​ക​ത്തി​ന് സ​മ്മാ​നി​ച്ച പ്ര​തി​ഭാ​ശാ​ലി​യും പ്ര​ശ​സ്ത​നും ജ​ന​കീ​യ​നു​മാ​യ വി​ഖ്യാ​ത ഗാ​യ​ക​ൻ മു​ഹ​മ്മ​ദ് റ​ഫി സാ​ബ് വി​ടപ​റ​ഞ്ഞി​ട്ട് ഇ​ന്നേക്ക് 45 വ​ർ​ഷം.​ പ്ര​ണ​യ​വും വി​ര​ഹ​വും ഒ​രു​പോ​ലെ അ​ലി​ഞ്ഞുചേ​ർ​ന്ന അ​വി​സ്മ​ര​ണീയ​മാ​യ ഗാ​ന​ങ്ങ​ളു​മാ​യി ല​ക്ഷോ​പ​ല​ക്ഷ​ങ്ങ​ളു​ടെ ഹൃ​ദ​യം ക​വ​ർ​ന്ന ആ ​അ​നു​ഗൃ​ഹീ​ത ഗാ​യ​ക​ൻ എ​ന്നെന്നേ​ക്കും അ​സ്ത​മി​ച്ചെ​ന്ന വാ​ർ​ത്ത ഏ​റെ ഞെ​ട്ട​ലോ​ടെ​യാ​ണ് ലോ​കം കേ​ട്ട​ത്. ഇപ്പോഴിതാ റഫിയുടെ ഓർമകൾ പങ്കുവെക്കുകയാണ് മകൻ ഷാഹിദ് റാഫി.

'എന്റെ പിതാവിന്റെ ജീവിച്ചിരിക്കുന്ന ഏക മകനാണ് ഞാൻ. ലണ്ടനിൽ താമസിച്ചിരുന്ന എന്റെ എല്ലാ സഹോദരന്മാരും വളരെക്കാലം മുമ്പ് മരിച്ചു. എന്റെ സഹോദരിമാരെല്ലാം മുംബൈയിലാണ് താമസിക്കുന്നത്. ഞാൻ ലണ്ടനിലാണ് പഠിച്ചത്. അതിനാൽ എനിക്ക് ഒമ്പത് വയസുള്ളപ്പോൾ മുതൽ വീട്ടിൽ നിന്ന് ഏറെയും അകലെയായിരുന്നു താമസിച്ചിരുന്നത്. 1979 നവംബറിൽ എന്റെ സഹോദരിയുടെ വിവാഹത്തിനായി ഞാൻ മുംബൈയിലേക്ക് മടങ്ങി. പിന്നെ ഒരിക്കലും തിരിച്ചു പോയില്ല. അന്ന് എനിക്ക് 19 വയസായിരുന്നു. അടുത്ത വർഷം ജൂലൈയിൽ അച്ഛൻ മരിച്ചു. എനിക്ക് അദ്ദേഹത്തോടൊപ്പം ഏഴ് മാസം മാത്രമേ ചെലവഴിക്കാൻ കഴിഞ്ഞുള്ളൂ!

അച്ഛനെ ഞങ്ങൾക്ക് പേടിയായിരുന്നു. കാരണം അന്ന് ബഹുമാനവും അങ്ങനെയായിരുന്നു.അച്ഛന്റെ കാർ വരുന്നത് കാണുമ്പോൾ ഞങ്ങൾ മുറികളിലേക്ക് ഓടി പോകുമായിരുന്നു. ഞങ്ങളിൽ ആരും സംഗീതത്തിലേക്ക് പോകണമെന്ന് അച്ഛൻ ആഗ്രഹിച്ചില്ല. അച്ഛന്‍റെ മരണശേഷം പലരും ഞാൻ ആ തൊഴിൽ ഏറ്റെടുക്കണമെന്ന് നിർദേശിച്ചു. ഞാൻ സംഗീതം പഠിക്കാൻ തുടങ്ങി. ചില ഷോകൾ ചെയ്തു. പക്ഷേ ഒടുവിൽ അത് ഉപേക്ഷിച്ചു. നൗഷാദ്-സാബിന്റെ ചരമവാർഷികത്തോടനുബന്ധിച്ച് മഹേന്ദ്ര കപൂർ-സാബിന്റെ മകൻ റുഹാൻ കപൂറിനൊപ്പം ഒരിക്കൽ ഒരു വേദിയിൽ ഞാൻ പാടി. ഷാഹിദ് പറഞ്ഞു.

അച്ഛന് ഏറ്റവും അടുത്ത സംഗീത സംവിധായകനായിരുന്നു നൗഷാദ് സാബ്. അദ്ദേഹം പലപ്പോഴും ഞങ്ങളെ സന്ദർശിക്കുമായിരുന്നു. ഒരു കലാകാരനെന്ന നിലയിലും മനുഷ്യനെന്ന നിലയിലും അച്ഛനെ അകത്തും പുറത്തും അദ്ദേഹം നന്നായി അറിയാമായിരുന്നു എന്ന് എനിക്ക് തോന്നുന്നു. അച്ഛന്റെ സംഗീത ശ്രേണിയെ അദ്ദേഹം ഏറ്റവും നന്നായി പര്യവേക്ഷണം ചെയ്ത ആളാണ് നൗഷാദ് സാബ്. ക്ലാസിക്കൽ ഗാനങ്ങൾ, നാടോടി ഗാനങ്ങൾ, ലഘു ഗാനങ്ങൾ, ദുഃഖ ഗാനങ്ങളൊക്കെ അച്ഛൻ ഏറ്റവും കൂടുതൽ പാടിയത് നൗഷാദ് സാബിന് വേണ്ടിയായിരുന്നു. അദ്ദേഹം എപ്പോഴും അഭിനേതാക്കളെയും അവരുടെ സംസാര രീതിയെയും അഭിനയിക്കുന്ന രീതിയെയും പഠിക്കുമായിരുന്നു. സിനിമയെക്കുറിച്ച് നിങ്ങൾക്ക് അറിയില്ലെങ്കിലും മുഹമ്മദ് റഫിയുടെ പാട്ടുകളിൽ നിന്ന് നിങ്ങൾക്ക് ആ നടനെ തിരിച്ചറിയാൻ കഴിയും എന്ന് മാത്രമേ ഞാൻ പറയൂ ഷാഹിദ് പറഞ്ഞു.

1924 ഡി​സം​ബ​ർ 24ന് ​അ​മൃത്സ​റി​ന​ടു​ത്ത് കോ​ട്‌​ല സു​ൽ​ത്താ​ൻ സിങ് എ​ന്ന സ്ഥ​ല​ത്താ​ണ്‌ റ​ഫി​യു​ടെ ജ​ന​നം. ഹാ​ജി​ അ​ലി​ മു​ഹ​മ്മ​ദ്‌ ആ​ണ് പി​താ​വ്. മാ​താ​വ് അ​ല്ലാ രാ​ഹ. മു​ഹ​മ്മ​ദ് റാ​ഫി കു​ട്ടി​യാ​യി​രി​ക്കു​മ്പോ​ൾത​ന്നെ സം​ഗീ​ത​ത്തി​ൽ അ​സാ​മാ​ന്യ വൈ​ഭ​വം പ്ര​ക​ടി​പ്പി​ച്ചി​രു​ന്നു. അ​ക്കാ​ല​ത്ത് തെ​രു​വി​ലൂ​ടെ പാ​ട്ടു​പാ​ടി ന​ട​ന്നി​രു​ന്ന ഒ​രു ഫ​ക്കീ​റി​നൊ​പ്പം പാ​ടു​ന്ന റ​ഫി​യു​ടെ പാ​ട്ടു​ക​ൾ കേ​ൾ​ക്കാ​ൻ തെ​രു​വി​ൽ ആ​ളു​ക​ൾ കൂ​ടാ​ൻ തു​ട​ങ്ങി.

റ​ഫി സി​നി​മ​യി​ൽ ആ​ദ്യ​മാ​യി പാ​ടി​യ​ത് ‘ഗു​ല്ബു​ലേ​ക്ക്’ എ​ന്ന പ​ഞ്ചാ​ബി സി​നി​മ​യി​ലാ​യി​രു​ന്നു. അ​തി​ന് ശേ​ഷ​മാ​ണ് ഹി​ന്ദി സി​നി​മ​യി​ൽ പാ​ടാ​ൻ അ​വ​സ​രം ല​ഭി​ച്ച​ത്. പാ​ട്ട് ഹി​റ്റാ​യ​തോ​ടെ 1942ൽ ​മും​ബൈ​യി​ലേ​ക്ക് വ​ണ്ടി ക​യ​റി. മു​ഹ​മ്മ​ദ് റ​ഫി​യെ ഹി​ന്ദി സി​നി​മ​യി​ലേ​ക്ക് കൈ​പി​ടി​ച്ചു കൊ​ണ്ടു​വ​ന്ന​ത് ഇ​തി​ഹാ​സ സം​ഗീ​ത സം​വി​ധാ​യ​ക​ൻ നൗ​ഷാ​ദ് ആ​യി​രു​ന്നു. നൗ​ഷാ​ദ് സം​ഗീ​ത സം​വി​ധാ​നം നി​ർ​വ​ഹി​ച്ച 'ഷാ​ജ​ഹാ​ൻ' എ​ന്ന ചി​ത്ര​ത്തി​ൽ ഗാ​യ​ക ച​ക്ര​വ​ർ​ത്തി സൈ​ഗാ​ളി​നോ​ടൊ​പ്പ​മാ​ണ് ആ​ദ്യ​മാ​യി റ​ഫി ഒ​രു പാ​ട്ടു​പാ​ടി​യ​ത്.​ ആ​ദ്യം 10 രൂ​പ പ്ര​തി​ഫ​ല​ത്തി​ൽ കോ​റ​സി​ൽ പാ​ടാ​ൻ തു​ട​ങ്ങി.

റ​ഫി​യു​ടെ ബോ​ളി​വു​ഡി​ലെ ആ​ദ്യ​ഗാ​നം 1944ൽ ​പു​റ​ത്തി​റ​ങ്ങി​യ എ.​ആ​ർ.​ ക​ർ​ദാ​റു​ടെ പെ​ഹ്‌​ലേ ആ​പ്‌ എ​ന്ന ചി​ത്ര​ത്തി​ലെ ‘ഹി​ന്ദു​സ്ഥാ​ൻ കേ ​ഹം ഹേ​ൻ’ എ​ന്ന യു​ഗ്മ​ഗാ​ന​മാ​ണ്‌. എ​ന്നാ​ൽ, ശ്യാം ​സു​ന്ദ​റി​ന് വേ​ണ്ടി ‘ഗോ​ൻ കി ​ഗോ​രി’ (1945) എ​ന്ന ചി​ത്ര​ത്തി​ലെ ‘അ​ജീ ദി​ൽ ഹോ ​കാ​ബൂ മേ​ൻ’ എ​ന്ന ഗാ​ന​മാ​ണ് റ​ഫി ബോ​ളി​വു​ഡി​ലെ ത​ന്റെ ആ​ദ്യ ഗാ​ന​മാ​യി ക​ണ​ക്കാ​ക്കു​ന്ന​ത്‌. 1947​ൽ റി​ലീ​സാ​യ 'ജു​ഗ്നു' എ​ന്ന സി​നി​മ​യി​ൽ റ​ഫി നൂ​ർ ജ​ഹാ​നു​മൊ​ത്തു പാ​ടി​യ 'യ​ഹാം ബ​ദ​ലാ വ​ഫാ കാ ​ബേ​വ​ഫാ​യി​കാ സി​വാ ക്യാ ​ഹെ' എ​ന്ന ഗാ​ന​​മാ​ണ് റ​ഫി​യെ പ്ര​ശ​സ്തിയി​ലേ​ക്കു​യ​ർ​ത്തി​യ​ത്.​ 40 വ​ർ​ഷ​ത്തോ​ളം ത​ന്റെ സ​വി​ശേ​ഷ സ്വ​ര​മാ​ധു​രി​യി​ലൂ​ടെ സി​നി​മ സം​ഗീ​ത ലോ​ക​ത്ത് ഒ​ന്നാ​മ​നാ​യിത്തന്നെ നി​റ​ഞ്ഞു​നി​ന്ന അ​ദ്ദേ​ഹം 1980 ജൂ​ലൈ 31നാണ് ​മ​രിക്കുന്നത്. ഫി​ലിം​ഫെ​യ​ർ പു​ര​സ്കാ​ര​ങ്ങ​ൾ, ഒ​രു ദേ​ശീ​യ അ​വാ​ർ​ഡ്, 1967ൽ ​പ​ദ്മ​ശ്രീ എ​ന്നീ അം​ഗീ​കാ​ര​ങ്ങ​ൾ റ​ഫി​യെ തേ​ടി​യെ​ത്തിയിരുന്നു.