എ​ത്ര സു​ന്ദ​രം ഈ ​സ്വ​പ്ന​ഗാ​ന​ങ്ങ​ൾ

‘നി​ങ്ങ​ളീ ഭൂ​മി​യി​ല്‍ ഇ​ല്ലാ​യി​രു​ന്നെ​ങ്കി​ല്‍

നി​ശ്ച​ലം ശൂ​ന്യ​മീ ലോ​കം’

സ്വ​പ്ന​ങ്ങ​ളെ​ക്കു​റി​ച്ചു​ള്ള ഏ​റ്റ​വും മി​ക​ച്ച ക​ണ്ടെ​ത്ത​ലാ​ണ് വ​യ​ലാ​ർ രാ​മ​വ​ർ​മ​യു​ടെ ഈ ​വ​രി​ക​ളെ​ന്ന് തോ​ന്നി​യി​ട്ടു​ണ്ട്. 1965ൽ ​പു​റ​ത്തി​റ​ങ്ങി​യ ‘കാ​വ്യ​മേ​ള’ എ​ന്ന സി​നി​മ​യി​ലെ ‘സ്വ​പ്ന​ങ്ങ​ൾ... സ്വ​പ്ന​ങ്ങ​ളേ നി​ങ്ങ​ൾ സ്വ​ർ​ഗ​കു​മാ​രി​ക​ള​ല്ലോ’ എ​ന്നു തു​ട​ങ്ങു​ന്ന ഗാ​നം ആ​സ്വാ​ദ​ക​ർ​ക്ക് ഇ​ന്നും പ്രി​യ​പ്പെ​ട്ട​താ​ണ്.അ​പ്സ​ര​ക​ന്യ​ക​ൾ പെ​റ്റു​വ​ള​ർ​ത്തു​ന്ന, സ്വ​ർ​ഗ​ത്തി​ൽ​നി​ന്നു വി​രു​ന്നു വ​രാ​റു​ള്ള ചി​ത്ര​ശ​ല​ഭ​ങ്ങ​ളാ​യി സ്വ​പ്ന​ത്തെ വ​ർ​ണി​ക്കു​ക​യാ​ണ് വ​യ​ലാ​ർ. വ​രി​ക​ൾ ശ്ര​ദ്ധി​ക്കു​ക:

‘അ​പ്സ​ര ക​ന്യ​ക​ള്‍ പെ​റ്റു​വ​ള​ര്‍ത്തു​ന്ന

ചി​ത്ര​ശ​ല​ഭ​ങ്ങ​ള്‍ നി​ങ്ങ​ള്‍

സ്വ​ർ​ഗ​ത്തി​ല്‍ നി​ന്നും വി​രു​ന്നു വ​രാ​റു​ള്ള

ചി​ത്ര​ശ​ല​ഭ​ങ്ങ​ള്‍ നി​ങ്ങ​ള്‍...’

നാ​മ​റി​യാ​തെ ന​മ്മു​ടെ മ​ന​സ്സി​ന്റെ വാ​തി​ൽ തു​റ​ന്നു വ​രു​ന്ന സ്വ​പ്ന​ങ്ങ​ളി​ല്ലെ​ങ്കി​ൽ ദൈ​വ​ങ്ങ​ളു​മി​ല്ല, മ​നു​ഷ്യ​രു​മി​ല്ല, ജീ​വി​ത ചൈ​ത​ന്യ​വു​മി​ല്ല എ​ന്ന് പ​റ​യു​ന്ന​തി​ലെ കാ​വ്യ​ചി​ന്ത​യും യു​ക്തി​യും ശ്ര​ദ്ധേ​യം. യേ​ശു​ദാ​സും പി. ​ലീ​ല​യും ചേ​ർ​ന്നു പാ​ടി​യ ഗാ​ന​ത്തി​ന് ആ​ക​ർ​ഷ​ക​മാ​യ ഈ​ണ​മൊ​രു​ക്കി​യ​ത് വി. ​ദ​ക്ഷി​ണാ​മൂ​ർ​ത്തി.

സ്വ​പ്ന​ത്തി​ൽ ക​ണ്ട രാ​ജ​കു​മാ​ര​നെ ക​ൺ​കു​ളി​ർ​ക്കെ കാ​ണാ​ൻ തു​മ്പി​യോ​ട് വ​ർ​ണ​ച്ചി​റ​കു​ക​ൾ ക​ടം ചോ​ദി​ക്കു​ന്ന മ​നോ​ഹ​ര ഗാ​ന​മു​ണ്ട് ‘സ​ർ​പ്പ​ക്കാ​ട്’ എ​ന്ന സി​നി​മ​യി​ൽ. അ​ഭ​യ​ദേ​വി​ന്റെ വ​രി​ക​ൾ. ബാ​ബു​രാ​ജി​ന്റെ ഈ​ണം. പൂ​ന്തോ​ട്ട​ത്തി​ൽ നൃ​ത്തം ചെ​യ്ത് നാ​യി​ക​യാ​യ അം​ബി​ക പാ​ടു​ക​യാ​ണ്:

‘ഇ​ന്ന​ലെ ഞാ​നൊ​രു സ്വ​പ്നം ക​ണ്ടു

സ്വ​ർ​ണ​ത്താ​മ​ര പൂ​ത്തെ​ന്ന്

പൂ​വി​റു​ക്കാ​ന്‍ സ്വ​ർ​ഗ​ത്തൂ​ന്നൊ​രു

ദേ​വ​കു​മാ​ര​ന്‍ വ​ന്നെ​ന്ന്’

കു​ട്ടി​ക്കാ​ല​ത്ത് ഒ​ത്തി​രി ഇ​ഷ്ടം തോ​ന്നി​യ ഇ​തി​ലെ വ​രി​ക​ളാ​ണ്:

‘ക​ടം ത​രാ​മോ തു​മ്പീ നി​ന്നു​ടെ

ക​ന​ക​ച്ചി​റ​കൊ​രു നി​മി​ഷം നീ

​പ​റ​ന്നു ചെ​ന്നെ​ന്‍ ദേ​വ​കു​മാ​ര​നെ

മ​നം കു​ളി​ര്‍ക്കെ ക​ണ്ടോ​ട്ടേ’

(പാ​ടി​യ​ത്: പി. ​ലീ​ല, വ​ർ​ഷം: 1965). ഒ​രു നി​മി​ഷ​ത്തേ​ക്കാ​ണ് ചി​റ​കു​ക​ൾ ക​ടം ചോ​ദി​ക്കു​ന്ന​ത്. അ​ത്ര​യും നേ​രം​കൊ​ണ്ട് സ്വ​പ്ന​ത്തി​ൽ വ​ന്നെ​ത്തി​യ ദേ​വ​കു​മാ​ര​ന്റെ അ​ടു​ത്തേ​ക്കെ​ത്താ​മെ​ന്ന ചി​ന്ത​യും ഭാ​വ​ന​യും അ​ഭി​ന​ന്ദ​നീ​യം ത​ന്നെ.

2019ൽ ​പു​റ​ത്തി​റ​ങ്ങി​യ ‘പൊ​റി​ഞ്ചു മ​റി​യം ജോ​സ്’ എ​ന്ന ചി​ത്ര​ത്തി​ലു​മു​ണ്ട് സ്വ​പ്നം ക​ണ്ട കാ​ര്യം.

‘ഇ​ന്ന​ലെ ഞാ​നൊ​രു സൊ​പ്പ​നം ക​ണ്ടു

‘ദൂ​ര​ത്തൊ​രു നാ​ട്ടി​ൽ പോ​യെ​ന്ന്’

(ര​ച​ന: അ​ങ്ക​മാ​ലി പ്രാ​ഞ്ചി, സം​ഗീ​തം: ജേ​ക്സ് ബി​ജോ​യ്, പാ​ടി​യ​ത്: സ​ച്ചി​ൻ രാ​ജ്). സ്വ​പ്ന​ത്തി​ൽ പ്ര​ത്യ​ക്ഷ​പ്പെ​ടു​ന്ന​ത് രാ​ജ​കു​മാ​ര​നും സു​ൽ​ത്താ​നും രാ​ജ്ഞി​യു​മൊ​ക്കെ ആ​കു​മ്പോ​ൾ ഗാ​ന​ങ്ങ​ൾ കേ​ൾ​ക്കാ​ൻ കൗ​തു​കം ഏ​റെ​യാ​ണ്. അ​ങ്ങ​നെ ഇ​ഷ്ടം തോ​ന്നി​യ മ​റ്റൊ​രു ഗാ​ന​മാ​ണ്:

‘സ്വ​പ്നം വ​ന്നെ​ന്‍ കാ​തി​ല്‍ ചൊ​ല്ലി​യ

ക​ൽപി​ത​ക​ഥ​യി​ലെ രാ​ജ​കു​മാ​രാ

നീ​ല​ക്കാ​ടു​ക​ള്‍ പൂ​ത്ത​പ്പോ​ള്‍

നീ​യി​ന്നു വ​രു​മെ​ന്ന​റി​ഞ്ഞൂ ഞാ​ന്‍...’

(ചി​ത്രം: ചെ​കു​ത്താ​ന്റെ കോ​ട്ട, ര​ച​ന: പി. ​ഭാ​സ്ക​ര​ൻ, സം​ഗീ​തം: ബി.​എ. ചി​ദം​ബ​ര​നാ​ഥ്. പാ​ടി​യ​ത്: പി. ​ലീ​ല, വ​ർ​ഷം: 1967) ‘സ്വ​പ്നം വ​ന്നെ​ൻ കാ​തി​ല്‍ ചൊ​ല്ലി​യ...’ എ​ന്ന ഗാ​ന​ത്തി​ലെ വ​രി​ക​ളി​ലെ ‘വ​ന്നെ​ൻ’ എ​ന്ന വാ​ക്കു മാ​ത്രം മാ​റ്റി ‘സ്വ​പ്നം എ​ന്നു​ടെ കാ​തി​ല്‍ ചൊ​ല്ലി​യ ക​ല്‍പ്പി​ത​ക​ഥ​യി​ലെ രാ​ജ​കു​മാ​രാ’ എ​ന്ന് അ​ൽ​പം ശോ​കം ക​ല​ർ​ത്തി മ​റ്റൊ​രു ഈ​ണ​ത്തി​ൽ പി. ​ലീ​ല ത​ന്നെ പാ​ടു​ന്നു​മു​ണ്ട്.

സ്വ​പ്ന​ത്തി​ലെ ക​ൽ​പി​ത​ക​ഥ പി. ​ഭാ​സ്ക​ര​ന്റെ മ​റ്റൊ​രു പാ​ട്ടി​ലു​മു​ണ്ട്. ഇ​ട​യ പെ​ൺ​കു​ട്ടി​യെ കാ​ണാ​നെ​ത്തി​യ കാ​മു​ക​ന്റെ മാ​റാ​പ്പു ക​ണ്ട് ന​വ​ര​ത്ന വ്യാ​പാ​രി​യാ​ണെ​ന്ന് ധ​രി​ക്കു​ന്ന കാ​മു​കി​യോ​ട് മാ​റാ​പ്പി​ലു​ള്ള​ത് ര​ത്ന​ങ്ങ​ള​ല്ല, നി​റ​മു​ള്ള സ്വ​പ്ന​ങ്ങ​ളാ​ണെ​ന്ന് പ​റ​യു​ക​യാ​ണ് കാ​മു​ക​ൻ.

‘ക​ന​വു നെ​യ്തൊ​രു ക​ൽപി​ത ക​ഥ​യി​ലെ

ഇ​ട​യ​പ്പെ​ൺ​കൊ​ടി ഞാ​ൻ

അ​വ​ളു​ടെ കു​ടി​ലി​ൽ വി​രു​ന്നി​നെ​ത്തി​യ

ന​വ​ര​ത്ന​വ്യാ​പാ​രി ഭ​വാ​ൻ

ന​വ​ര​ത്ന​വ്യാ​പാ​രി

ര​ത്ന​ങ്ങ​ള​ല്ലെ​ൻ മാ​റാ​പ്പി​ൽ

സ്വ​പ്ന​ങ്ങ​ൾ വ​ർ​ണ​സ്വ​പ്ന​ങ്ങ​ൾ

വ​ന​ഗാ​യി​ക നി​ൻ ക​ഴു​ത്തി​ല​ണി​യാ​ൻ

വ​സ​ന്ത​മാ​ല്യ​ങ്ങ​ൾ -ന​വ വ​സ​ന്ത​മാ​ല്യ​ങ്ങ​ൾ’

(ചി​ത്രം: മാ​ന്യ​ശ്രീ വി​ശ്വാ​മി​ത്ര​ൻ, സം​ഗീ​തം: ശ്യാം. ​വ​ർ​ഷം: 1974)

‘ശം​ഖു​പു​ഷ്പം’ (1977) എ​ന്ന സി​നി​മ​യി​ലെ സ്വ​പ്ന​ഗാ​ന​ത്തി​ലു​മു​ണ്ടൊ​രു രാ​ജ​കു​മാ​ര​ൻ.

‘സ്വ​പ്ന​ത്തി​ല്‍ നി​ന്നൊ​രാ​ള്‍ ചോ​ദി​ച്ചു-​പ്രേ​മ

സ്വ​ർ​ഗ​ത്തി​ല്‍ കൂ​ട്ടി​നു പോ​രാ​മോ...

രാ​ഗ​ത്തി​ന്‍ പൂ​മാ​ല കോ​ര്‍ക്കാ​മോ -നി​ന്റെ

രാ​ജ​കു​മാ​ര​നു ചാ​ര്‍ത്താ​മോ... '

(ര​ച​ന: പി.​പി. ശ്രീ​ധ​ര​നു​ണ്ണി, സം​ഗീ​തം: എം.​കെ. അ​ർ​ജു​ന​ൻ, പാ​ടി​യ​ത്: പി. ​ജ​യ​ച​ന്ദ്ര​ൻ)

‘കു​ടും​ബി​നി’​യി​ൽ അ​ഭ​യ​ദേ​വ് എ​ഴു​തി​യ ഗാ​ന​ത്തി​ലെ രാ​ജ​കു​മാ​ര​നും സ്വ​ർ​ഗ​ത്തി​ൽ​നി​ന്നാ​ണ് വ​രു​ന്ന​ത്. മ​ന​സ്സി​ന്റെ വാ​തി​ലി​ൽ മു​ട്ടു​ന്ന രാ​ജ​കു​മാ​രി​യു​മു​ണ്ട്.

‘സ്വ​പ്ന​ത്തി​ൻ പു​ഷ്പ​ര​ഥ​ത്തി​ൽ

സ​പ്ത​സ്വ​ര ഗാ​ന​വു​മാ​യ്

സ്വ​ർ​ഗ​ത്തി​ൽനി​ന്നു വ​രും

രാ​ജ​കു​മാ​രാ... രാ​ജ​കു​മാ​രാ

മ​ണി​വീ​ണ​ക്ക​മ്പി മു​റു​ക്കി

മ​ധു​ര​പ്പൂം തേ​നൊ​ഴു​ക്കി

മ​ന​സ്സി​ന്റെ വാ​തി​ലി​ൽ മു​ട്ടും

രാ​ജ​കു​മാ​രീ... രാ​ജ​കു​മാ​രീ...’

(പ്രി​യ​ത​മ എ​ന്ന ചി​ത്ര​ത്തി​ൽ ശ്രീ​കു​മാ​ര​ൻ ത​മ്പി എ​ഴു​തി​യ ഒ​രു ഗാ​ന​ത്തി​ൽ ‘ക​ര​ളി​ൻ വാ​തി​ലി​ൽ മു​ട്ടിവി​ളി​ക്കു​ന്ന കാ​വ്യ ദേ​വ​കു​മാ​രി’​യു​ണ്ട്)

പി. ​ഭാ​സ്ക​ര​ൻ എ​ഴു​തി​യ, ‘പൊ​ൻ​കി​നാ​വി​ൻ പു​ഷ്പ​ര​ഥ​ത്തി​ൽ പോ​യ് വ​രൂ​നീ’ (ക​റു​ത്ത പൗ​ർ​ണ​മി)..., ‘ഇ​ന്ന​ലെ മ​യ​ങ്ങു​മ്പോ​ൾ ഒ​രു മ​ണി​ക്കി​നാ​വി​ന്റെ പൊ​ന്നി​ൻ ചി​ല​മ്പൊ​ലി കേ​ട്ടു​ണ​ർ​ന്നു’ (അ​ന്വേ​ഷി​ച്ചു ക​ണ്ടെ​ത്തി​യി​ല്ല) എ​ന്നി​വ​യും സു​ന്ദ​ര​മാ​യ സ്വ​പ്ന​ഗാ​ന​ങ്ങ​ൾ ത​ന്നെ.

ഒ​രു കാ​ല​ത്ത് സ്കൂ​ൾ വാ​ർ​ഷി​ക​ങ്ങ​ളി​ൽ കു​ട്ടി​ക​ൾ നൃ​ത്തം ചെ​യ്തി​രു​ന്ന ഒ​രു ഗാ​ന​മു​ണ്ട്. ‘സ്വ​പ്ന​ത്തി​ലെ​ന്നെ വ​ന്ന് നു​ള്ളി​നു​ള്ളി​യു​ണ​ർ​ത്തു​ന്ന സു​ൽ​ത്താ​നെ’​ക്കു​റി​ച്ചു​ള്ള ആ ​ഗാ​ന​മെ​ഴു​തി​യ​ത് വ​യ​ലാ​ർ രാ​മ​വ​ർ​മ. ടെ​ലി​ഗ്രാം സം​വി​ധാ​ന​ത്തി​ലൂ​ടെ മെ​സേ​ജ് കൈ​മാ​റി​യി​രു​ന്ന അ​ന്ന​ത്തെ സം​വി​ധാ​നം വ​രി​ക​ളി​ൽ മ​നോ​ഹ​ര​മാ​യി കൂ​ട്ടി​യി​ണ​ക്കി​യി​ട്ടു​ണ്ട്. വ​രി​ക​ൾ നോ​ക്കൂ:

‘സ്വ​പ്ന​ത്തി​ലെ​ന്നെ വ​ന്നു

നു​ള്ളി​നു​ള്ളി​യു​ണ​ര്‍ത്തു​ന്ന

സു​ല്‍ത്താ​നേ... പൊ​ന്നു സു​ല്‍ത്താ​നേ...

ഖ​ല്‍ബി​ല്‍നി​ന്നു ഖ​ല്‍ബി​ലേ​ക്കു

ക​ണ്‍പു​രി​ക​പ്പീ​ലി​കൊ​ണ്ടു

ക​മ്പി​യി​ല്ലാ​ക്ക​മ്പി ത​ന്ന​തെ​ന്താ​ണ്...’

(ചി​ത്രം: കാ​ത്തി​രു​ന്ന നി​ക്കാ​ഹ്, സം​ഗീ​തം: ജി. ​ദേ​വ​രാ​ജ​ൻ, പാ​ടി​യ​ത്: പി. ​സു​ശീ​ല, വ​ർ​ഷം: 1965)

‘മ​ധു​രി​ക്കും ഓ​ർ​മ​ക​ളേ, മ​ല​ർ​മ​ഞ്ച​ൽ കൊ​ണ്ടു​വ​രൂ...’ എ​ന്ന മ​ധു​ര മ​നോ​ജ്ഞ നാ​ട​ക​ഗാ​നം പാ​ടി​യ സി.​ഒ. ആ​ന്റോ സി​നി​മ​യി​ൽ പാ​ടി​യ​തേ​റെ​യും ഹാ​സ്യ​ഗാ​ന​ങ്ങ​ളാ​ണ്.

‘വീ​ടി​ന് പൊ​ൻ​മ​ണി വി​ള​ക്കു നീ

​ത​റ​വാ​ടി​ന് നി​ധി നീ ​കു​ടും​ബി​നി’ എ​ന്ന സൂ​പ്പ​ർ ഹി​റ്റ് ഗാ​ന​ത്തി​ന് ശ​ബ്ദം ഇ​ണ​ങ്ങി​ച്ചേ​ർ​ന്നി​ട്ടും അ​ത്ത​ര​ത്തി​ലു​ള്ള ഗാ​ന​ങ്ങ​ൾ അ​ദ്ദേ​ഹ​ത്തെ തേ​ടി​യെ​ത്തി​യു​മി​ല്ല.

വി​രു​ന്നു​കാ​രി എ​ന്ന സി​നി​മ​ക്കു വേ​ണ്ടി പി. ​ഭാ​സ്ക​ര​ൻ-​ബാ​ബു​രാ​ജ് ടീം ​ഒ​രു​ക്കി​യ ഒ​രു യു​ഗ്മ​ഗാ​നം എ​സ്. ജാ​ന​കി​യു​മൊ​ത്ത് പാ​ടാ​ൻ അ​വ​സ​രം കി​ട്ടി​യെ​ങ്കി​ലും പാ​ട്ട് വേ​ണ്ട​ത്ര ശ്ര​ദ്ധി​ക്ക​പ്പെ​ടാ​തെ​യും പോ​യി. ആ ​ഗാ​ന​ത്തി​ൽ

‘ഇ​ന്ന​ലെ ഞാ​നൊ​രു സ്വ​പ്ന​ശ​ല​ഭ​മാ​യ്

നി​ൻ ക​ണ്മി​ഴി​ത്താ​മ​ര​യി​ൽ ക​ട​ന്നു​വ​ന്നു

അ​റി​ഞ്ഞു​വോ സ​ഖി​യ​റി​ഞ്ഞു​വോ?’ എ​ന്ന് കാ​മു​ക​ൻ ചോ​ദി​ക്കു​മ്പോ​ൾ കാ​മു​കി മ​റു​പ​ടി പ​റ​യു​ന്ന​തി​ങ്ങ​നെ:

‘മാ​ന​സ​മോ​ഹ​ത്തി​ൻ മ​ക​ര​ന്ദ പാ​ന​പാ​ത്രം

മാ​ര​ൻ ചു​ണ്ടു​കൊ​ണ്ടു നു​ക​ർ​ന്ന​പ്പോ​ൾ

അ​റി​ഞ്ഞ​ല്ലോ ഞാ​നു​ണ​ർ​ന്ന​ല്ലോ...’

‘സ​ങ്ക​ൽപ പു​ഷ്പ​വി​മാ​ന​ത്തി​ലൂ​ടെ സ​ന്ധ്യാ​നേ​ര​ത്തെ ആ​കാ​ശ​ക്കാ​ഴ്ച​ക​ൾ ക​ണ്ട​തും ച​ന്ദ്ര​ക്ക​ല​യാ​കും ച​ന്ദ​ന​ത്തോ​ണി​യി​ൽ സ​ന്ധ്യ​യാം യ​മു​നാ ന​ദി​യി​ൽ തു​ഴ​ഞ്ഞ​തും അ​റി​ഞ്ഞി​ല്ലേ’ എ​ന്നും കാ​മു​ക​ൻ തി​ര​ക്കു​ന്നു​ണ്ട്. ന​ട​ക്കാ​ത്ത പ​ല ആ​ഗ്ര​ഹ​ങ്ങ​ളും സ​ഫ​ല​മാ​കു​ന്ന​ത് സ്വ​പ്ന​ങ്ങ​ളി​ലാ​ണ്. വ​ർ​ണ​ച്ചി​റ​കു​ള്ള പൂ​മ്പാ​റ്റ​ക​ളെ​പ്പോ​ലെ പാ​റി​പ്പ​റ​ക്കാ​നും പ​ക്ഷി​ക​ളെ​പ്പോ​ലെ വാ​നി​ൽ സ​ഞ്ച​രി​ക്കാ​നു​മു​ള്ള മോ​ഹ​ങ്ങ​ൾ കു​ഞ്ഞു​മ​ന​സ്സു​ക​ളി​ലു​ണ്ടാ​കും. ആ ​മോ​ഹം മ​ന​സ്സി​ൽ വെ​ച്ചു​കൊ​ണ്ടാ​കാം പി. ​ഭാ​സ്ക​ര​ൻ ‘ഒ​രു മെ​യ് മാ​സ​പ്പു​ല​രി​യി​ൽ’ എ​ന്ന സി​നി​മ​ക്കു വേ​ണ്ടി,

‘പു​ല​ർ​കാ​ല സു​ന്ദ​ര സ്വ​പ്ന​ത്തി​ൽ

ഞാ​നൊ​രു പൂ​മ്പാ​റ്റ​യാ​യി​ന്നു മാ​റി

വി​ണ്ണി​ലും മ​ണ്ണി​ലും പൂ​വി​ലും പു​ല്ലി​ലും

വ​ർ​ണ​ച്ചി​റ​കു​മാ​യ് പാ​റി...’ എ​ന്ന അ​തീ​വ​സു​ന്ദ​ര ഗാ​ന​മെ​ഴു​തി​യ​ത്. (സം​ഗീ​തം: ര​വീ​ന്ദ്ര​ൻ, പാ​ടി​യ​ത്: കെ.​എ​സ്. ചി​ത്ര, വ​ർ​ഷം: 1987).

‘ഗു​രു​വാ​യൂ​ർ കേ​ശ​വ​ൻ’ എ​ന്ന സി​നി​മ​യി​ലു​മു​ണ്ട് ഇ​തു​പോ​ലെ, വ​ർ​ണ​ച്ചി​റ​കു​ക​ൾ വീ​ശി​യെ​ത്തു​ന്ന ഗാ​നം.

‘സു​ന്ദ​ര​സ്വ​പ്ന​മെ നീ​യെ​നി​ക്കേ​കി​യ

വ​ർ​ണ​ച്ചി​റ​കു​ക​ൾ വീ​ശി

പ്ര​ത്യൂ​ഷ​നി​ദ്ര​യി​ൽ ഇ​ന്ന​ലെ ഞാ​നൊ​രു

ചി​ത്ര​പ​തം​ഗ​മാ​യ് മാ​റി...’

(ര​ച​ന: പി. ​ഭാ​സ്ക​ര​ൻ, സം​ഗീ​തം: ദേ​വ​രാ​ജ​ൻ, ആ​ലാ​പ​നം: യേ​ശു​ദാ​സ് & പി. ​ലീ​ല, വ​ർ​ഷം 1977)

പി. ​ഭാ​സ്ക​ര​ൻ ത​ന്നെ എ​ഴു​തി​യ,

‘നി​ദ്ര​ത​ൻ നീ​രാ​ഴി നീ​ന്തി​ക്ക​ട​ന്ന​പ്പോ​ൾ

സ്വ​പ്ന​ത്തി​ൻ ക​ളി​യോ​ടം കി​ട്ടീ

ക​ളി​യോ​ടം മെ​ല്ലെ തു​ഴ​ഞ്ഞു ഞാ​ൻ മ​റ്റാ​രും

കാ​ണാ​ത്ത ക​ര​യി​ൽ ചെ​ന്നെ​ത്തീ

കാ​ണാ​ത്ത ക​ര​യി​ൽ ചെ​ന്നെ​ത്തി...’ (ചി​ത്രം: പ​ക​ൽ​ക്കി​നാ​വ്, സം​ഗീ​തം: ബി.​എ. ചി​ദം​ബ​ര​നാ​ഥ്, വ​ർ​ഷം: 1966) എ​ന്ന ഗാ​ന​വും ഒ​രി​ക്ക​ലും ന​മു​ക്ക് മ​റ​ക്കാ​നാ​വി​ല്ല. സ്വ​പ്ന​ങ്ങ​ളു​ടെ യാ​ഥാ​ർ​ഥ്യ​ത്തോ​ട് ചേ​ർ​ന്നു​നി​ൽ​ക്കു​ന്ന ഒ​രു ഗാ​ന​മു​ണ്ട് ‘ഒ​രാ​ൾ​കൂ​ടി ക​ള്ള​നാ​യി’ എ​ന്ന ചി​ത്ര​ത്തി​ൽ. ഗാ​ന​മെ​ഴു​തി​യ​ത് അ​ഭ​യ​ദേ​വ്. സം​ഗീ​ത​മൊ​രു​ക്കി​യ​ത് ജോ​ബ്. പാ​ടി​യ​ത് യേ​ശു​ദാ​സും പി. ​ലീ​ല​യും ചേ​ർ​ന്ന്. വ​ർ​ഷം: 1964. കാ​മു​ക​ന്റേ​താ​ണ് ചോ​ദ്യം:

‘കി​നാ​വി​ലെ​ന്നും വ​ന്നെ​ന്നെ

കി​ക്കി​ളി​കൂ​ട്ടും പെ​ണ്ണേ

ഉ​ണ​ര്‍ന്നു​നോ​ക്കും

നേ​ര​ത്തെ​വി​ടാ​ണോ​ടി​പ്പോ​വ​തു നീ?

​എ​വി​ടാ​ണോ​ടി​പ്പോ​വ​തു നീ?’ ​കാ​മു​കി പ​റ​യു​ന്ന മ​റു​പ​ടി​യി​ലെ പ്ര​ണ​യം എ​ത്ര ചേ​തോ​ഹ​ര​മാ​ണെ​ന്ന് നോ​ക്കൂ.

‘ഓ​ടി​പ്പോ​ണി​ല്ലെ​ങ്ങും ഞാ​ന്‍

ഒ​ളി​ച്ചു​പോ​കി​ല്ലെ​ങ്ങും ഞാ​ന്‍

ക​ണ്ണു​തു​റ​ക്കും നേ​രം ഇ​ങ്ങ​ടെ

ഖ​ല്‍ബി​ലി​രി​ക്കും ഞാ​ന്‍...’

ഇ​നി​യു​മു​ണ്ട് സ്വ​പ്ന​ങ്ങ​ളു​ടെ മാ​യ​ക്കാ​ഴ്ച​ക​ളി​ലൂ​ടെ അ​നു​ഭൂ​തി​ക​ൾ പ​ക​ർ​ന്നു ത​ന്ന ഗാ​ന​ങ്ങ​ൾ. അ​വ​യി​ൽ ചി​ല​തെ​ങ്കി​ലും പ​റ​ഞ്ഞു പോ​കാ​തെ വ​യ്യ.

സ്വ​പ്ന​സു​ന്ദ​രി നീ​യൊ​രി​ക്ക​ലെ​ൻ സ്വ​പ്ന​ശ​യ്യാ​ത​ല​ങ്ങ​ളി​ൽ (അ​ധ്യാ​പി​ക, ഒ.​എ​ൻ.​വി-​വി. ദ​ക്ഷി​ണാ​മൂ​ർ​ത്തി), എ​ന്റെ സ്വ​പ്ന​ത്തി​ൻ താ​മ​ര​പൊ​യ്ക​യി​ൽ വ​ന്നി​റ​ങ്ങി​യ രൂ​പ​വ​തി... (അ​ച്ചാ​ണി, പി. ​ഭാ​സ്ക​ര​ൻ-​ദേ​വ​രാ​ജ​ൻ), സ്വ​പ്ന​മെ​ന്നൊ​രു ചി​ത്ര​ലേ​ഖ (ശി​ക്ഷ, വ​യ​ലാ​ർ-​ദേ​വ​രാ​ജ​ൻ), ഉ​റ​ങ്ങി​യാ​ലും സ്വ​പ്ന​ങ്ങ​ൾ (സ്വ​പ്ന​ങ്ങ​ൾ, വ​യ​ലാ​ർ-​ദേ​വ​രാ​ജ​ൻ), ഒ​രി​ക്ക​ലെ​ൻ സ്വ​പ്ന​ത്തി​ന്റെ ശ​ര​ത്കാ​ല കാ​ന​ന​ത്തി​ൽ (എ​റ​ണാ​കു​ളം ജങ്ക്ഷൻ, പി. ​ഭാ​സ്ക​ര​ൻ-​ബാ​ബു​രാ​ജ്), ക​ന​വി​ൽ വ​ന്നെ​ന്റെ ക​വി​ളി​ണ ത​ഴു​കി​യ ക​ര​ത​ല​മേ​തു സ​ഖീ (പ്രി​യ​ത​മ, ശ്രീ​കു​മാ​ര​ൻ ത​മ്പി-​ബ്ര​ദ​ർ ല​ക്ഷ്മ​ൺ), സ്വ​പ്ന​ത്തി​ൻ ല​ക്ഷ​ദ്വീ​പി​ലെ പു​ഷ്പ​ന​ന്ദി​നീ (ച​ക്ര​വ​ർ​ത്തി​നി, വ​യ​ലാ​ർ-​ദേ​വ​രാ​ജ​ൻ) സ്വ​പ്ന​ങ്ങ​ൾ എ​ന്റെ സ്വ​പ്ന​ങ്ങ​ൾ മു​ല്ല​പ്പ​ന്ത​ലൊ​രു​ക്കി (മൗ​ന​നൊ​മ്പ​രം, പൂ​വ​ച്ച​ൽ ഖാ​ദ​ർ-​ജോ​ൺ​സ​ൺ), സ്വ​പ്ന​ങ്ങ​ൾ​ക്ക​ർ​ഥ​ങ്ങ​ൾ ഉ​ണ്ടാ​യി​രു​ന്നെ​ങ്കി​ൽ (ഓ​ർ​മ​ക​ളേ വി​ട​ത​രൂ, ഡോ. ​പ​വി​ത്ര​ൻ-​കെ.​ജെ. ജോ​യ്), സ്വ​പ്നം വെ​റു​മൊ​രു സ്വ​പ്നം (പ്രേ​മ​ഗീ​ത​ങ്ങ​ൾ, ദേ​വ​ദാ​സ്-​ജോ​ൺ​സ​ൺ)...

ഒ​രി​ക്ക​ലും ഉ​ണ​രാ​ത്ത ഉ​റ​ക്ക​മാ​ണ​ല്ലോ മ​ര​ണം. അ​തു​കൊ​ണ്ടു​ത​ന്നെ ഉ​റ​ക്ക​ത്തി​ന്റെ അ​ന്ധ​കാ​ര​ത്തി​ൽ മു​ങ്ങി​യ ഏ​കാ​ന്ത നി​മി​ഷ​ങ്ങ​ളി​ൽ വ​ലി​യൊ​രു ആ​ശ്വാ​സ​വും പ്ര​തീ​ക്ഷ​യും ത​ന്നെ​യാ​ണ് സ്വ​പ്ന​ങ്ങ​ൾ. അ​തെ, നി​ങ്ങ​ളീ ഭൂ​മി​യി​ൽ ഇ​ല്ലാ​തി​രു​ന്നെ​ങ്കി​ൽ നി​ശ്ച​ലം, ശൂ​ന്യ​മീ ലോ​കം; ഒ​രു​പ​ക്ഷേ, മ​ര​ണം പോ​ലെ...!

.