'എ​െൻറ കോഴിയെ നിങ്ങൾ പകുത്തോളിൻ'; കോഴിപ്പങ്ക്​ പാടി ശ്രീനാഥ്​ ഭാസി

കെ സച്ചിദാനന്ദ​െൻറ 'കോഴിപ്പങ്ക്' എന്ന കവിതയെ ആസ്​പദമാക്കിയൊരുക്കിയ മ്യൂസിക് വിഡിയോ യൂട്യൂബിൽ റിലീസ്​ ചെയ്​തു. റൈറ്റിങ്​ കമ്പനിയുടെ ബാനറിൽ മുഹ്സിൻ പരാരി ആണ് 'കോഴിപ്പങ്ക്' നിർമ്മിച്ചിരിക്കുന്നത്​. ശേഖർ സംഗീതം ചിട്ടപ്പെടുത്തി, ശ്രീനാഥ് ഭാസി പാടിയ കോഴിപ്പങ്കിന് ദൃശ്യാവിഷ്കാരം നൽകിയിരിക്കുന്നത് അഭിലാഷ് കുമാർ ആണ്. ഡാ തടിയാ, 22 ഫിമെയിൽ കോട്ടയം തുടങ്ങിയ ചിത്രങ്ങളുടെ രചയിതാവ് ആണ് അഭിലാഷ് കുമാർ.

തിരിക്കഥാകൃത്തും സംവിധായകനുമായ മുഹ്സിൻ പരാരിയുടെ സംരംഭമായ ദ റൈറ്റിങ്​ കമ്പനിയുടെ ആദ്യത്തെ പ്രൊജക്റ്റ് ആണ് കോഴിപ്പങ്ക്. സലീം കുമാർ, ഇന്ദ്രൻസ് എന്നീ സിനിമാതാരങ്ങളോടൊന്നിച്ച് ശേഖർ തന്നെ സംഗീതം ചിട്ടപ്പെടുത്തുന്ന രണ്ട് പ്രൊജക്റ്റുകളാണ് അടുത്തതായി യൂട്യൂബിൽ റൈറ്റിങ്​ കമ്പനി അവതരിപ്പിക്കാനിരിക്കുന്നത്.

പ്രാഥമികമായ തിരക്കഥകൾ ഉൽപാദിപ്പിക്കുന്നതിലും അതിനെ അനുയോജ്യമായ പ്ലാറ്റ്ഫോമുകളിൽ എത്തിക്കുകയും ചെയ്യുന്നതിൽ ശ്രദ്ധ ചെലുത്തുന്ന ഒരു സംരംഭമായിരിക്കും റൈറ്റിങ്​ കമ്പനി. യൂട്യൂബ്​ പോലുള്ള പ്ലാറ്റ്ഫോമുകൾക്ക് പുറമെ ചലചിത്ര വ്യവസായത്തി​െൻറയും എഴുത്തി​െൻറയും എല്ലാ സാധ്യതകളിലും സംഭാവനകൾ അർപ്പിക്കാനാണ്​ കമ്പനി ഉദ്ദേശിക്കുന്നത്​. വിശ്വപ്രസിദ്ധിയുള്ള കവിയായ സച്ചിദാനന്ദ​െൻറ 'കോഴിപ്പങ്ക്' ജനപ്രിയ സംസ്കാരത്തിൽ അവതരിപ്പിക്കുക എന്നത്​ റൈറ്റിങ്​ കമ്പനിയുടെ ഒരു ലോഞ്ചിങ്​ പ്രൊജക്റ്റ് എന്ന നിലക്കാണ്​ കാണുന്നതെന്നും അണിയറ പ്രവർത്തകർ പറയുന്നു.