ഇമ്രാൻ ഖാന്​ ഗോപി സുന്ദറി​െൻറ സർപ്രൈസ്​ വിസിറ്റ്​; കൂടെ ആദ്യ ഗാനത്തിനുള്ള അഡ്വാൻസും

​െഎഡിയ സ്റ്റാർ സിങ്ങറിലൂടെ ശ്രദ്ധേയനായ ഗായകനാണ്​ ഇമ്രാൻ ഖാൻ. റിയാലിറ്റി ഷോയിലൂടെ പ്രശസ്​തി നേടിയെങ്കിലും പിന്നാലെ ജീവിത പ്രാരാബ്ധങ്ങളെ തുടർന്ന്​ മറ്റ്​ ജോലികളിൽ​ ഇമ്രാന്​ ശ്രദ്ധ കേന്ദ്രീകരിക്കേണ്ടി വന്നു. നിലവിൽ കൊല്ലത്ത്​ സ്വന്തം നാട്ടിൽ ഒാ​േട്ടാ ഒാടിച്ച്​ ജീവിക്കുകയാണ്​ ഇമ്രാൻ. ഇടക്ക്​ പാട്ടുകൾ പാടി സമൂഹ മാധ്യമങ്ങളിൽ പങ്കുവെച്ചതോടെ വീണ്ടും ചർച്ചാ വിഷയമായി.

യൂട്യൂബിൽ തരംഗമായ ഇമ്രാ​െൻറ വീഡിയോകൾ കണ്ട്​ ചില ആൽബങ്ങളിൽ അദ്ദേഹത്തിന്​ പാടാൻ അവസരങ്ങൾ ലഭിച്ചിരുന്നു. എന്നാൽ. പ്രശസ്​ത സംഗീത സംവിധായകൻ ഗോപി സുന്ദർ ഇമ്രാന്​ നൽകിയ സർപ്രൈസാണ്​ ഇപ്പോൾ യൂട്യൂബിൽ ട്രെൻറാവുന്നത്​. ഇൗയിടെ ഒരു ടെലിവിഷൻ പരിപാടിയിൽ പ​െങ്കടുത്തപ്പോൾ ഗോപി സുന്ദർ ഇമ്രാന്​ ഒരു ഗാനം പാടാൻ അവസരം നൽകാമെന്ന്​ വാഗ്​ദാനം ചെയ്​തിരുന്നു.

വാക്ക്​ പാലിക്കാൻ തീരുമാനിച്ച അദ്ദേഹം പക്ഷെ ആ സന്തോഷ വാർത്ത പറയാൻ തിരഞ്ഞെടുത്ത വഴി വ്യത്യസ്​തമായിരുന്നു. സ്വന്തം വാഹനത്തില്‍ സുഹൃത്തുക്കള്‍ക്കൊപ്പമായിരുന്നു ഗോപി സുന്ദര്‍ കൊല്ലത്തെത്തിയത്​. യാത്രക്കാരനായി ഇമ്രാന്‍ ഖാ​െൻറ ഓട്ടോയില്‍ കയറി. മാസ്‌കും തൊപ്പിയും ധരിച്ച യാത്രക്കാരനെ ഇമ്രാന്​ തിരിച്ചറിയാൻ കഴിഞ്ഞില്ല.

ഇടക്ക്​ ചായ കുടിക്കാന്‍ വാഹനം നിര്‍ത്തണമെന്ന് ആവശ്യപ്പെടുകയായിരുന്നു. ഓട്ടോ നിര്‍ത്തി യാത്രക്കാരൻ പുറത്തിറങ്ങിയപ്പോൾ സൗഹൃദ സംഭാഷം നടത്തുന്നതിനിടെ പേര് ചോദിച്ചു. പേര് കേട്ട് ഇമ്രാൻ അന്തംവിട്ടുപോയി. എന്തായാലും ഗാനം പാടുന്നതിനുള്ള അഡ്വാന്‍സുംകൈയ്യോടെ നൽകിയാണ്​ ഗോപി സുന്ദര്‍ മടങ്ങിയത്​.