Top
Begin typing your search above and press return to search.
exit_to_app
exit_to_app
Homechevron_rightEntertainmentchevron_rightMusicchevron_rightകോവിഡ്​...

കോവിഡ്​ അതിജീവനത്തിനായി മലയാളത്തിൽ പാടി... ''അതിജീവന സഹവർത്തന സഹനം മതി''

text_fields
bookmark_border
കോവിഡ്​ അതിജീവനത്തിനായി മലയാളത്തിൽ പാടി... അതിജീവന സഹവർത്തന സഹനം മതി
cancel

തൃശൂർ: ''ഒരുമിച്ച്​ നിൽക്കേണ്ട സമയം; ഇത്​ പൊരുതലി​െൻറ കരുതലി​െൻറ സമയം. ഭയസംക്രമങ്ങൾ വേണ്ട... അതിസാഹസ ചിന്ത വേണ്ട. അതിജീവന സഹവർത്തന സഹനം മതി''

ലോക്​ഡൗൺ തുടക്കത്തിലായിരുന്നു കോവിഡിനെക്കുറിച്ചുള്ള കവിയും സിനിമ ഗാനരചയിതാവുമായ റഫീഖ്​ അഹമ്മദി​െൻറ ഈ ​ അതിജീവന ഗാനം എസ്​.പി. ബാലസുബ്രഹ്​മണ്യം പാടിയത്​. ഒട്ടും നിനച്ചിരിക്കാതെയായിരുന്നു ആ ദൗത്യമെന്ന്​ റഫീഖ്​ അഹമ്മദ്​ ഓർത്തെടുക്കുന്നു.

ഒട്ടും പ്രതീക്ഷിക്കാതെയുള്ള ഒരു കോൾ. അപ്പുറത്ത്​ ബാലസുബ്രഹ്​മണ്യമെന്ന്​ വിന​യത്തോടെയുള്ള പതിഞ്ഞ ശബ്​ദം. അതിശയിച്ചുപോയെന്ന്​ റഫീഖ്​. വർഷങ്ങൾക്ക്​ മുമ്പ്​ റഫീഖ്​ അഹമ്മദ്​ സ്വച്​ഛ ഭാരതിന്​ വേണ്ടി എഴുതിയ ഗാനം എസ്​.പി.ബി പാടിയിരുന്നു. പിന്നീട്​ അധികം ഫോൺ വിളികളൊന്നും ഉണ്ടായിരുന്നില്ല.'' ജനം കോവിഡ്​ ഭീതിയിലാണല്ലോ; നമുക്ക്​ വെറുതെ ഇരിക്കാനാവില്ലല്ലോ; ഫേസ്​ബുക്ക്​ പേജിൽ കോവിഡ്​ കാലത്തെ​ അവബോധത്തൊടെ മറികടക്കാനായി ഒരു ഉദ്​ബോധന ഗാനം...'' ത​െൻറ ആവശ്യം റഫീഖിനെ അറിയിച്ചു. ഉടൻ ശരിയാക്കാമെന്ന്​ മറുപടി.

ദിവസങ്ങൾക്കകം തന്നെ ഗാനം എഴുതിനൽകിയെന്ന്​ റഫീഖ്​ അഹമ്മദ്​ ഓർക്കുന്നു. എസ്​.പി.ബി തന്നെയായിരുന്നു ആ ഗാനത്തിന്​ സംഗീതം നൽകിയത്​. ''ഗാനം അയച്ചുകൊടുത്തപ്പോൾ നന്ദി അറിയിച്ച്​ ഫോൺവിളിയെത്തി. അദ്ദേഹത്തെ നേരിട്ട്​ കണ്ടിട്ടില്ല. എന്നിട്ടും വർഷങ്ങളോളം പരിചയമുള്ള പോലെ അതിവിനയത്തോടെയായിരുന്നു സംസാരം.''- റഫീഖ്​ പറഞ്ഞു.

കോവിഡ്​ കാലത്തി​െൻറ തുടക്കം മുതൽ കോവിഡ്​ ബോധവൽകരണ പ്രവർത്തനങ്ങളുമായി സാമൂഹിക മാധ്യമങ്ങളിൽ സജീവമായിരുന്നു എസ്​.പി.ബി. ഒടുവിൽ ആ കോവിഡ്​ വൈറസുകളെ ഏറ്റുവാങ്ങുകയും ചെയ്​തു.

Show Full Article
TAGS:sp balasubrahmanyam spb musician Indian musician playback singer music Rafeeq Ahammed 
Next Story