ഗായകൻ അർജിത്​ സിങ്ങി​െൻറ മാതാവ്​ അന്തരിച്ചു

മുംബൈ: പ്രശസ്​ത ഗായകൻ അർജിത് സിങ്ങി​െൻറ മാതാവ് അതിഥി സിങ് (52) അന്തരിച്ചു. സെറിബ്രൽ സ്​ട്രോക്കിനെ തുടർന്ന്​ കൊൽക്കത്തയിലെ ധാകൂരിയയിലുള്ള സ്വകാര്യ ആശുപത്രിയിൽ വെച്ചായിരുന്നു അന്ത്യം. കോവിഡ് സ്ഥിരീകരിച്ച്​ ഗുരുതരാവസ്ഥയിലായ അതിഥി സിങ്ങിനെ കഴിഞ്ഞ മാസമായിരുന്നു ആശുപത്രിയിൽ പ്രവേശിപ്പിച്ചത്​. ദിവസങ്ങൾക്ക് മുൻപ് കോവിഡ് നെഗറ്റീവായിരുന്നെങ്കിലും സ്​ട്രോക്കിനെ തുടർന്നുള്ള സങ്കീർണതകൾ കാരണം ആശുപത്രിയിൽ തന്നെ തുടരുകയായിരുന്നു. ഇന്നലെ രാത്രി 11 മണിക്കാണ്​ മരണം സംഭവിച്ചത്​.

നടി സ്വാസ്തിക മുഖർജിയും ചലച്ചിത്ര നിർമാതാവ് ശ്രീജിത് മുഖർജിയുമാണ് അർജിത് സിങ്ങി​െൻറ മാതാവിനെ കോവിഡ് ബാധിച്ച് ആശുപത്രിയിൽ പ്രവേശിപ്പിച്ച വിവരം സമൂഹമാധ്യമങ്ങളിലൂടെ പുറത്തുവിട്ടത്. അതിഥി സിങ്ങിന് രക്തം ആവശ്യപ്പെട്ടായിരുന്നു സമൂഹമാധ്യമങ്ങളിൽ ഇവർ പോസ്റ്റ് ചെയ്തത്.