സ്​നേഹവിലാപമായി അൻട്രിൽ: തമിഴ് മൊഴിയിൽ മലയാളിക്കൂട്ടിൻെറ സംഗീതം

അൻട്രിൽ എന്നത് തമിഴ് പുരാണ സാഹിത്യത്തിൽ പല തവണ കടന്നുവരുന്ന പക്ഷിയാണ്. വേർപിരിയാനാകാത്ത അനശ്വര പ്രണയത്തിൻെറ പ്രതീകമാണത്​. ഇണയെ പിരിയുേമ്പാൾ അൻട്രിൽ വല്ലാത്ത ശബ്​ദത്തോടെ ഒരു കരച്ചിൽ പുറപ്പെടുവിക്കും. സ്നേഹത്തിെൻറ ആഴം വിളിച്ചറിയിക്കുന്ന വിലാപമാണത്. 'നീയില്ലാതെ ഞാനില്ലെന്ന' ആത്മരോദനം. ആ തിരിച്ചുവിളിക്കലിന് അക്ഷരങ്ങൾ കൊണ്ട് രാഗമാലചാർത്തുകയാണ് 'അൻട്രിൽ' എന്ന് പേരിട്ട തമിഴ് വീഡിയോ ഗാനത്തിലൂടെ ഒരു കൂട്ടം മലയാളികൾ.

ഈ ഗാനത്തിെൻറ സംഗീതം നിർവഹിച്ചതും പാടിയതും പാലക്കാട് സ്വദേശി ഗോവിന്ദ് മുരളിയാണ്. സംഗീതസംവിധായകൻ ബിജിപാലിെൻറ ചാനലായ ബോധി സൈലൻറ് സ്കേപ്പിലൂടെ ഗാനം റിലീസ് ചെയ്തതോടെ ആസ്വാദകർക്ക് പ്രിയപ്പെട്ടതാകുകയാണ് അൻട്രിൽ. നർത്തകിയായ കണ്ണുർ സ്വദേശിനി ദേവിക സജീവനാണ്​ ഗാനത്തിനൊത്ത് നൃത്തച്ചുവടുകളുമായി എത്തുന്നത്​.

കോഴിക്കോട്ടെ സ്​റ്റുഡിയോയിൽ ആയിരുന്നു ചിത്രീകരണം. വരികളെഴുതിയത് വി.ജെ. വേദരാമനാണ്​. ഗിത്താറും ബാസും- തൃശൂർ സ്വദേശി ആകാശ് എസ്. മേനോൻ, ഫ്ലൂട്ട്- അഞ്ജു അമ്പാട്ട്, പെർകുഷൻസ്, ചന്ദ്രജിത്ത്. ജിതിൻ ജയ്​ൻ ആണ്​ ഛായാഗ്രഹണം. ആകാശ്​ എസ്​. മേനോൻ തന്നെ എഡിറ്റിങും നിർവഹിച്ചു. ഗോവിന്ദ് മുരളിയുടെ ഭാര്യ ഭദ്രയാണ് ആർട് വർക്ക്. കെമിക്കൽ എൻജിനീയറായ ഗോവിന്ദ് മുരളി തന്നെയാണ് പ്രൊഡ്യൂസറും. ഇപ്പോൾ ടോക്കിയിലാണ് ഗോവിന്ദ്​ ജോലി ചെയ്യുന്നത്.