അവസാനിച്ചത്​ ഒരു യുഗം, സംഗീതവും ലോകവും ഇനി പഴയ പോലെയാകില്ല -കെ.എസ്​. ചിത്ര

അന്തരിച്ച ഗായകൻ എസ്​.പി. ബാലസുബ്രഹ്​മണ്യത്തിന്ന്​ ആദരാഞ്​ജലി അർപ്പിച്ച്​ ഗായിക കെ.എസ്​. ചിത്ര. 'അവസാനിക്കുന്നത്​ ഒരു യുഗമാണ്​. സംഗീതം ഇനി പഴയ പോലെയാകില്ല. ലോകവും ഇനി മുമ്പ​ത്തെ പോലെയാകില്ല. എന്നെ ഒരു മികച്ച ഗായികയാക്കാനുള്ള അദ്ദേഹത്തിൻെറ മാർഗദർശനത്തിന്​ നന്ദി പറയാൻ വാക്കുകൾ മതിയാകില്ല.

നിങ്ങളുടെ മഹത്തായ സാന്നിധ്യവും കൃപയുമില്ലാത്ത ഒരു സംഗീതകച്ചേരിയെക്കുറിച്ച് ചിന്തിക്കാൻ കഴിയില്ല. സാവിത്രി അമ്മ, ചരൺ പല്ലവി, മറ്റു കുടുംബാംഗങ്ങൾ എന്നിവർക്ക്​​ അനുശോചനവും പ്രാർത്ഥനയും. പ്രണാമം' -കെ.എസ്​. ചിത്ര ഫേസ്​ബുക്കിൽ കുറിച്ചു.