സ്വാതന്ത്ര്യ ദിനത്തിൽ 65 ഗായകർ ഒരുമിച്ച് പാടിയ 'തമിഴാ തമിഴാ' വൈറലാകുന്നു

സ്വാതന്ത്ര്യദിനത്തിൽ രാജ്യത്തെ പ്രശസ്തരായ 65 ഗായകർ ഒന്നിച്ചുപാടിയ ഗാനം വൈറലാകുന്നു. മണിരത്നം സംവിധാനം ചെയ്ത റോജ എന്ന സിനിമക്കുവേണ്ടി എ.ആർ റഹ്മാൻ ഈണമിട്ട 'തമിഴാ തമിഴാ' എന്ന ഗാനമാണ് ഗായകർ ഒരുമിച്ച് പാടുന്നത്. സോഷ്യൽ മീഡിയയിൽ പാട്ട് വൈറലായിക്കഴിഞ്ഞു.

പാട്ടിലെ തമിഴ് വരികൾ വൈരമുത്തുവും മലയാളം വരികൾ മങ്കൊമ്പ് ഗോപാലകൃഷ്ണനും ഹിന്ദി വരികൾ പി.കെ മിശ്രയും തെലുങ്ക് വരികൾ രാജശ്രീയുമാണ് രചിച്ചിരിക്കുന്നത്.

എസ്.പി ബാലസുബ്രഹ്മണ്യം, ശങ്കർ മഹാദേവൻ, ഹരിഹരൻ, കെ.എസ് ചിത്ര, സുജാത, കാർത്തിക്, കൃഷ്ണചന്ദ്രൻ, മനോ, നരേഷ് അയ്യർ, ജി വേണുഗോപാൽ, ശ്രീനിവാസ്, ഉണ്ണികൃഷ്ണൻ, വിജയ് യേശുദാസ് തുടങ്ങിയവരുൾപ്പെടെ അറുപത്തിയഞ്ചോളം ഗായകരാണ് ഈ പാട്ടിനുവേണ്ടി ഒന്നിച്ചത്.