മി​ത്തു​ക​ളു​ടെ ലോ​ക​ത്തേ​ക്ക് ഊ​ളി​യി​ടാം

1989ൽ ​റി​ലീ​സ് ചെ​യ്ത അനി​മേ​ഷ​ൻ ചി​ത്രം ‘ദ ​ലി​റ്റി​ൽ മെ​ർ​മെ​യ്ഡ്’ സി​നി​മ​യു​ടെ ലൈ​വ് ആ​ക്ഷ​ൻ അ​ഡാ​പ്റ്റേ​ഷ​നു​മാ​യി വാ​ൾ​ട്ട് ഡി​സ്നി പ്രൊ​ഡ​ക്ഷ​ൻ.

സ​മു​ദ്ര​ത്തി​ന്‍റെ ആ​ഴ​ങ്ങ​ളി​ലേ​ക്ക് ഇ​റ​ങ്ങി​പ്പോ​യ ടൈ​റ്റാ​നി​ക്കി​നെ​ക്കു​റി​ച്ച് ഇ​ന്നും കേ​ൾ​ക്കു​മ്പോ​ൾ ആ​രും കാ​ത് കൂ​ർ​പ്പി​ച്ചി​രി​ക്കും. ടൈ​റ്റാ​നി​ക് ദു​ര​ന്ത​ത്തെ അ​ത്ര​മേ​ൽ മ​നു​ഷ്യ​ന്‍റെ മ​ന​സ്സി​ൽ സ്പ​ർ​ശി​ച്ച​ത് ജെ​യിം​സ് കാ​മ​റൂ​ൺ ‘ടൈ​റ്റാ​നി​ക്’ സി​നി​മ ഒ​രു​ക്കി​യ​തി​ന് ശേ​ഷ​മാ​ണ്. ക​ട​ലി​നെ പ​ശ്ചാ​ത്ത​ല​മാ​ക്കി ഒ​ട്ടേ​റെ സി​നി​മ​ക​ൾ ഒരുങ്ങിയി​ട്ടു​ണ്ടെ​ങ്കി​ലും അ​തി​ലെ പ​രീ​ക്ഷ​ണ​ങ്ങ​ൾ​ക്ക് അ​വ​സാ​ന​മാ​യി​ട്ടി​ല്ല. സ​മു​ദ്ര സി​നി​മ വി​ഭാ​ഗ​ത്തി​ലേ​ക്കൊ​രു പ​രീ​ക്ഷ​ണ​വു​മാ​യി എ​ത്തി​യി​രി​ക്കു​ക​യാ​ണ് വാ​ൾ​ട്ട് ഡി​സ്നി പ്രൊ​ഡ​ക്ഷ​ൻ. മ​ത്സ്യ​ക​ന്യ​ക​യാ​ണ് വി​ഷ​യം. അ​തി​ൽ​ത​ന്നെ പ്ര​ണ​യ​വും ഇ​ഴ​ചേ​ർ​ത്താ​ണി​ത് ഒ​രു​ക്കി​യ​ത്. സി​നി​മ പ​ഴ​യ​താ​ണെ​ങ്കി​ലും പു​തി​യ രീ​തി​യി​ലു​ള്ള മേ​ക്കി​ങ്ങാ​ണ് പ്ര​ത്യേ​ക​ത.

1989ലാ​ണ് ‘ദ ​ലി​റ്റി​ൽ മെ​ർ​മെ​യ്ഡ്’ എ​ന്ന പേ​രി​ൽ അനി​മേ​ഷ​ൻ ചി​ത്രം ഡി​സ്നി റി​ലീ​സ് ചെ​യ്ത​ത്. പി​ന്നീ​ട് 34 വ​ർ​ഷ​ങ്ങ​ൾ​ക്കു ശേ​ഷം അ​തി​ന്റെ ലൈ​വ് ആ​ക്ഷ​ൻ അ​ഡാ​പ്റ്റേ​ഷ​നു​മാ​യാ​ണ് ഡി​സ്നി വീ​ണ്ടും എ​ത്തി​യ​ത്. 2023 മേ​യി​ലാ​ണ് ലോ​ക​ത്താ​കെ സി​നി​മ റി​ലീ​സ് ചെ​യ്ത​ത്. ഹാ​ലെ ബെ​യ് ലി ​പ്ര​ധാ​ന വേ​ഷ​ത്തി​ലെ​ത്തി​യ സി​നി​മ​യു​ടെ സം​വി​ധാ​നം നി​ർ​വ​ഹി​ച്ച​ത് ക​രീ​ബി​യ​ൻ കൊ​ള്ള​ക്കാ​രെ​ക്കു​റി​ച്ചു​ള്ള സി​നി​മ​യെ​ടു​ത്ത റോ​ബ് മാ​ർ​ഷ​ലാ​ണ്. ഡേ​വി​ഡ് മാ​ഗീ, ഹാ​ൻ​സ് ക്രി​സ്റ്റ്യ​ൻ ആന്റേഴ്സൺ, ജോ​ൺ മ​സ​ക​ർ എ​ന്നി​വ​രാ​ണ് ര​ച​ന നി​ർ​വ​ഹി​ച്ച​ത്.

ലോ​ക​ത്ത് പ​ല​തും മി​ത്തു​ക​ളാ​ണ​ല്ലോ എ​ന്ന് പ​റ​യു​ന്ന​പോ​ലെ മ​ത്സ്യ​ക​ന്യ​ക​യും മ​നു​ഷ്യ​നും ത​മ്മി​ലു​ള്ള പ്ര​ണ​യ​ത്തെ​ക്കു​റി​ച്ചു​ള്ള മി​ത്തു​ക​ൾ പ​ണ്ടു മു​ത​ലേ പ​റ​ഞ്ഞു​കേ​ൾ​ക്കു​ന്നു​ണ്ട്. ക​ട​ലി​ന്റെ അ​ടി​യി​ലെ ലോ​ക​ത്ത് മ​നു​ഷ്യ​ന്റെ ഉ​ട​ലും അ​ര ഭാ​ഗം മു​ത​ൽ മ​ത്സ്യ​ത്തി​ന്റെ ആ​കൃ​തി​യു​മു​ള്ള ജീ​വി​ക​ൾ പ​ല​രും യ​ഥാ​ർ​ഥ​ത്തി​ൽ​പോ​ലും ക​ണ്ടു​വെ​ന്ന് അ​വ​കാ​ശ​പ്പെ​ടാ​റു​ണ്ട്. എ​ന്നാ​ൽ, സ​ത്യ​മെ​ന്തെ​ന്ന​ത് ഇ​ന്നും ഒ​രു മി​ത്താ​ണ്.

വാ​ൾ​ട്ട് ഡി​സ്നി പ്രൊ​ഡ​ക്ഷ​ൻ ക​മ്പ​നി അ​തു​കൊ​ണ്ടു​ത​ന്നെ​യാ​ണ് ലോ​ക​മൊ​ട്ടാ​കെ​യു​ള്ള ഫി​ക്ഷ​ൻ പ്രേ​മി​ക​ൾ​ക്കു​വേ​ണ്ടി അ​തേ വി​ഷ​യ​ത്തി​ൽ സി​നി​മ​യും ചെ​യ്ത​ത്. ടെ​ക്നോ​ള​ജി​യി​ൽ വ​ന്ന മാ​റ്റ​ങ്ങ​ൾ സി​നി​മ​ക്കു​ണ്ടാ​ക്കി​യ മാ​റ്റ​ങ്ങ​ളാ​ണ് എ​ടു​ത്തു​പ​റ​യാ​നു​ള്ള​ത്. ര​ച​നാ​പ​ര​മാ​യ കാ​ര്യ​ങ്ങ​ളൊ​ന്നും അ​ത്ര പു​തി​യ​ത​ല്ല.

ഏ​തൊ​രു പ്ര​ണ​യ ക​ഥ​യെ​യും പോ​ലെ ത​നി​ക്ക് അ​പ്രാ​പ്യ​മാ​യ ഒ​ന്നി​ന് വേ​ണ്ടി​യു​ള്ള കാ​ത്തി​രി​പ്പ്, അ​തി​ലേ​ക്കു​ള്ള പ്ര​ധാ​ന ക​ഥാ​പാ​ത്ര​ത്തി​ന്റെ യാ​ത്ര, അ​തി​നു ത​ട​സ്സ​മാ​യി നി​ൽ​ക്കു​ന്ന എ​തി​ർ ക​ഥാ​പാ​ത്ര​ങ്ങ​ൾ, ഒ​ടു​വി​ൽ എ​ല്ലാ​ത്തി​നെ​യും അ​തി​ജീ​വി​ക്കു​ന്ന നാ​യ​ക​നും നാ​യി​ക​യും, ഈ ​രീ​തി​ത​ന്നെ​യാ​ണ് ഈ ​സി​നി​മ​യി​ലു​മു​ള്ള​ത്.

എ​ന്നാ​ൽ, ഒ​രു മ്യൂ​സി​ക്ക​ൽ പ്ര​ണ​യ​കാ​വ്യം കാ​ണാം എ​ന്ന ചി​ന്ത​യി​ലൂ​ടെ​യാ​ണെ​ങ്കി​ൽ ആ​രും ഇ​തി​ൽ ല​യി​ച്ചി​രു​ന്ന് പോ​കും. മ്യൂ​സി​ക്ക​ൽ ചി​ത്ര​മാ​യ​തു​കൊ​ണ്ടു​ത​ന്നെ സം​ഗീ​ത​ത്തി​ന്റെ തു​ടി​പ്പു​ക​ൾ തു​ട​ക്കം മു​ത​ൽ ഒ​ടു​ക്കം വ​രെ ക​ഥ​യു​ടെ കാ​വ്യ​ഭം​ഗി കൂ​ട്ടു​ന്നു​ണ്ട്. ഡി​സ്നി​യു​ടെ ചി​ത്ര​ങ്ങ​ൾ എ​ല്ലാം എ​ല്ലാ പ്രാ​യ​ക്കാ​രെ​യും ഒ​രു​പോ​ലെ ആ​ക​ർ​ഷി​ക്കു​ക​ പതിവാണ്. ഈ സിനിമകൾ ക​ഥ കൊ​ണ്ടും സാ​ങ്കേ​തി​ക മി​ക​വ് കൊ​ണ്ടും മു​ന്നി​ലാ​ണ്. അ​തു​കൊ​ണ്ടു​ത​ന്നെ ഡി​സ്നി ചി​ത്ര​ങ്ങ​ൾ ഇ​റ​ങ്ങാ​നാ​യി കാ​ത്തി​രി​ക്കു​ന്ന​ത് കോ​ടി​ക്ക​ണ​ക്കി​നു​ള്ള സി​നി​മാ​പ്രേ​മി​ക​ളാ​ണ്.