സിനിമാരംഗത്തെ സ്ത്രീപ്ര​ശ്നം: പരിശോധിക്കാൻ സമിതി

തി​രു​വ​ന​ന്ത​പു​രം: സി​നി​മാ​രം​ഗ​ത്ത്​ പ്ര​വ​ർ​ത്തി​ക്കു​ന്ന സ്ത്രീ​ക​ൾ നേ​രി​ടു​ന്ന പ്ര​ശ്ന​ങ്ങ​ൾ പ​ഠി​ച്ച്​ ര​ണ്ടു​വ​ർ​ഷം മു​മ്പ്​ ജ​സ്റ്റി​സ് ഹേ​മ ക​മീ​ഷ​ൻ സ​മ​ർ​പ്പി​ച്ച ശി​പാ​ർ​ശ​ക​ൾ ന​ട​പ്പാ​ക്കു​ന്ന​ത്​ പ​രി​ശോ​ധി​ക്കാ​ൻ സ​ർ​ക്കാ​ർ മൂ​ന്നം​ഗ സ​മി​തി​യെ നി​യോ​ഗി​ച്ചു. റി​പ്പോ​ർ​ട്ട്​ പു​റ​ത്തു​വി​ടാ​ത്ത​ത്​ സം​ബ​ന്ധി​ച്ച്​ വി​വാ​ദ​മു​യ​രു​ന്ന സാ​ഹ​ച​ര്യ​ത്തി​ലാ​ണ്​ സ​ർ​ക്കാ​ർ ന​ട​പ​ടി.

ച​ല​ച്ചി​ത്ര അ​ക്കാ​ദ​മി സെ​ക്ര​ട്ട​റി, സാം​സ്കാ​രി​ക വ​കു​പ്പി​ലെ അ​ണ്ട​ര്‍ സെ​ക്ര​ട്ട​റി, നി​യ​മ​വ​കു​പ്പി​ലെ അ​ണ്ട​ർ സെ​ക്ര​ട്ട​റി എ​ന്നി​വ​രാ​ണ് അം​ഗ​ങ്ങ​ൾ. റി​പ്പോ​ര്‍ട്ട് ന​ട​പ്പാ​ക്കു​ന്ന​തു​മാ​യി ബ​ന്ധ​പ്പെ​ട്ട അ​ഭി​പ്രാ​യ​ങ്ങ​ൾ ഓ​രോ അം​ഗ​വും പ്ര​ത്യേ​കം സ​മ​ർ​പ്പി​ക്ക​ണ​മെ​ന്നാ​ണ്​​ നി​ർ​ദേ​ശം. സി​നി​മാ മേ​ഖ​ല​യി​ല്‍ വ​രു​ത്തേ​ണ്ട മാ​റ്റ​ങ്ങ​ൾ സം​ബ​ന്ധി​ച്ച ശി​പാ​ർ​ശ ച​ല​ചി​ത്ര അ​ക്കാ​ദ​മി സെ​ക്ര​ട്ട​റി​യും സാം​സ്കാ​രി​ക വ​കു​പ്പും പ​രി​ശോ​ധി​ക്കും.

നി​യ​മ​പ​ര​മാ​യ പ്ര​ശ്ന​ങ്ങ​ൾ നി​യ​മ​വ​കു​പ്പി​ന്‍റെ ശ്ര​ദ്ധ​യി​ൽ​പെ​ടു​ത്തും. നി​യ​മ​നി​ർ​മാ​ണ സാ​ധ്യ​ത​ക​ളാ​ണ് നി​യ​മ​വ​കു​പ്പ് പ്ര​ധാ​ന​മാ​യും പ​രി​ശോ​ധി​ക്കു​ക. ട്രൈ​ബ്യൂ​ണ​ൽ രൂ​പ​വ​ത്​​ക​രി​ക്കു​മ്പോ​ൾ ഇ​പ്പോ​ഴു​ള്ള ക​മീ​ഷ​നു​ക​ളു​മാ​യോ നി​യ​മ​വേ​ദി​ക​ളു​മാ​യോ സാ​മ്യ​മു​ണ്ടാ​കാ​തി​രി​ക്കാ​നാ​ണ് നി​യ​മ​വ​കു​പ്പി​ന്‍റെ പ​രി​ശോ​ധ​ന. മൂ​ന്ന്​ അം​ഗ​ങ്ങ​ളു​ടെ​യും അ​ഭി​പ്രാ​യം അ​റി​ഞ്ഞ​ശേ​ഷം സ​ർ​ക്കാ​ർ തീ​രു​മാ​ന​മെ​ടു​ക്കും. റി​പ്പോ​ർ​ട്ട് സ​മ​ർ​പ്പി​ക്കാ​ൻ സ​മ​യ​പ​രി​ധി നി​ശ്ച​യി​ച്ചി​ല്ലെ​ന്നും അ​ടി​യ​ന്ത​ര​മാ​യി ന​ൽ​കാ​നാ​ണ് ആ​വ​ശ്യ​പ്പെ​ട്ട​തെ​ന്നും സ​ർ​ക്കാ​ർ വൃ​ത്ത​ങ്ങ​ൾ വ്യ​ക്ത​മാ​ക്കി.

2019 ഡി​സം​ബ​ർ 31നാ​ണ്​ ഹേ​മ ക​മീ​ഷ​ൻ 300 ല​ധി​കം പേ​ജു​ക​ളു​ള്ള റി​പ്പോ​ർ​ട്ട് സ​ർ​ക്കാ​റി​ന്​ സ​മ​ർ​പ്പി​ച്ച​ത്. ഇ​തി​ൽ ര​ണ്ടു​വ​ർ​ഷം ക​ഴി​ഞ്ഞി​ട്ടും ന​ട​പ​ടി സ്വീ​ക​രി​ച്ചി​ല്ല. സി​നി​മ മേ​ഖ​ല​യി​ലെ പ്ര​ശ്​​ന​ങ്ങ​ൾ ചൂ​ണ്ടി​ക്കാ​ട്ടി​യു​ള്ള നി​ര​വ​ധി ശി​പാ​ർ​ശ​ക​ൾ റി​പ്പോ​ർ​ട്ടി​ലു​ള്ള​താ​യാ​ണ്​ പ​റ​യ​പ്പെ​ട്ട​തെ​ങ്കി​ലും വി​ശ​ദാം​ശ​ങ്ങ​ൾ പു​റ​ത്തു​വ​രാ​ത്ത​ത്​ അ​ഭ്യൂ​ഹ​ങ്ങ​ൾ​ക്കി​ട ന​ൽ​കി.