Begin typing your search above and press return to search.
proflie-avatar
Login
exit_to_app
exit_to_app
Homechevron_rightEntertainmentchevron_rightMovie Newschevron_rightപ്രീസ്റ്റിൽ...

പ്രീസ്റ്റിൽ 'കണ്ണുവച്ച്'​ കുഞ്ഞിക്ക; ഈ അച്ഛനാണ്​ അച്ചനെന്ന്​ ആരാധകർ

text_fields
bookmark_border
പ്രീസ്റ്റിൽ കണ്ണുവച്ച്​ കുഞ്ഞിക്ക; ഈ അച്ഛനാണ്​ അച്ചനെന്ന്​ ആരാധകർ
cancel

മെഗാസ്റ്റാർ മമ്മൂട്ടിയും ലേഡി സൂപ്പർസ്റ്റാർ മഞ്​ജുവാര്യറും ആദ്യമായി ഒന്നിക്കുന്ന മലയാള സിനിമയാണ്​ 'ദി പ്രീസ്റ്റ്'. ​നവാഗതനായ ജോഫിൻ ടി ച​ാക്കോ എഴുതി സംവിധാനം ചെയ്യുന്ന സിനിമ പുതുവർഷത്തിൽ തിയറ്ററുകളിൽ എത്തുമെന്നാണ്​ പ്രതീക്ഷിക്കപ്പെടുന്നത്​. ചിത്രത്തിന്‍റെ പുതിയ പോസ്റ്റർ കഴിഞ്ഞ ദിവസം നടൻ മമ്മൂട്ടി സമൂഹമാധ്യമങ്ങളിൽ പങ്കുവച്ചിരുന്നു. താടിനീട്ടി കോട്ടണിഞ്ഞ്​ കണ്ണടയും തൊപ്പിയുംവച്ച്​ നിൽക്കുന്ന മമ്മൂട്ടിയെയാണ്​ പോസ്റ്ററിൽ കാണുന്നത്​. പങ്കുവച്ച്​ അൽപ്പസമയത്തിനകം പോസ്റ്റർ വൈറലായി.


മമ്മൂട്ടിയുടെ മകനും നടനുമായ ദുൽഖറും ഇതേ ചിത്രം പങ്കുവച്ചിരുന്നു. ദുൽഖർ സമൂഹമാധ്യമങ്ങളിൽ കുറിച്ച വാക്കുകളും ആരാധകർ ഏറ്റെടുത്തിട്ടുണ്ട്​. 'വളരെ കൗതുകകരമായി തോന്നുന്നു! എന്തൊരു കൂൾലുക്ക്​! വലിയ സ്‌ക്രീനിൽ ഈ സിനിമ കാണാൻ കാത്തിരിക്കുന്നു. ദി പ്രീസ്റ്റിന്‍റെ മുഴുവൻ ടീമിനും എല്ലാ ആശംസകളും'-ദുൽഖർ കുറിച്ചു.'ഈ അച്ഛൻ നമ്മളെ ഞെട്ടിക്കും' പോസ്റ്റിന്​ താഴെ ഒര​ു ആരാധകൻ കുറിച്ചു.

'കണ്ടാൽ കരുതും ഹോളിവുഡ് സിനിമയാണെന്ന് പക്ഷെ ക്ഷമിക്കണം ഇത് കൊച്ചു കേരളത്തിൽ നിന്നും വരുന്ന വലിയ സിനിമയാണ്'-മറ്റൊരാൾ എഴുതുന്നു. പുതുവർഷത്തിൽ ആരാധകർ പ്രതീക്ഷയോടെ കാത്തിരിക്കുന്ന മറ്റൊരു ചിത്രമാണ്​ ദുൽഖറിന്‍റെ 'കുറുപ്പ്​'. ത്രില്ലർ വിഭാഗത്തിൽപെടുന്ന സിനിമയിൽ ക്രിസ്​ത്യൻ പാതിരിയായാണ്​ മമ്മൂട്ടി വേഷമിടുന്നതെന്നാണ്​ സൂചന.നേരത്തേ സംവിധായകൻ ജോഫിൻ ടി ച​ാക്കോ സിനിമയിൽ മമ്മൂട്ടിക്കും മഞ്​ജുവാര്യർക്കും ഒപ്പം ജോലി ചെയ്യുന്നതിന്‍റെ അനുഭവം പങ്കുവച്ചിരുന്നു.

'അവരെ സംവിധാനം ചെയ്യുകയെന്നത് പ്രത്യേക അനുഭവമായിരുന്നു. പ്രത്യേകിച്ചും അവർ ആദ്യമായി ഒരുമിച്ച് അഭിനയിക്കു​േമ്പാൾ, അതും എന്‍റെ ആദ്യ സിനിമയിൽ. നിരവധി മോളിവുഡ് സിനിമാ പ്രവർത്തകരും ആരാധകരും അവരെ സ്‌ക്രീനിൽ ഒരുമിച്ച് കൊണ്ടുവരാൻ ആഗ്രഹിച്ചിരുന്നു. ഈ സിനിമയിൽ ഇത് സംഭവിച്ചത് അനുഗ്രഹമായി കരുതുന്നു. മഞ്ജു മാഡം ഈ പ്രത്യേക കഥാപാത്രത്തെ അവതരിപ്പിച്ചാൽ വളരെ മികച്ചതായിരിക്കുമെന്ന് നിർമ്മാതാക്കളും ഞാനും കരുതി. അങ്ങനെയാണ് ഞങ്ങൾ അവരെ സമീപിച്ചത്'-​ജോഫിൻ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:dulquer salmanThe Priest
Next Story