മാമാങ്കത്തിന് ശേഷം മറ്റൊരു ബിഗ് ബജറ്റ് മമ്മൂട്ടി ചിത്രമൊരുക്കാൻ വേണു കുന്നപ്പിള്ളി
text_fields
എം പദ്മകുമാർ സംവിധാനം ചെയ്ത മാമാങ്കം എന്ന ചിത്രത്തിന് ശേഷം മമ്മൂട്ടിയെ നായകനാക്കി പുതിയ ചിത്രം നിർമിക്കാനൊരുങ്ങി വേണു കുന്നപ്പിള്ളി. വലിയ ബജറ്റിലൊരുങ്ങുന്ന പുതിയ ചിത്രവുമായി ബന്ധപ്പെട്ട് മമ്മൂട്ടിയുമായുള്ള ചർച്ചയും വേണു ആരംഭിച്ചുകഴിഞ്ഞു. നിര്‍മാതാവ് ആേൻറാ ജോസഫാണ് ഇതുസംബന്ധിച്ച് വിവരം സമൂഹ മാധ്യമങ്ങളിലൂടെ പുറത്തുവിട്ടിരിക്കുന്നത്.
അഭിനയ ജീവിതത്തില്‍ 50 വര്‍ഷം പൂര്‍ത്തിയാക്കിയതിന് അഭിനന്ദനവുമായി കഴിഞ്ഞ ദിവസം ബി.ജെ.പി സംസ്ഥാന അധ്യക്ഷന്‍ കെ. സുരേന്ദ്രന്‍ മമ്മൂട്ടിയുടെ വീട്ടിലെത്തിയിരുന്നു. ഈ സമയം വേണുവും മമ്മൂട്ടിയുടെ വീട്ടിലുണ്ടായിരുന്നു. മൂന്നുപേരും ഒരമിച്ചുള്ള ചിത്രം സമൂഹ മാധ്യമങ്ങളിൽ പ്രചരിക്കുകയും ചെയ്തു.
'അഭിനയജീവിതത്തിലെ അരനൂറ്റാണ്ട് പൂര്‍ത്തീകരിച്ച മമ്മൂക്കയെ അനുമോദിക്കാന്‍ ബി.ജെ.പി സംസ്ഥാന അധ്യക്ഷന്‍ കെ. സുരേന്ദ്രന്‍ എത്തിയപ്പോള്‍ മലയാളത്തിലെ ഏറ്റവും മുതല്‍ മുടക്കുള്ള മമ്മൂട്ടി ചിത്രത്തിെൻറ നിര്‍മാതാവ് വേണു കുന്നപ്പിള്ളിയും (കാവ്യാ ഫിലിംസ്) ചേര്‍ന്നെടുത്തൊരു ഫോട്ടോ. മമ്മൂക്കയോടൊപ്പമുള്ള അടുത്ത ബിഗ് ബഡ്ജറ്റ് ചിത്രത്തിെൻറ പ്രാരംഭ ചര്‍ച്ചകള്‍ക്ക് എത്തിയതായിരുന്നു വേണു കുന്നപ്പിള്ളി.' -എന്നായിരുന്നു ആേൻറാ ജോസഫ് ഫേസ്ബുക്കിൽ കുറിച്ചത്.