Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightEntertainmentchevron_rightMovie Newschevron_rightലോകത്തെ ഏറ്റവും...

ലോകത്തെ ഏറ്റവും പേടിപ്പെടുത്തുന്ന ഹൊറർ സിനിമ കണ്ടെത്തി ഗവേഷകർ

text_fields
bookmark_border
ലോകത്തെ ഏറ്റവും പേടിപ്പെടുത്തുന്ന ഹൊറർ സിനിമ കണ്ടെത്തി ഗവേഷകർ
cancel

പ്രേത സിനിമകൾ ഇഷ്​ടമില്ലാത്തവർ ചുരുക്കമായിരിക്കും. അങ്ങ്​ ഹോളിവുഡ്​ മുതൽ ഇങ്ങ്​ മോളിവുഡ്​ വരെ സൂപ്പർഹിറ്റുകളായ ഒരുപാട്​ ​ഹൊറർ സിനിമകളുണ്ട്​. മലയാളത്തിൽ ആകാശഗംഗയും ഇൗയടുത്തിറങ്ങിയ എസ്രയുമൊക്കെ ജനങ്ങൾ ഭയത്തോടെ ഇരുകൈയ്യും നീട്ടി സ്വീകരിച്ചവയാണ്​​.

ഏറ്റവും പേടിപ്പെടുത്തുന്ന പ്രേത സിനിമയേതാണെന്ന്​ അറിയാൻ കൗതുകമുണ്ടോ...? പേടി എന്നത്​ ഒാരോരുത്തർക്കും പലതിനോടായതിനാൽ ലോക സിനിമാ ചരിത്രത്തിലെ ഏറ്റവും പേടിപ്പെടുത്തുന്ന ചിത്രമേതാണെന്ന്​ കണ്ടെത്തുക ബുദ്ധിമുട്ടായിരിക്കും. എന്നാൽ, ശാസ്ത്രം​ ഉപയോഗിച്ച്​ എന്തെങ്കിലുമൊരു ഉത്തരം നമുക്ക്​ കണ്ടെത്താൻ കഴിയും.

ഇൗയിടെ ബ്രോഡ്​ബാൻഡ്​ ചോയ്​സസ്​ എന്ന ബ്രിട്ടീഷ്​ കമ്പനി ഏറ്റവും ഭയാനകമായ സിനിമയേതാണെന്ന്​ കണ്ടെത്താനായി ഒരു ശാസ്​ത്രീയ പഠനം തന്നെ നടത്തി. 50 പേരെ പങ്കെടുപ്പിച്ച്​ ഒാരോരുത്തരുടേയും ഹൃദയമിടിപ്പിനെ അടിസ്ഥാനമാക്കിയാണ്​ വിശദമായ പഠനം. കാണാനായി 1973ൽ ഇറങ്ങിയ The Exorcist, 2003ലെ The Ring തുടങ്ങിയ നിരവധി സിനിമകൾ തെരഞ്ഞെടുത്തു.


ഗവേഷണത്തിന്​ മുന്നിട്ടിറങ്ങിയവർ ഒടുവിൽ അത്​ കണ്ടെത്തി. 2012ൽ പുറത്തിറങ്ങിയ 'സിനിസ്റ്റർ'(Sinister) ആയിരുന്നു കാഴ്​ച്ചക്കാരിൽ ഭയങ്കരമായ ഭീതി വിതച്ച സിനിമ​. സ്​കോട്ട്​ ഡിക്കിൻസൺ ചിത്രമായ സിനിസ്റ്റർ തെരഞ്ഞെടുക്കാൻ ഗവേഷകർക്ക്​ കാരണങ്ങളുമുണ്ട്​. സിനിമ പ്രദർശിപ്പിക്കുന്നതിന്​ മുമ്പുള്ള 50 പേരുടെ ശരാശരി റെസ്റ്റിങ്​ ഹൃദയമിടിപ്പ്​ 65 ബീറ്റ്​സ്​ പെർ മിനിറ്റായിരുന്നു. സിനിമ ആരംഭിച്ചതുമുതൽ എല്ലാവരുടേയും ശരാശരി ഹൃദയമിടിപ്പ്​ 85 bpm ആയി ഉയർന്നു. സിനിസ്റ്റർ കണ്ടുകൊണ്ടിരിക്കവേ ഏറ്റവും പേടിച്ച ഒരാളുടെ ഹാർട്ട്​ റേറ്റ്​ 131 ബീറ്റ്​സ്​ പെർ മിനിറ്റാണ്​.


എന്നാൽ, ആളുകൾ ഏറ്റവും കൂടുതൽ പേടിച്ച രംഗമുള്ള സിനിമ 2010ൽ പുറത്തിറങ്ങിയ ഇൻസിഡ്യസാണ് (Insidious)​. അതേസമയം ഹൃദയമിടിപ്പുകളുടെ എണ്ണം അളന്ന്​ ആളുകളുടെ പേടിക്ക്​ മാർക്കിട്ടപ്പോൾ 'സിനിസ്റ്റർ' തുടക്കം മുതൽ അവസാനം വരെ കണ്ടവരിൽ എല്ലാവരും പരമാവധി പേടിച്ചതായി കണ്ടെത്തുകയായിരുന്നു. നിലവിൽ നെറ്റ്​ഫ്ലിക്​സിൽ സ്​ട്രീം ചെയ്യുന്ന സിനിമ തിയറ്ററിലും വലിയ വിജയമായിരുന്നു.

Show Full Article
TAGS:Horror Movie Scariest Horror-Movie 
Web Title - This Is the Scariest Horror-Movie of All Time
Next Story