Begin typing your search above and press return to search.
exit_to_app
exit_to_app
Homechevron_rightEntertainmentchevron_rightMovie Newschevron_rightവിജയ്​ മുഖ്യമന്ത്രിയെ...

വിജയ്​ മുഖ്യമന്ത്രിയെ കണ്ടു; തിയറ്ററുകൾ പൂർണമായി തുറക്കുമെന്ന്​ തമിഴ്​നാട്​

text_fields
bookmark_border
വിജയ്​ മുഖ്യമന്ത്രിയെ കണ്ടു; തിയറ്ററുകൾ പൂർണമായി തുറക്കുമെന്ന്​ തമിഴ്​നാട്​
cancel

നടൻ വിജയുമായി നടത്തിയ കൂടിക്കാഴ്​ച്ചക്ക്​പിന്നാ​ലെ തിയറ്ററുകൾ പൂർണമായി തുറക്കുമെന്ന്​ പ്രഖ്യാപനവുമായി തമിഴ്​നാട്​ സർക്കാർ. നൂറ്​ ശതമാനം ഇരിപ്പിടങ്ങളും ഉപയോഗിച്ചുകൊണ്ടായിരിക്കും തിയറ്ററുകൾ പ്രവർത്തിക്കുക. തിങ്കളാഴ്ചയാണ്​ ഇതുസംബന്ധിച്ച്​ അനുമതി നൽകിയത്​.


'ഇതിനകം പുറത്തിറക്കിയ പകർച്ചവ്യാധി നടപടിക്രമങ്ങൾ പാലിച്ച് സിനിമ തിയറ്ററുകൾ മൾട്ടിപ്ലക്സുകൾ എന്നിവയുടെ ഇരിപ്പിട ശേഷി ആയി വർധിപ്പിക്കാൻ അനുവദിക്കും. കൂടാതെ കാണികളിൽ അവബോധം സൃഷ്ടിക്കുന്നതിന്​ കോവിഡ് 19 നുള്ള മുൻകരുതൽ നടപടികൾ ഷോടൈമിൽ പ്രദർശിപ്പിക്കും' -തമിഴ്​നാട്​ സർക്കാർ തിങ്കളാഴ്ച പുറപ്പെടുവിച്ച ഉത്തരവിൽ പറയുന്നു.

കോവിഡ് മാർഗ്ഗനിർദ്ദേശങ്ങളിൽ ആഭ്യന്തര മന്ത്രാലയം ഇളവ് അനുവദിച്ചതിനെത്തുടർന്ന് തമിഴ്‌നാട്ടിലെ തിയറ്ററുകൾ, മൾട്ടിപ്ലക്‌സുകൾ എന്നിവ നവംബർ 10 മുതൽ തുറക്കാൻ അനുവദിച്ചിരുന്നു. അന്ന്​ 50 ശതമാനം സീറ്റുകൾ മാത്രമാണ്​ അനുവദിച്ചിരുന്നത്​. പുതിയ തീരുമാനത്തോടെ 100 ശതമാനം ഇരിപ്പിടം അനുവദിക്കുന്ന ആദ്യ സംസ്ഥാനമായി തമിഴ്​നാട്​ മാറും.

സിനിമാ ഹാളുകൾ പൂർണ ശേഷിയിൽ പ്രവർത്തിക്കാൻ അനുവദിക്കണമെന്ന് വിജയ്, ചിലംബരശൻ തുടങ്ങിയ കോളിവുഡ് നടന്മാർ ആവശ്യപ്പെട്ടിരുന്നു.​ നിലവിലുള്ള നിയന്ത്രണങ്ങളിൽ ഇളവ് ആവശ്യപ്പെട്ട് നടൻ വിജയ് ഡിസംബർ 28ന്​ മുഖ്യമന്ത്രി എടപ്പാടി പളനിസ്വാമിയെ വ്യക്തിപരമായി സന്ദർശിച്ചിരുന്നു. വിജയുടെ ഏറ്റവും പുതിയ ചിത്രമായ മാസ്റ്ററും ചിലംബരശന്‍റെ ഈശ്വരനും പൊങ്കൽ അവധിക്കാലത്ത് റിലീസ് ചെയ്യുമെന്നാണ്​ പ്രതീക്ഷിക്കപ്പെടുന്നത്​. ലോകേഷ് കനഗരാജ് സംവിധാനം ചെയ്ത് സേവ്യർ ബ്രിട്ടോ നിർമ്മിച്ച വിജയ്, വിജയ് സേതുപതി, ആൻഡ്രിയ ജെറമിയ, മാളവിക മോഹനൻ, അർജുൻ ദാസ് എന്നിവർ അഭിനയിച്ച മാസ്​റ്റേഴ്​സ്​ പുതുവർഷത്തി​ൽ തമിഴ്​നാട്ടിലെ ഏറ്റവുംവലിയ റിലീസാണ്​.

Show Full Article
TAGS:Tamil Nadu actor Vijay cinema theatres covid 19 
Next Story