തമിഴ്​ സംവിധായകൻ എസ്​.പി. ജനനാഥൻ അന്തരിച്ചു

​െച​െന്നെ: ദേശീയ പുരസ്​കാര ജേതാവായ തമിഴ്​ സംവിധായകൻ എസ്​.പി. ജനനാഥൻ അന്തരിച്ചു. 61വയസായിരുന്നു.

നഗരത്തിലെ സ്വകാര്യ ആശുപത്രിയിൽ ചികിത്സയിലിരിക്കേ ഹൃദയാഘാതം മൂലമാണ്​ മരണം. വ്യാഴാഴ്​ച അദ്ദേഹത്തെ വീട്ടിൽ അബോധാവസ്​ഥയിൽ കണ്ടെത്തുകയായിരുന്നു.

2004ൽ അദ്ദേഹത്തിന്‍റെ കന്നി ചിത്രമായ 'ഇയർ​െക്കെ' മികച്ച തമിഴ്​ ചിത്രത്തിനുള്ള ദേശീയ പുരസ്​കാരം സ്വന്തമാക്കി. ഇ, പേരാൺമൈ, പുറംപോക്ക്​ എൻഗിര പെതുവുഡ​മെയ്​ എന്നിവയാണ്​ മറ്റ്​ പ്രധാന ചിത്രങ്ങൾ.

സാമൂഹിക പ്രതിബദ്ധതയുള്ള വ്യത്യസ്​തമാർന്ന പ്രമേയങ്ങൾ കൊണ്ട്​ ശ്രദ്ധേയമായിരുന്നു അദ്ദേഹത്തിന്‍റെ ചിത്രങ്ങൾ.

വിജയ്​ സേതുപതി, ശ്രുതി ഹാസൻ, ജഗപതി ബാബു, സായ്​ ധൻസിക എന്നിവരെ കേന്ദ്രകഥാപാത്രങ്ങളാക്കി 'ലാഭം' എന്ന ചിത്രമാണ്​ അവസാനമായി സംവിധാനം ചെയ്​തത്​. ചിത്രത്തിന്‍റെ പോസ്റ്റ്​ പ്രൊഡക്​ഷൻ ജോലികൾക്കിടെയാണ്​ അസുഖബാധിതനായത്​.