തമിഴ് നടൻ വടിവേലുവിന്‍റെ മാതാവ് പാപ്പ അന്തരിച്ചു

ചെന്നൈ: തമിഴ് ചലച്ചിത്ര നടൻ വടിവേലുവിന്‍റെ മാതാവ് പാപ്പ(87) അന്തരിച്ചു. ബുധനാഴ്ച രാത്രിയോടെയായിരുന്നു അന്ത്യം. വാർധക്യ സഹജമായ രോഗങ്ങളെ തുടർന്ന് കഴിഞ്ഞ കുറച്ച് ദിവസങ്ങളായി സ്വകാര്യ ആശുപത്രിയിൽ ചികിത്സയിലായിരുന്നു. വ്യാഴാഴ്ച വൈകിട്ടോടെയാവും സംസ്കാര ചടങ്ങുകൾ നടക്കുക.

മധുരൈക്ക് സമീപം വിരാഗനൂരിലായിരുന്നു അവർ താമസിച്ചിരുന്നത്. പാപ്പയുടെ നിര്യാണത്തിൽ തമിഴ്നാട് മുഖ്യമന്ത്രി എം.കെ. സ്റ്റാലിൻ അനുശോചനം രേഖപ്പെടുത്തി. തമിഴ് ചലച്ചിത്ര മേഖലയിൽ നിന്നുൾപ്പെടെ നിരവധി താരങ്ങൾ നിര്യാണത്തിൽ അനുശോചിച്ചു.