തീർത്തും അവശനായി സുശാന്ത്​; റിയ പകർത്തിയ വിഡിയോ വൈറലാവുന്നു

മുംബൈ: ബോളിവുഡ് താരം സുശാന്ത് സിങ് രജ്പുത്തി​െൻറ ആരോഗ്യനില വളരെ മോശമായിരുന്നുവെന്ന് വ്യക്തമാക്കുന്ന വിഡിയോകൾ സമൂഹമാധ്യമങ്ങളിൽ പ്രചരിക്കുന്നു. ഫെബ്രുവരിയിൽ റിയാ ചക്രബർത്തി പകർത്തിയതെന്ന്​ കരുതപ്പെടുന്ന വിഡിയോകളാണ്​ പുറത്ത് വന്നിരിക്കുന്നത്. ക്ലിപ്പുകളിൽ സുശാന്ത്​ മാനസികമായും ശാരീരികമായും അവശനായ നിലയിലാണുള്ളത്​. ലഹരി ഇടപാടുമായി ബന്ധപ്പെട്ട കേസിൽ കഴിഞ്ഞ ദിവസം എൻസിബി റിയയെ അറസ്റ്റ് ചെയ്തിരുന്നു.

രണ്ട്​ വിഡിയോ ക്ലിപ്പുകളാണ്​ പ്രധാനമായും പ്രചരിക്കുന്നത്​. ഒന്നിൽ, കിടക്കുകയായിരുന്ന സുശാന്തിനോട്​ എന്താണ്​ ചെയ്യുന്നതെന്ന്​ റിയ ചോദിക്കു​േമ്പാൾ വായനയിലാണെന്ന്​ താരം പുസ്​തകം കാണിച്ചുകൊണ്ട്​ മറുപടി പറയുന്നുണ്ട്​. ലുഡോ ഗെയിമിനെ കുറിച്ചും റിയ സുശാന്തിനോട്​ ചോദിക്കുന്നത്​ കാണാം. മറ്റൊരു വിഡിയോയിൽ, കൗച്ചിൽ ഇരിക്കുകയായിരുന്ന സുശാന്തിനോട്​ സുന്ദരനാണെന്നും ക്യൂട്ടാണെന്നും റിയ പറയു​േമ്പാൾ മറ്റൊരാൾ മരുന്ന്​ കൃത്യമായി കഴിക്കുന്നുണ്ടോ..? എന്ന്​ ചോദിക്കുന്നതും കേൾക്കാം. മരുന്ന്​ കഴിച്ചതായി സുശാന്ത്​ സമ്മതിക്കുകയും താൻ താരത്തിന്​ നൽകിയതായി റിയ ഒാർമപ്പെടുത്തുന്നതും വിഡിയോയിൽ ഉണ്ട്​. ഇരു വിഡിയോകളിലും അവശനായി കാണപ്പെട്ട സുശാന്ത്​, റിയയുടെ ചോദ്യങ്ങൾക്ക്​ വളരെ ചെറിയ മറുപടിയും കൂടെ ചെറുചിരിയും മാത്രമാണ്​ നൽകുന്നത്​. റിയയുടെ മൊബൈൽ ഫോണിലാണ് വിഡിയോ ചിത്രീകരിച്ചതെന്നും സൂചനയുണ്ട്​.

സുശാന്തിനൊപ്പം കഴിഞ്ഞിരുന്ന റിയ ജൂൺ എട്ടിനായിരുന്നു താരത്തോട്​ പിണങ്ങി ഇറങ്ങിപ്പോയത്​. 14–ാം തിയതി സുശാന്ത് സിങിനെ ആത്മഹത്യ ചെയ്തനിലയിൽ കണ്ടെത്തുകയും ചെയ്തു. സുശാന്തി​െൻറ മരണത്തിൽ ദുരൂഹതയുണ്ടെന്ന ബന്ധുക്കളുടെ ആരോപണത്തെ തുടർന്ന് അന്വേഷണം നടക്കുകയാണ്. ആഗസ്​ത്​ 19നായിരുന്നു ഏറെ വിവാദങ്ങൾക്ക്​ ശേഷം സുപ്രീം കോടതി അന്വേഷണം സി.ബി.​െഎക്ക്​ കൈമാറിയത്​. അതേസമയം, എൻഫോഴ്​സ്​മെൻറ്​ ഡയറക്​ട്രേറ്റും നാർകോട്ടിക്​ കൺട്രോൾ ബ്യൂറോയും സമാന കേസിൽ പ്രത്യേക അന്വേഷണങ്ങൾ നടത്തുന്നുണ്ട്​.