ജീവനൊടുക്കാൻ തീരുമാനിച്ച എന്നെ പിന്തിരിപ്പിച്ചത്​ സുശാന്ത്​ -സുഹൃത്ത്​

മുംബൈ: ജീവനൊടുക്കാൻ തീരുമാനിച്ചുറച്ച തന്നെ അതിൽനിന്ന്​ പിന്തിരിപ്പിച്ചത്​ അന്തരിച്ച നടൻ സുശാന്ത്​ സിങ്​ രജ്​പുത്​ ആയിരുന്നുവെന്ന്​ സുഹൃത്തും ​േകാറിയോഗ്രാഫറുമായ ഗണേഷ്​ ഹിവാർക്കർ. സുശാന്ത്​ ഒരിക്കലും ആത്​മഹത്യ ചെയ്യി​െല്ലന്ന്​ താൻ ഉറച്ചു വിശ്വസിക്കുന്നതായും ഗണേഷ്​ ഒരു ദിനപത്രത്തിന്​ നൽകിയ അഭിമുഖത്തിൽ പറഞ്ഞു.

'സുശാന്തിന്​ ഒരിക്കലും ആത്​മഹത്യ ചെയ്യാൻ കഴിയില്ല. ഒരുകാലത്ത്​ ജീവനൊടുക്കാൻ ഒരുങ്ങിയ എന്നെ അതിൽനിന്ന്​ പിന്തിരിപ്പിച്ചത്​ അവനായിരുന്നു. വളരെ പൊസിറ്റീവായി ചിന്തിക്കുന്ന വ്യക്​തിയായിരുന്നു സുശാന്ത്​. അതുകൊണ്ടുതന്നെ സ്വയം ജീവനൊടുക്കാൻ ഒട്ടും സാധ്യതയില്ല. സ്​നേഹിച്ച പെൺകുട്ടി ഉപേക്ഷിച്ചു​േപായപ്പോൾ ഞാൻ കടുത്ത വിഷാദത്തിനടിമയായി മാറിയ കാലമുണ്ടായിരുന്നു. തീർത്തും ഹതാശനായിരുന്ന ഞാൻ ആത്​മഹത്യയെക്കുറിച്ചു മാത്രം എപ്പോഴും ചിന്തിച്ചുകൊണ്ടിരുന്നു. സുശാന്ത്​ എ​െൻറ അടുത്ത സുഹൃത്തായിരുന്നു. ഞാൻ അവനോട്​ എല്ലാം മനസ്സുതുറന്ന്​ പറഞ്ഞു. എ​െൻറ വേദന ഞാൻ പങ്കുവെച്ചു. പിന്നീട്​ സുശാന്ത്​ എ​െൻറ കൂടെത്ത​െന്നയുണ്ടായിരുന്നു. ആത്​മഹത്യ ചെയ്യുന്നതിൽനിന്ന്​ എന്നെ അവൻ പിന്തിരിപ്പിച്ചു. ജീവിതത്തിലെ ആ നിർണായക സമയത്ത്​ വലിയ പിന്തുണയാണ്​ അവൻ നൽകിയത്​. സുശാന്ത്​ എ​െൻറ ചുറ്റിലും ഇല്ലായിരുന്നെങ്കിൽ എന്ത്​ സംഭവിക്കുമായിരുന്നുവെന്ന്​ ഇന്നും എനിക്കറിയില്ല. അത്ര നല്ല സുഹൃത്തായിരുന്നു അവൻ.'

സ്​റ്റേജ്​ ​േഷാകളിലും മറ്റും ബാക്​ഗ്രൗണ്ട്​ ഡാൻസറായി തുടക്കമിട്ട സുശാന്ത്​ അക്കാലംമുതലേ ഗണേഷുമായി ഉറ്റ ചങ്ങാത്തത്തിലായിരുന്നു. 'നടനെന്ന നിലയിൽ ഒരു ബ്രേക്​ ആഗ്രഹിച്ചുനടക്കുന്ന സമയത്തുതന്നെ അവനും ഞാനും അടുത്ത സുഹൃത്തുക്കളായിരുന്നു. ഒന്നിച്ച്​ ഒരുപാടു ഷോകൾ ഞങ്ങൾ ചെയ്​തിട്ടുണ്ട്​. അവനുമായുള്ള അടുപ്പത്തി​െൻറ അടിസ്​ഥാനത്തിൽ എനിക്ക്​ ഉറപ്പിച്ചുപറയാൻ കഴിയുന്ന കാര്യം സുശാന്ത്​ ആത്​മഹത്യ ചെയ്യില്ല എന്നതാണ്​.' -ഗണേഷ്​ പറയുന്നു. ഇക്കഴിഞ്ഞ ജൂൺ 14നാണ്​ സുശാന്തിനെ ബാന്ദ്രയിലെ വസതിയിൽ മരിച്ച നിലയിൽ കണ്ടെത്തിയത്​.