ഫോണി​ലേക്ക്​ ഉൗതിയാൽ​ രോഗമുണ്ടോ എന്നറിയാം; സുശാന്ത്​ കോവിഡ്​ ആപ്പ്​ നിർമാണത്തിലായിരുന്നുവെന്ന്​ നടി നീത

മുംബൈ: പ്രശസ്​ത നടൻ സുശാന്ത്​ സിങ്​ രജ്​പുതി​െൻറ മരണവുമായി ബന്ധപ്പെട്ടുള്ള വിവാദങ്ങൾ ബോളിവുഡിൽ ഇപ്പോഴും കെട്ടടങ്ങിയിട്ടില്ല. ആത്മഹത്യയല്ല, കൊലപാതകമാണ്​ നടന്നതെന്നും മരണത്തിന്​ പിന്നിൽ ബോളിവുഡിലെ മാഫിയയാണെന്നുമൊക്കെ പ്രചാരണങ്ങൾ ശക്​തമാവുകയാണ്​. അതേസമയം, അടുത്ത സുഹൃത്തുക്കളും കുടുംബാംഗങ്ങളും താരത്തോടൊപ്പമുള്ള മനോഹരമായ അനുഭവങ്ങളും പങ്കുവെക്കുന്നുണ്ട്​.

'എം.എസ് ധോണി ദ അൺടോൾഡ്​ സ്​റ്റോറി'എന്ന ചിത്രത്തിൽ സുശാന്തി​െൻറ അമ്മയായി വേഷമിട്ട താരം നീത മോഹിന്ദ്രയാണ്​ ഏറ്റവും ഒടുവിൽ സുശാന്തിനെ കുറിച്ചുള്ള ഒാർമകൾ പങ്കുവെച്ചിരിക്കുന്നത്​. കോവിഡ്​ ബാധിച്ചത്​ തിരിച്ചറിയാനായി സുശാന്ത് സിങ്​ ഒരു ആപ്പ് നിര്‍മ്മിച്ചതിനെ കുറിച്ചു നടി നീത മോഹിന്ദ്ര​ ഒരു വെബ്​ പോർട്ടലിനോട് വെളിപ്പെടുത്തി​. മൊബൈലിലേക്ക് ഊതിയാല്‍ കോവിഡ് ബാധിച്ചുവോ എന്ന് തിരിച്ചറിയാന്‍ സാധിക്കും എന്നതാണ് സുശാന്തി​െൻറ കൊറോണ ആപ്പി​െൻറ പ്രത്യേകതയെന്നും അവർ പറഞ്ഞു.

അഭിനയത്തിനൊപ്പം മറ്റുമേഖലകളിലും ഒരുപാട്​ കഴിവുള്ള താരമായിരുന്നു സുശാന്ത്​. AIEEE എൻട്രൻസ്​ പരീക്ഷയിൽ അടക്കം ഉന്നത വിജയം നേടിയ താരം ബോളിവുഡിലെ ഏറ്റവും മികച്ച നടനും അതേസമയം, താരമൂല്യമുള്ളയാളുമായി മാറി. മര്യാദയുള്ളവനും എല്ലാവരോടും സൗഹൃദ മനോഭാവം വെച്ചുപുലർത്തുന്നയാൾ കൂടിയായിരുന്നു. -നീത മോഹിന്ദ്ര കൂട്ടിച്ചേർത്തു.

ജൂൺ 14നായിരുന്നു സുശാന്തിനെ അദ്ദേഹത്തി​െൻറ മുംബൈയിലെ ബാന്ദ്രയിലുള്ള വീട്ടിൽ മരിച്ചതായി കണ്ടെത്തിയത്​. കാമുകിയായിരുന്ന റിയ ചക്രബര്‍ത്തിയാണ് മരണത്തിന് ഉത്തരവാദിയെന്നും കേസ്​ സി.ബി.​െഎ ഏറ്റെടുക്കണമെന്നും നട​െൻറ അച്ഛൻ ആവശ്യപ്പെട്ടിരുന്നു. സംഭവത്തിൽ സി.ബി.​െഎ അന്വേഷണം പുരോഗമിക്കുകയാണ്​.