സൂര്യക്കൊപ്പം നസ്രിയയും; മലയാള ചിത്രത്തിന്‍റെ പൂജ കൊച്ചിയിൽ നടന്നു

പ്രമുഖ പ്രൊഡക്ഷൻ ഹൗസായ തിയറ്റർ ഓഫ് ഡ്രീംസും അനന്ദു എന്‍റർടെയ്ൻമെന്‍റും ചേർന്നൊരുക്കുന്ന സൂര്യ- നസ്രിയ ചിത്രത്തിന്‍റെ പൂജ കൊച്ചിയിൽ വച്ച് നടന്നു. രോമാഞ്ചം, ആവേശം എന്നീ സിനിമകളിൽ പ്രവർത്തിച്ച ഷിഫിന ബബിനാണ് ഈ ചിത്രത്തിന്‍റെ രചനയും സംവിധാനവും കൈകാര്യം ചെയ്യുന്നത്.

ഡോ.അനന്തു എസ്, ഡോൾവിൻ കുര്യാക്കോസ് എന്നിവരാണ് ചിത്രം നിർമിക്കുന്നത്. സൂര്യ, നസ്രിയ, ബി,ഉണ്ണികൃഷ്ണൻ, ഷാജി കൈലാസ്, ജിത്തു മാധവ്, എന്നിവർ പൂജയുടെ ഭാഗമായി. ക്യാമറയുടെ സ്വിച്ച് ഓൺ കർമം ഷൈജു ഖാലിദ് നിർവഹിച്ചു. സൂര്യ സിനിമയുടെ ഫസ്റ്റ് ക്ലാപ്പടിക്കുകയും ചെയ്തു.