സുനിൽ ഹനീഫ്​ സംവിധാനം ചെയ്യുന്ന 'ഫോര്‍'; അമല്‍ ഷാ, ഗോവിന്ദ പൈ മുഖ്യ വേഷത്തിൽ

കൊച്ചി: 'മാസ്‌ക്​' എന്ന ചിത്രത്തിനുശേഷം സുനില്‍ ഹനീഫ് സംവിധാനം ചെയ്യുന്ന ചിത്രമാണ് 'ഫോര്‍'. 'പറവ' എന്ന ചിത്രത്തിലൂടെ ഏറെ ശ്രദ്ധേരായ അമല്‍ ഷാ,ഗോവിന്ദ പൈ എന്നിവരും ഗൗരവ് മേനോന്‍, മിനോന്‍ എന്നിവരുമാണ്​ പ്രധാന കഥാപാത്രങ്ങൾ.

ബ്ലും ഇൻറര്‍നാഷണലി​െൻറ ബാനറില്‍ വേണു ഗോപാലകൃഷ്ണന്‍ നിർമിക്കുന്ന ഈ ചിത്രത്തില്‍ മമിത ബൈജു നായികയാവുന്നു. സിദ്ധിഖ്, സുധീര്‍ കരമന, ജോണി ആൻറണി, ഇന്ദ്രന്‍സ്, ഇര്‍ഷാദ്, അലന്‍സിയര്‍, അശ്വതി, മാല പാര്‍വ്വതി, സീമ ജി. നായര്‍, മീനാക്ഷി തുടങ്ങിയവരാണ് മറ്റു താരങ്ങള്‍.

വിധു ശങ്കര്‍, വൈശാഖ് എന്നിവർ ചേർന്നാണ്​ തിരക്കഥയും സംഭാഷണവും രചിച്ചിരിക്കുന്നത്​. ഛായാഗ്രഹണം പ്രകാശ് വേലായുധന്‍ നിർവഹിക്കുന്നു. ബി.കെ. ഹരിനാരായണന്‍, സന്തോഷ് വര്‍മ്മ എന്നിവരുടെ വരികള്‍ക്ക് ബിജിബാല്‍ സംഗീതം പകരുന്നു. ആലാപനം: ഷഹബാസ് അമന്‍.

പ്രൊഡക്ഷന്‍ കണ്‍ട്രോളര്‍-ജാവേദ് ചെമ്പ്, പ്രൊഡക്ഷന്‍ ഡിസെെനര്‍-റഷീദ് പുതുനഗരം, കല-ആഷിഖ്, മേക്കപ്പ്-സജി കാട്ടാക്കട, വസ്ത്രലാങ്കാരം-ധന്യ ബാലകൃഷ്ണന്‍, ചീഫ് അസോസിയേറ്റ് ഡയറക്ടര്‍-ചാക്കോ കാഞ്ഞൂപറമ്പന്‍, വാര്‍ത്ത പ്രചരണം-എ എസ് ദിനേശ് തുടങ്ങിയവരാണ്​ മറ്റ്​ അണിയറ പ്രവർത്തകർ. എറണാകുളത്തും പരിസരപ്രദേശങ്ങളിലുമായി സെപ്റ്റംബറില്‍ ചിത്രീകരണമാരഭിക്കും.