‘സ്താ​നാ​ർ​ത്തി ശ്രീ​ക്കു​ട്ടൻ’ ചില്ലറക്കാരനല്ല...; ബാക്ക് ബെഞ്ച് ഒഴിവാക്കാനൊരുങ്ങി വിദ്യാലയങ്ങൾ, ഇരിപ്പിടം ‘റ’ രൂപത്തിൽ

ഒരു കുഞ്ഞു സിനിമ വിദ്യാഭ്യാസ മേഖലയിൽ വലിയ സ്വാധീനം ചെലുത്തുന്ന കാഴ്ചക്കാണ് കേരളം ഇപ്പോൾ സാക്ഷ്യം വഹിക്കുന്നത്. വിനേഷ് വിശ്വനാഥ് സംവിധാനം ചെയ്ത ‘സ്താ​നാ​ർ​ത്തി ശ്രീ​ക്കു​ട്ടൻ’ എന്ന ചിത്രത്തിൽ ​നിന്ന് പ്ര​ചോ​ദ​നം ഉ​ൾ​ക്കൊ​ണ്ട് പല വിദ്യാലയങ്ങളിലും ബാക്ക് ബെഞ്ച് ഒഴിവാക്കുകയാണ്.

കൊ​ട്ടാ​ര​ക്ക​ര വാ​ള​കം രാ​മ​വി​ലാ​സം വൊ​ക്കേ​ഷ​ണ​ൽ ഹ​യ​ർ സെ​ക്ക​ൻ​ഡ​റി സ്കൂ​ളി​ലെ വി​ദ്യാ​ർ​ഥി​ക​ൾ ഇ​നി ‘റ’ ​രൂ​പ​ത്തി​ൽ സ​ജ്ജീ​ക​രി​ച്ച ഇ​രി​പ്പി​ട​ത്തി​ലി​രു​ന്ന് പ​ഠി​ക്കും എന്ന വാർത്ത നേരത്തെ പുറത്തു വന്നിരുന്നു. മ​ന്ത്രി കെ.​ബി. ഗ​ണേ​ഷ്കു​മാ​റാ​ണ് സ്കൂ​ളി​ൽ ഈ ​സ​മ്പ്ര​ദാ​യം ന​ട​പ്പാ​ക്കാ​ൻ വ​ഴി​യൊ​രു​ക്കി​യ​ത്. കേരളത്തിലെ പത്തോളം സ്കൂളുകൾ ഈ രീതി നടപ്പാക്കിയെന്നാണ് വിവരം.

ക്ലാ​സ് മു​റി​യു​ടെ ചു​വ​രു​ക​ളോ​ട് ചേ​ർ​ന്നാ​ണ് ഒ​റ്റ​വ​രി ഇ​രി​പ്പി​ട​ങ്ങ​ൾ ക്ര​മീ​ക​രി​ച്ചി​രി​ക്കു​ന്ന​ത്. എ​ല്ലാ​വ​രും മു​ന്നി​ലെ ബെ​ഞ്ചി​ലാ​ണ് ഇ​രി​ക്കു​ന്ന​തെ​ന്ന ബോ​ധം കു​ട്ടി​ക​ളി​ലു​ണ്ടാ​ക്കു​ക​യാ​ണ് ല​ക്ഷ്യം. സി​നി​മ​യി​ൽ പി​ൻ ബെ​ഞ്ചി​ലി​രു​ന്ന് അ​പ​മാ​നി​ക്ക​പ്പെ​ട്ട വി​ദ്യാ​ർ​ഥി​യു​ടെ അ​നു​ഭ​വ​മാ​ണ് ഇ​ങ്ങ​നെ​യൊ​രു ആ​ശ​യം രൂ​പ​പ്പെ​ടാ​ൻ കാ​ര​ണം.

ഇത് തങ്ങള്‍ കൊണ്ടുവന്ന ആശയമല്ലെന്നും ജില്ലാ പ്രാഥമിക വിദ്യാഭ്യാസ പരിപാടിയുടെ ഭാഗമായി ക്ലാസ് മുറികളില്‍ അത്തരമൊരു ഇരിപ്പിട ക്രമീകരണം ഉണ്ടായിരുന്നെന്നും, പിന്നീട് അത് നഷ്ടപ്പെട്ടെന്നും സംവിധായകൻ വിനേഷ് പറഞ്ഞിരുന്നു. കേരളത്തിൽ മാത്രമല്ല, സിനിമയിൽ നിന്ന് പ്രചോദനം ഉൾക്കൊണ്ട് തമിഴ്നാട്ടിലും പഞ്ചാബിലും ഈ രീതി പിന്തുടരാൻ ഒരുങ്ങുകയാണ് ചില സ്കൂളുകൾ.

അപ്പർ പ്രൈമറി ക്ലാസ്സിലെ രണ്ടു കുട്ടികളെ പ്രധാനമായും കേന്ദ്രീകരിച്ചു കൊണ്ടാണ് സ്താ​നാ​ർ​ത്തി ശ്രീ​ക്കു​ട്ടന്‍റെ അവതരണം. ശ്രീരംഗ് ഷൈൻ' അഭിനവ് എന്നിവരാണ് ഈ കഥാപാത്രങ്ങളെ അവതരിപ്പിച്ചത്. അജു വർഗീസ് ജോണി ആന്‍റണി, സൈജു ക്കുറുപ്പ്, ജിബിൻ ഗോപിനാഥ്, ആനന്ദ് മന്മഥൻ, രാഹുൽ നായർ, സന്തോഷ് വെഞ്ഞാറമൂട്, രാമചന്ദ്രൻ നായർ, രാജീവ് ഗംഗാമീരാ, ശ്രുതി സുരേഷ് എന്നിവരാണ് മറ്റുപ്രധാനകഥാപാത്രങ്ങളെ അവതരിപ്പിക്കുന്നത്. മുരളീകൃഷ്ണൻ, ആനന്ദ് മന്മഥൻ, കൈലാഷ്.എസ്. ഭവൻ, വിനേഷ് വിശ്വനാഥ് എന്നിവരുടേതാണു തിരക്കഥ.