ഒരിക്കലെങ്കിലും അവനെ മിടുക്കനെന്നൊന്ന്​ വിളിച്ചുനോക്ക്​ സാറേ- 'സ്വനം' റിലീസായി

കൊച്ചി: ഏറ്റവും മികച്ച ചിത്രത്തിനും മികച്ച ബാലതാരത്തിനുമുള്ള സംസ്ഥാന സർക്കാറിന്‍റെ അവാർഡ് നേടിയ 'സ്വനം' നീസ്ട്രീം ഒടിടി പ്ലാറ്റ്​ഫോമിൽ റിലീസ് ചെയ്​തു. ദീപേഷ് ടി. സംവിധാനം ചെയ്​ത സിനിമയിൽ അഭിനന്ദ് അക്കോടൻ, നിരഞ്ജൻ, രമ്യ രാഘവൻ, കവിത ശ്രീ, സന്തോഷ് കീഴാറ്റൂർ, രാജേന്ദ്രൻ തായട്ട്, വിജയ് തുടങ്ങിയവരാണ്​ പ്രധാന കഥാപാത്രങ്ങളെ അവതരിപ്പിക്കുന്നത്​.

തുൽസി ഫിലിംസിന്‍റെ ബാനറിൽ രമ്യ രാഘവൻ നിർമ്മിക്കുന്ന സിനിമയുടെ കഥ, തിരക്കഥ, സംഭാഷണം രചിച്ചിരിക്കുന്നത്​ ഡോക്ടർ വത്സലൻ വാതുശ്ശേരിയാണ്​. ഛായാഗ്രഹണം വിവേക് നിർവഹിക്കുന്നു. ജിനേഷ് എരമം എഴുതിയ വരികൾക്ക് ഹരി വേണുഗോപാൽ ഈണം പകർന്ന ഗാനം കലേഷ് കരുണാകരൻ ആലപിക്കുന്നു. എഡിറ്റർ-വിജി ഏബ്രാഹം, കൊ പ്രൊഡ്യൂസർ-വിജയ്, ദ്രൗപത് വിജയ്, കല-നിമേഷ് താനൂർ, വസ്ത്രാലങ്കാരം-കുക്കു ജീവൻ, അസോസിയേറ്റ് ഡയറക്ടർ-അനൂപ് അരവിന്ദൻ, വാർത്ത പ്രചരണം-എ.എസ്. ദിനേശ്.