ഓസ്​കർ; ആദ്യഘട്ടം കടന്ന്​ 'സൂരറൈ പോട്ര്​'

ഓസ്​കർ പുരസ്​കാരത്തിന്‍റെ ആദ്യഘട്ടം കടന്ന്​ സൂര്യയെ നായകനാക്കി സുധ കൊങ്കര സംവിധാനം ചെയ്​ത തമിഴ്​ ചിത്രം സൂരറൈ പോട്ര്​. മികച്ച സിനിമ, നടൻ, നടി, സംവിധാനം തുടങ്ങിയ വിഭാഗങ്ങളിലാണ്​ ചിത്രം മത്സരിക്കുക. മലയാളി താരം അപർണ ബാലമുരളിയാണ്​ നായിക.

പ്രാഥമിക ഘട്ടത്തിൽ തെരഞ്ഞെടുത്ത 366 ചിത്രങ്ങളിൽ സൂരറൈ പോട്ര്​ ഇടംപിടിക്കുകയായിരുന്നു. ചിത്രത്തിന്‍റെ സഹനിർമാതാവ്​ രാ​ജശേഖർ പാണ്ഡ്യനാണ്​ വിവരം പുറത്തുവിട്ടത്​. കോവിഡ്​ പ്രതിസന്ധി മൂലം ഓൺ​ൈലനായാണ്​ ഓസ്​കർ സംഘാടനം. ഓൺലൈനായാണ്​ ജൂറി അംഗങ്ങളും ചിത്രം കണ്ടത്​.

ആമസോൺ പ്രൈമിലൂടെയാണ്​ സൂരറൈ പോട്ര്​ റിലീസ്​ ചെയ്​തത്​. മലയാളിതാരം ഉർവശിയും ചിത്രത്തിൽ പ്രധാനവേഷം കൈകാര്യം ചെയ്​തിരുന്നു. എയർ ഡെക്കാൻ വിമാന കമ്പനി സ്​ഥാപകൻ ക്യാപ്​റ്റൻ ഗോപിനാഥിന്‍റെ കഥ പറയുന്ന ചിത്രമാണ്​ സൂരറൈ ​േപാട്ര്​.