വെൽനസ്​ സെൻററി​െൻറ പേരിൽ കോടികൾ തട്ടിയെന്ന്​; ശിൽപ ഷെട്ടിക്കും മാതാവിനുമെതിരെ വഞ്ചനാകുറ്റത്തിന്​ കേസ്​

പ്രശസ്​ത ബോളിവുഡ്​ നടി ശിൽപ ഷെട്ടിക്കും മാതാവ്​ സുനന്ദ ഷെട്ടിക്കുമെതിരെ ഉത്തർ​പ്രദേശിൽ വഞ്ചനാകുറ്റത്തിന്​ കേസ്​. ഭർത്താവും വ്യവസായിയുമായ രാജ്​ കുന്ദ്ര നീലച്ചിത്ര കേസിൽ പിടിയിലായ സംഭവത്തിന്​ പിന്നാലെയാണ്​ നടിക്കെതിരെയും പുതിയ പരാതിയുയർന്നിരിക്കുന്നത്​. വെൽനസ് സെൻററി​െൻറ പേരിൽ നടന്ന തട്ടിപ്പ് കേസിൽ ശിൽപയെയും അമ്മ സുനന്ദയെയും ചോദ്യം ചെയ്യാൻ ലഖ്നൗ പോലീസ്​ സംഘം മുംബൈയിലെത്തിയേക്കുമെന്നാണ്​ റിപ്പോർട്ട്​.

സംഭവത്തിൽ ലഖ്‌നൗവിലെ ഹസ്രത്ഗഞ്ച്, വിഭൂതി ഖണ്ഡ് എന്നീ പൊലീസ് സ്റ്റേഷനുകളിൽ രണ്ട് എഫ്ഐആറുകൾ രജിസ്റ്റർ ചെയ്തിട്ടുണ്ട്, രണ്ട് കേസുകളിലും പൊലീസ് അന്വേഷണം ഉൗർജ്ജിതമാക്കിയിരിക്കുകയാണ്​. ശിൽപ ഷെട്ടി അയോസിസ് വെൽനസ് സെൻറർ എന്ന പേരിൽ ഫിറ്റ്നസ് ചെയിൻ നടത്തുന്നുണ്ടെന്നും കമ്പനിയുടെ ചെയർമാൻ ശിൽപ ഷെട്ടിയും ഡയറക്ടർ അമ്മ സുനന്ദ ഷെട്ടിയുമാണെന്നും​ പൊലീസ് ഉദ്യോഗസ്ഥർ വ്യക്​തമാക്കി.

വെൽനസ് സെൻററി​െൻറ പുതിയ ശാഖ തുറക്കാനെന്ന പേരിൽ ശിൽപയും അമ്മയും രണ്ടുപേരിൽ നിന്ന് കോടിക്കണക്കിന് രൂപ കൈപ്പറ്റിയെന്നാണ് ആരോപണം, എന്നാൽ അവർ വാക്കുപാലിച്ചില്ലെന്നും പരാതിയിൽ പറയുന്നു. ജ്യോത്സന ചൗഹാൻ രോഹിത്​ വീർ സിങ്​ എന്നിവരാണ്​ രണ്ട്​ ​പൊലീസ്​ സ്​റ്റേഷനുകളിലായി പരാതി നൽകിയത്​. ശിൽപയും മാതാവും തങ്ങളെ പറ്റിച്ചെന്നാണ്​ അവർ ആരോപിക്കുന്നത്​. ചോദ്യം ചെയ്യലിനായി നടിക്കും മാതാവിനും ഹസ്രത്ഗഞ്ച് പൊലീസും വിഭൂതി ഖണ്ഡ് പൊലീസും നോട്ടീസ് അയച്ചിട്ടുണ്ട്​.