ഏഴ് വർഷത്തിന് ശേഷം ജോഷിയും സുരേഷ് ​ഗോപിയും ഒന്നിക്കുന്ന പാപ്പൻ, ഫസ്റ്റ്ലുക്കിൽ ​ഗോകുലും

സൂപ്പർഹിറ്റ് സംവിധായകൻ ജോഷിയും സൂപ്പർ സ്റ്റാർ സുരേഷ് ഗോപിയും ഏഴു വർഷത്തിന് ശേഷം വീണ്ടും ഒന്നിക്കുന്ന പാപ്പൻ എന്ന ചിത്രത്തിന്റെ ഫസ്റ്റ് ലുക് പുറത്ത്. സുരേഷ് ​ഗോപി തന്നെയാണ് ഫോട്ടോ പങ്കുവെച്ചത്.

കസേരയിൽ ഇരിക്കുന്ന സുരേഷ് ഗോപിയും പുറകിലായി മകൻ ഗോകുൽ സുരേഷ് ഗോപിയുമാണ് ചിത്രത്തിലുള്ളത്. ഗോകുൽ സുരേഷ് ചിത്രത്തിൽ പ്രധാനകഥാപാത്രത്തെ അവതരിപ്പിക്കുന്നുണ്ട്.

ആശ ശരത്ത്, കനിഹ, ചന്ദുനാഥ്, വിജയരാഘവന്‍, ടിനി ടോം, ഷമ്മി തിലകന്‍ എന്നിവരാണ് ചിത്രത്തിലെ പ്രധാനകഥാപാത്രങ്ങൾ. ആര്‍ജെ ഷാനാണ് രചന. ഛായാഗ്രഹണം: അജയ് ഡേവിഡ് കാച്ചപ്പിള്ളി. എഡിറ്റിംഗ്: ശ്യാം ശശിധരന്‍. സംഗീതം: ജേക്സ് ബിജോയ്. ഡേവിഡ് കാച്ചപ്പിള്ളി പ്രൊഡക്ഷന്‍സിന്‍റെ ബാനറില്‍ ഡേവിഡ് കാച്ചപ്പിള്ളി ചിത്രം നിര്‍മ്മിക്കുന്നു. ആഘോഷ് സിനിമാസും ചാന്ദ് വി മൂവീസും ചേര്‍ന്ന് പ്രദര്‍ശനത്തിനെത്തിക്കും.