Begin typing your search above and press return to search.
exit_to_app
exit_to_app
ആറാം ക്ലാസ്​ പരീക്ഷാ ചോദ്യമായി സെയ്​ഫ്​ - കരീന താരദമ്പതികളുടെ മകന്‍റെ പേര്​; വിവാദം ​
cancel
Homechevron_rightEntertainmentchevron_rightMovie Newschevron_rightആറാം ക്ലാസ്​ പരീക്ഷാ...

ആറാം ക്ലാസ്​ പരീക്ഷാ ചോദ്യമായി സെയ്​ഫ്​ - കരീന താരദമ്പതികളുടെ മകന്‍റെ പേര്​; വിവാദം ​

text_fields
bookmark_border

ഭോപ്പാൽ: കരീന കപൂർ ഖാന്റെയും സെയ്ഫ് അലി ഖാന്റെയും മകന്റെ പേര്​ ചോദിച്ച്​ ആറാം ക്ലാസ്​ ചോദ്യപേപ്പർ​​. മധ്യപ്രദേശിലെ ഖണ്ട്​വ ജില്ലയിലെ സ്വകാര്യ സ്കൂളിലെ പൊതുവിജ്ഞാന പരീക്ഷയിലായിരുന്നു അത്തരമൊരു ചോദ്യം​.

സംഭവത്തിന്​ പിന്നാലെ, കുട്ടികളുടെ രക്ഷിതാക്കൾ 'അകാദമിക്​ ഹൈറ്റ്​സ്' എന്ന​ പബ്ലിക്​ സ്കൂളിനെതിരെ വിദ്യഭ്യാസ വകുപ്പിന്​ പരാതി നൽകിയിരിക്കുകയാണ്​. സ്കൂൾ മാനേജ്​മെന്‍റിനെതിരെ ശക്​തമായ നടപടിയെടുക്കണമെന്നും അവർ ആവശ്യപ്പെട്ടിട്ടുണ്ട്​.

''കരീന കപൂർ ഖാന്റെയും സെയ്ഫ് അലി ഖാന്റെയും മകന്റെ മുഴുവൻ പേര് എഴുതൂ'' -എന്നായിരുന്നു ചോദ്യം. ചോദ്യപേപ്പർ കണ്ട രക്ഷിതാക്കൾ അമ്പരന്നു. ഇത്തരമൊരു ചോദ്യത്തിന്​ പകരം മഹാറാണി അഹില്യഭായ് ഹോൾക്കർ, ഛത്രപതി ശിവജി തുടങ്ങിയ ചരിത്രവ്യക്തികളെ കുറിച്ച് സ്‌കൂൾ വിദ്യാർഥികളോട് ചോദിക്കണമായിരുന്നുവെന്ന് പാരന്‍റ്​ ബോഡി ഹെഡ് അനീഷ് ജാർജരെ പറഞ്ഞു. സ്കൂൾ അടച്ചുപൂട്ടണമെന്നും അദ്ദേഹം കൂട്ടിച്ചേർത്തു.

അതേസമയം, സംഭവം ശ്രദ്ധയിൽപെട്ടതായി ജില്ലാ വിദ്യാഭ്യാസ ഓഫീസർ അറിയിച്ചു. "സ്‌കൂളിന് കാരണം കാണിക്കൽ നോട്ടീസ് നൽകും. സ്‌കൂളിന്റെ പ്രതികരണത്തിന്റെ അടിസ്ഥാനത്തിൽ ഉചിതമായ നടപടി ആരംഭിക്കും," ഖണ്ട്​വ ജില്ലാ വിദ്യാഭ്യാസ ഓഫീസർ സഞ്ജീവ് ഭലേറാവു പറഞ്ഞു.

Show Full Article
TAGS:Kareena Kapoor Saif Ali Khan Madhya Pradesh Exam Taimur Ali Khan 
News Summary - School in MP asks full name of Saif-Kareena's son in exam
Next Story