Begin typing your search above and press return to search.
exit_to_app
exit_to_app
Homechevron_rightEntertainmentchevron_rightMovie Newschevron_right'പാൽ പാഴാക്കി കളയാതെ...

'പാൽ പാഴാക്കി കളയാതെ പാവപ്പെട്ട കുഞ്ഞുങ്ങൾക്ക്​ നൽകൂ'; പോസ്റ്ററിലെ പാലഭിഷേകത്തിനെതിരെ സൽമാൻ ഖാൻ

text_fields
bookmark_border
antim poster milk bathe
cancel

മുംബൈ: ബോളിവുഡിൽ ഏറ്റവും കൂടുതൽ ആരാധകരുള്ള താരങ്ങളിൽ ഒരാളാണ്​ സൽമാൻ ഖാൻ. താരത്തിന്‍റെ സിനിമകൾ തിയറ്ററിലെത്തു​േമ്പാൾ ആരാധകർ അത്​ ആഘോഷമാക്കാറുണ്ട്​. ഇപ്പോർ സിനിമ പോസ്റ്ററുകളിൽ പാലഭി​ഷേകം നടത്തുന്നതിൽ നിന്ന്​ ആരാധകരെ വിലക്കിയിരിക്കുകയാണ്​ സൽമാൻ. സല്ലുവിന്‍റെ ഏറ്റവും പുതിയ ചിത്രമായ ആന്‍റിം: ദ ഫൈനൽ ട്രൂത്തിന്‍റെ പോസ്റ്ററിൽ ആരാധകർ പാൽ ഒ​ഴിക്കുന്ന വിഡിയോ സാമൂഹിക മാധ്യമങ്ങളിൽ പങ്കുവെച്ചാണ്​ താരം അഭ്യർഥന നടത്തിയത്​. പാൽ പാഴാക്കുന്നതിന്​ പകരം ആവശ്യക്കാരായ കുഞ്ഞുങ്ങൾക്ക്​ നൽകി സഹായിക്കാനാണ്​ താരം ആവശ്യപ്പെടുന്നത്​.

നവംബർ 26നാണ്​ ആന്‍റിം റിലീസായത്​. ചിത്രം തിയറ്ററിൽ തന്നെ റിലീസായതിൽ സൽമാൻ ഖാൻ അതീവ സന്തുഷ്​ടനായിരുന്നു. എന്നാൽ പോസ്റ്ററിൽ പാലഭിഷേകം നടത്തുന്ന ദൃശ്യങ്ങൾ ശ്രദ്ധയിൽ പെട്ടതോടെയാണ്​ പ്രവർത്തിയിലുള്ള തന്‍റെ നീരസം അദ്ദേഹം പ്രകടിപ്പിച്ചത്​.

'പലർക്കും വെള്ളം വരെ ലഭിക്കുന്നില്ല, നിങ്ങൾ പാൽ പാഴാക്കുന്നു. നിങ്ങൾക്ക് പാൽ നൽകാൻ ആഗ്രഹിക്കുന്നുവെങ്കിൽ, പാൽ കുടിക്കാൻ കിട്ടാത്ത പാവപ്പെട്ട കുട്ടികൾക്ക് അത് നൽകണമെന്ന് ഞാൻ എന്‍റെ ആരാധകരോട് അഭ്യർഥിക്കുന്നു'-സൽമാൻ ഇൻസ്റ്റഗ്രാമിൽ കുറിച്ചു.

സിനിമ തിയറ്ററിനുള്ളിൽ പടക്കം പൊട്ടിച്ചതിനെതിരെയും സൽമാൻ ഖാൻ ഇൻസ്റ്റഗ്രാമിലൂടെ പ്രതികരിച്ചിരുന്നു. ജനങ്ങളുടെ ജീവന്​ ഭീഷണിയായതിനാൽ അത്തരം പ്രവർത്തികളിൽ നിന്ന്​ വിട്ട്​ നിൽക്കണമെന്നായിരുന്നു സൽമാന്‍റെ ആവശ്യം. പടക്കങ്ങളുമായി ആരാധകർ തിയറ്ററിനകത്ത്​ കടക്കുന്നത്​ തിയറ്റർ ഉടമകളും ​സുരക്ഷ ജീവനക്കാരും തടയണമെന്നും താരം അഭ്യർഥിച്ചു.

മഹേഷ്​ മഞ്​ജരേക്കർ സംവിധാനം ചെയ്​ത ആന്‍റിം സൽമാൻ ഖാൻ ഫിലിംസാണ്​ നിർമിച്ചിരിക്കുന്നത്​. 2018ൽ പുറത്തിറങ്ങിയ മറാത്തി ചിത്രം മുൽഷി പ​േട്ടണിന്‍റെ ഹിന്ദി പതിപ്പാണിത്​. സല്‍മാന്‍റെ സഹോദരീ ഭര്‍ത്താവ് ആയുഷ് ശര്‍മ്മയാണ് ചിത്രത്തില്‍ വില്ലൻ കഥാപാത്രത്തെ അവതരിപ്പിച്ചിരിക്കുന്നത്. രാജ്‍വീര്‍ സിങ്​ എന്ന പഞ്ചാബി പൊലീസ് ഓഫീസറായാണ്​ സല്‍മാൻ ചിത്രത്തിലെത്തുന്നത്​. പൊലീസ് സ്റ്റേഷന്‍ അതിര്‍ത്തിയിലെ ഭൂമാഫിയയെയും ഗുണ്ടാസംഘങ്ങളെയും തുരത്തുകയാണ് സല്‍മാന്‍ കഥാപാത്രത്തിന്‍റെ ദൗത്യം.

Show Full Article
TAGS:salman khan Antim The Final Truth milk 
News Summary - Salman Khan requested not to 'waste' milk on 'Antim' posters urges to help poor
Next Story