Begin typing your search above and press return to search.
exit_to_app
exit_to_app
Homechevron_rightEntertainmentchevron_rightMovie Newschevron_rightസൽമാന്‍റെ സഹായഹസ്​തം...

സൽമാന്‍റെ സഹായഹസ്​തം വീണ്ടും; 25,000 സിനിമ പ്രവർത്തകർക്ക്​ 1,500 രൂപ വീതം നൽകും

text_fields
bookmark_border
salman khan at galaxy
cancel
camera_alt

സൽമാൻ ഖാൻ ഗാലക്​സിയിൽ

മുംബൈ: കോവിഡിന്‍റെ രണ്ടാം വരവിൽ പ്രതിസന്ധിയിലായ സിനിമ പ്രവർത്തകർക്ക്​ സഹായഹസ്​തവുമായി ബോളിവുഡ്​ സൂപ്പർതാരം സൽമാൻ ഖാൻ. സാങ്കേതിക പ്രവര്‍ത്തകര്‍, മേക്കപ്പ്​ ആർട്ടിസ്റ്റുകൾ, ജൂനിയര്‍ ആര്‍ട്ടിസ്റ്റുകള്‍, സ്റ്റണ്ട്​ ആർട്ടിസ്റ്റുകൾ, ലൈറ്റ്​ബോയിമാർ തുടങ്ങി 25,000 പേർക്കാണ്​ സൽമാൻ സഹായധനം നൽകുന്നത്​. ആദ്യഗഡുവായി 1,500 രൂപ വീതമാണ് നല്‍കുകയെന്ന്​ ഫെഡറേഷൻ ഓഫ്​ വെസ്​റ്റേൺ ഇന്ത്യൻ സിനി എംപ്ലോയിസ്​ (എഫ്​.ഡബ്ല്യു.ഐ.സി.ഇ) പ്രസിഡന്‍റ്​ ബി.എൻ. തിവാരി പറഞ്ഞു.

'അർഹത​പ്പെട്ടവരുടെ പട്ടികയും അക്കൗണ്ട്​ നമ്പരും സൽമാൻ ഖാന്​ കൈമാറിയിട്ടുണ്ട്​. ഉടൻ പണം നിക്ഷേപിക്കുമെന്ന്​ അദ്ദേഹം അറിയിച്ചിട്ടുണ്ട്​'- ബി.എൻ. തിവാരി വ്യക്​തമാക്കി. ഇതുകൂടാതെ സിനിമയിൽ ജോലി ചെയ്യുന്ന അർഹരായ 35,000 മുതിർന്ന പൗരന്മാർക്ക്​ 5000 രൂപ വീതം നൽകാൻ യഷ്​രാജ്​ ഫിലിംസുമായി തത്വത്തിൽ ധാരണയായതായി അദ്ദേഹം പറഞ്ഞു. നാലുപേരടങ്ങുന്ന കുടുംബത്തിനുള്ള പ്രതിമാസ റേഷൻ വിതരണം ചെയ്യാമെന്നും യഷ്​രാജ്​ ഫിലിംസ്​ സമ്മതിച്ചിട്ടുണ്ട്​.

കഴിഞ്ഞ വര്‍ഷം ജോലിയില്ലാതെ വിഷമിക്കുന്ന സിനിമ പ്രവർത്തകർക്ക്​ 3,000 രൂപ വീതം സല്‍മാന്‍ ഖാന്‍ നൽകിയിരുന്നു. അടുത്തിടെ, ശിവസേനയുടെ യൂത്ത്​ വിങുമായി സഹകരിച്ച്​ മുംബൈയുടെ വിവിധ ഭാഗങ്ങളിൽ ജോലി ചെയ്യുന്ന പൊലീസുകാരും ആരോഗ്യപ്രവർത്തകരും അടക്കമുള്ള 5000 കോവിഡ്​ മുന്നണി ​പോരാളികൾക്ക്​ ഭക്ഷണമെത്തിക്കാനും സൽമാൻ ഖാൻ രംഗത്തെത്തിയിരുന്നു. അവർക്ക്​ വിതരണം ചെയ്യുന്നതിനുള്ള ഭക്ഷണത്തിന്‍റെ ഗുണമേന്മ സൽമാൻ പരിശോധിക്കുന്നതിന്‍റെയും പാക്കിങിന്​ നേതൃത്വം നൽകുന്നതിന്‍റെയും വിഡിയോ സമൂഹ മാധ്യമങ്ങളിൽ വൈറലായിരുന്നു.

Show Full Article
TAGS:salman khan COVID-19 
News Summary - Salman Khan to donate Rs 1,500 to 25,000 film industry workers amid the second wave of COVID-19
Next Story