സൈനയുടെ ജീവചരിത്ര സിനിമ; പരിണീതി ശരിക്കും തന്നെപ്പോലുണ്ടെന്ന്​ സൈന

മുംബൈ: ബാഡ്​മിന്‍റണിൽ ഇന്ത്യൻ യശസ്സ്​ വാനോളമുയർത്തിയ മുൻ ലോക ഒന്നാം നമ്പർ താരം സൈന നെഹ്​വാളിന്‍റെ ജീവചരിത്രം സിനിമയായി എത്തു​േമ്പാൾ അവരുടെ വേഷം ഭംഗിയാക്കിയ പരിണീതി ചോപ്രക്ക്​ കായിക താരത്തിന്‍റെ​ സ്​നേഹവും അനുമോദനവും. വ്യാഴാഴ്ചയാണ്​ ചിത്രത്തിന്‍റെ ടീസർ പുറത്തെത്തിയത്​. ഉടനീളം മനോഹരമായി റാ​ക്കറ്റേന്തുന്ന പരിണീതി ശരിക്കും ചെറിയ ഞാൻ തന്നെയാണെന്ന്​ സൈന കുറിച്ചു. ''ഉദാത്തവും മനോഹരവുമാണിത്​.. കൊച്ചു സൈനയായുള്ള വേഷം ശരിക്കും ഇഷ്​ടമായി..'' സൈന ട്വിറ്ററിൽ കുറിച്ചു.

ബാഡ്​മിന്‍റണിൽ വലിയ നേട്ടങ്ങൾക്കു മുമ്പിൽ വിയർത്ത ഇന്ത്യയുടെ യശസ്സ്​ വാനോളമുയർത്തിയ സൈനയുടെ ജീവിതവും കളിയുമാണ്​ സിനിമ ലോകത്തിനായി സമർപിക്കുന്നത്​. മക്കളെ പഠിപ്പിച്ച്​ 18 വയസ്സിൽ വിവാഹം ചെയ്​തയക്കാൻ മാതാപിതാക്കൾ പ്രേരിപ്പിച്ചിട്ടും പകരം റാക്കറ്റെടുക്കുകയായിരുന്നുവെന്ന്​ സൈനയുടെ വാക്കുകൾ സിനിമ ഉദ്ധരിക്കുന്നുണ്ട്​.

അമോൽ ഗുപ്​തെ സംവിധാനം ചെയ്​ത 'സെയ്​ന' മാർച്ച്​ 26ന്​ തിയറ്ററുകളി​െലത്തും.