Begin typing your search above and press return to search.
proflie-avatar
Login
exit_to_app
exit_to_app
Homechevron_rightEntertainmentchevron_rightMovie Newschevron_rightതൈമൂറിന്​ കൂട്ടായി...

തൈമൂറിന്​ കൂട്ടായി ജഹാംഗീർ; രണ്ടാമത്തെ മകന്​ പേരിട്ട്​ സെയ്​ഫ്​ അലി ഖാനും കരീനയും

text_fields
bookmark_border
തൈമൂറിന്​ കൂട്ടായി ജഹാംഗീർ; രണ്ടാമത്തെ മകന്​ പേരിട്ട്​ സെയ്​ഫ്​ അലി ഖാനും കരീനയും
cancel

മുംബൈ: രണ്ടാമത്തെ മകൻ ജനിച്ച്​ ആറുമാസം കഴിഞ്ഞിട്ടും കുഞ്ഞിന്‍റെ ഫോ​ട്ടോയോ മറ്റ്​ വിശദാംശങ്ങ​േളാ പുറത്തുവിട്ടിരുന്നില്ല ബോളിവുഡ്​ താരദമ്പതികളായ സെയ്​ഫ്​ അലി ഖാനും കരീന കപൂർ ഖാനും. കുഞ്ഞിന്‍റെ പേര്​ 'ജെ' (Jeh) എന്നാണെന്ന്​ കരീനയുടെ പിതാവ്​ രൺധീർ കപൂർ ജൂലൈയിൽ പറഞ്ഞതുമാത്രമായിരുന്നു കുഞ്ഞിനെ കുറിച്ച്​ ആരാധകർക്ക്​ ലഭിച്ചിരുന്ന ആകെ വിവരം. ഇപ്പോൾ രണ്ടാമത്തെ മകന്​ മുഗൾ ചക്രവർത്തിയായിരുന്ന ജഹാംഗീറിന്‍റെ പേരിട്ടു എന്ന്​ വെളിപ്പെടുത്തിയിരിക്കുകയാണ്​ കരീന കപൂർ.

ഫെബ്രുവരി 21നാണ്​ 40കാരിയായ കരീന രണ്ടാമത്തെ മകന്​ ജന്മം നൽകിയത്​. 2016ൽ ജനിച്ച ആദ്യ മകൻ തൈമൂറിന്‍റെ പേരിനെ ചൊല്ലി വിവാദങ്ങൾ ഉയർന്ന സാഹചര്യത്തിൽ രണ്ടാമത്തെ മകനെ കുറിച്ചുള്ള ഒരു വിവരങ്ങളും പുറത്തുവിടാതെ ഇരിക്കുകയായിരുന്നു താരദമ്പതികൾ. ഇപ്പോൾ ഗർഭിണിയായിരിക്കെയുള്ള തന്‍റെ അനുഭവങ്ങൾ വിവരിച്ച്​ കരീന പുറത്തിറക്കിയ 'പ്രെഗ്​നൻസി ബൈബിൾ-ദി അൾട്ടിമേറ്റ്​ മാന്വൽ ഫൊർ മോംസ്​ ടു ബീ' എന്ന പുസ്​തകത്തിലാണ്​ ജഹാംഗീറിന്‍റെ പേര്​ വെളിപ്പെടുത്തിയിരിക്കുന്നത്​. പുസ്​തകത്തിലുടനീളം കുഞ്ഞിനെ 'ജെ' എന്ന്​ പരാമർശിച്ചിരിക്കുന്ന കരീന ഏറ്റവും ഒടുവിലാണ്​ പേര്​ ജഹാംഗീർ എന്നാണെന്ന്​ പറയുന്നത്​.

ആദ്യ മകന്​ ലോകചരിത്രത്തിലെതന്നെ ഏറ്റവും ക്രൂരനായ ഭരണാധികാരിയെന്ന്​ വിശേഷിപ്പിക്കപ്പെടുന്ന തൈമൂറിന്‍റെ പേര്​ നൽകിയത്​ ഏറെ കുറ്റപ്പെടുത്തലുകൾക്ക്​ വഴിതെളിച്ചിരുന്നു. തുടർന്ന്​ ക്രൂരനായ ഭരണാധികാരയുടെ പേര് എന്ന നിലയിലല്ല ആ പേര് തിരഞ്ഞെടുത്തതെന്നും പുരാതന പേർഷ്യൻ ഭാഷയിൽ തൈമൂർ എന്നാൽ ഇരുമ്പ് എന്നാണർഥമെന്നും വിശദീകരിച്ച്​ സെയ്​ഫ്​ രംഗത്തെത്തുകയും ചെയ്​തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Taimur ali khanSaif ali khanKareena Kapoor KhanJehangir
News Summary - Saif Ali Khan and Kareena Kapoor Khan reveal Jehangir as their baby's name
Next Story