ബിഗ്​ ബിയുടെ ആഡംബര ബംഗ്ലാവി​െൻറ ഒരു ഭാഗം പൊളിച്ചുമാറ്റാൻ ബി.എം.സി

മുംബൈ: അമിതാഭ് ബച്ച​െൻറ ജുഹുവിലുള്ള ആഡംബര ബംഗ്ലാവ്​ 'പ്രതീക്ഷ'യുടെ ഒരു ഭാഗം മുംബൈ മുനിസിപ്പൽ കോർപ്പറേഷൻ (ബി.എം.സി) പൊളിച്ചുമാറ്റിയേക്കുമെന്ന്​ റിപ്പോർട്ട്​. 2017ൽ റോഡ്​ വീതികൂട്ടൽ നിയമപ്രകാരം നൽകിയ നോട്ടീസി​െൻറ തുടർനടപടികൾ ബി.എം.സി ആരംഭിച്ചതായും ബംഗ്ലാവി​െൻറ ഒരു ഭാഗം ഉടൻ തന്നെ പൊളിച്ചുനീക്കുമെന്നും എ.എൻ.​െഎയുടെ റിപ്പോർട്ടിൽ പറയുന്നു.

ബച്ചനെ കൂടാതെ സംവിധായകൻ രാജ്​കുമാർ ഹിറാനിയടക്കമുള്ള മറ്റ്​ ആറ്​ പേർക്ക്​ കൂടി ബി.എം.സി 2017ൽ നോട്ടീസ്​ നൽകിയിരുന്നതായും എന്നാൽ, അതിൽ ഇതുവരെ നടപടി സ്വീകരിച്ചിട്ടില്ലെന്നും ഇപ്പോഴത്തെ കൗൺസിലർ എ.എൻ.​െഎയോട്​ പ്രതകരിച്ചു. ''നോട്ടീസ്​ നൽകിയിട്ടും എന്തുകൊണ്ടാണ്​ അതിൽ നടപടിയെടുക്കാത്തത്​...? സാധാരണക്കാര​െൻറ ഭൂമിയായിരുന്നെങ്കിൽ ബി.എം.സി പെട്ടന്ന്​ തന്നെ ഏറ്റെടുക്കുമായിരുന്നു... നോട്ടീസ്​ നൽകിയിട്ടുണ്ടെങ്കിൽ റോഡ്​ വീതികൂട്ടൽ പദ്ധതിക്ക്​ അപ്പീൽ അവശ്യമില്ലെന്നും'' കൗൺസിലർ കൂട്ടിച്ചേർത്തു.

റോഡ്​ വീതികൂട്ടുന്നതിന്​ പൊളിച്ചുനീക്കേണ്ട കെട്ടിടത്തി​െൻറ കൃത്യമായ ഭാഗം നിർണയിക്കാൻ കോർപ്പറേഷൻ നിർദേശം നൽകിയതായും റിപ്പോർട്ടുകളുണ്ട്​. അതേസമയം, പദ്ധതിക്കാവശ്യമായ മറ്റ്​ പ്ലോട്ടുകൾ കോർപ്പറേഷൻ ഏറ്റെടുത്തിരുന്നു.

ബച്ചന്‍ ജൂഹുവില്‍ വാങ്ങിയ ആദ്യത്തെ ബംഗ്ലാവാണ് പ്രതീക്ഷ. പിതാവായ ഡോ. ഹരിവൻഷ്​ റായ് ബച്ചന്‍, മാതാവായ തേജി ബച്ചന്‍ എന്നിവരോടൊപ്പം അദ്ദേഹം അവിടെ താമസിച്ചിരുന്നു. മകൻ അഭിഷേക് ബച്ച​െൻറയും ഐശ്വര്യ റായിയുടെയും വിവാഹം 2007ല്‍ നടന്നത് അവിടെ വച്ചായിരുന്നു. ബച്ചന്​ പ്രതീക്ഷ എന്ന മാളിക കൂടാതെ മുംബൈയില്‍ ജല്‍സ, ജനക്, വത്സ തുടങ്ങിയ അഞ്ച്​ ബംഗ്ലാവുകള്‍ കൂടിയുണ്ട്​. നഗരത്തിലെ മറ്റ്​ സമ്പന്ന മേഖലകളിലായി നിരവധി ഫ്ളാറ്റുകളും, ഉത്തര്‍പ്രദേശ്, ബീഹാര്‍, ഡല്‍ഹി തുടങ്ങിയ സംസ്ഥാനങ്ങളിൽ ഫാം ഹൗസുകളുമുണ്ട്​.