ഡാനിയർ ക്രെയ്​ഗ്​ ജെയിംസ്​ ബോണ്ടാവുന്ന അവസാന ചിത്രം; 'നോ ടൈം ടു ഡൈ' റിലീസ്​ വീണ്ടും നീട്ടി

ജെയിംസ്​ ബോണ്ട്​ സിനിമകളുടെ ആരാധകർ പ്രതീക്ഷയോടെ കാത്തിരിക്കുന്ന ഏറ്റവും പുതിയ ചിത്രം 'നോ ടൈം ടു ഡൈ' റിലീസ്​ വീണ്ടും മാറ്റിവെച്ചു. ഡാനിയൽ ക്രെയ്​ഗ്​ ബോണ്ടായി വേഷമിടുന്ന അവസാന ചിത്രമായ നോ ടൈം ടു ഡൈ, വൈകുന്നതോടെ ആരാധകർ നിരാശയിലാണ്​. കൊവിഡ് രോഗ വ്യാപനത്തെ തുടര്‍ന്നാണ് റിലീസ് നീട്ടിയത്. ചിത്രീകരണത്തിനിടെ വലിയ പ്രതിസന്ധികള്‍ ചിത്രം നേരിട്ടിരുന്നു. അടുത്ത വര്‍ഷം ഏപ്രില്‍ രണ്ടിന് ചിത്രം റിലീസ് ചെയ്യാനാകുമെന്നാണ് അണിയ പ്രവര്‍ത്തകര്‍ പ്രതീക്ഷിക്കുന്നത്​. നേരത്തെ നവംബറോടെ ചിത്രം റിലീസ് ചെയ്യാനായിരുന്നു ഉദ്ദേശിച്ചത്​.

നോ ടൈം ടും ഡൈയുടെ ലൊക്കേഷൻ ചിത്രങ്ങളും മറ്റും സമൂഹ മാധ്യമങ്ങളിൽ വൈറലായിരുന്നു. പതിവ്​ ജെയിംസ്​ ബോണ്ട്​ ചിത്രങ്ങളിൽ നിന്നും വ്യത്യസ്​തമായാണ്​ പുതിയ ചിത്രം ഒരുക്കിയിരിക്കുന്നത്​. ജമൈക്കയിൽ വിശ്രമ ജീവിതം നയിക്കുന്ന ബോണ്ടിന്​ പ്രത്യേക സാഹചര്യത്തിൽ വീണ്ടും അന്വേഷണത്തിന്​ ഇറങ്ങേണ്ടി വരുന്നതാണ്​ പ്രമേയം. ഒാസ്​കർ ജേതാവായ റമി മാലികാണ്​ പ്രതിനായക വേഷത്തിലെന്നതും ചിത്രത്തി​െൻറ പ്രതീക്ഷ വർധിപ്പിക്കുന്നു.

അഞ്ചാം തവണയാണ്​ ഡാനിയൽ ക്രെയ്​ഗ്​ ജെയിംസ്​ ബോണ്ടായി വേഷമിടുന്നത്​. അവസാനം പുറത്തിറങ്ങിയത്​ സ്​പെക്​ട്ര എന്ന ചിത്രമായിരുന്നു. ത​െൻറ കഥാപാത്രത്തിന്​ സ്​പെക്​ട്രയിൽ വ്യക്​തമായ അവസാനമുണ്ടായിരുന്നില്ലെന്നും ആ ചിത്രത്തോടുകൂടി അഭിനയം നിർത്തിയിരുന്നെങ്കിൽ ഒന്ന്​ കൂടി ചെയ്യാമായിരുന്നു എന്ന തോന്നൽ പിന്നീട്​ വരാനിടയുണ്ടെന്നും ക്രെയ്​ഗ്​ പറയുന്നു.

സിനിമയുടെ കഥാഗതിക്ക്​ വ്യക്​തമായ അവസാനം വേണ്ടതുണ്ടെന്നും പുതിയ ചിത്രമായ 'നോ ടൈം ടു ഡൈ'യിൽ അതുണ്ടെന്നും താരം വ്യക്​തമാക്കി. അതോടൊപ്പം ​ത​െൻറ കരിയറിലെ ഏറ്റവും മികച്ച അനുഭവമായിരുന്നു പുതിയ ചിത്രത്തിലേതെന്നും മുൻ ചിത്രങ്ങളേക്കാൾ മികച്ച വേഷമായിരുന്നുവെന്നും താരം കൂട്ടിച്ചേർത്തു.