Begin typing your search above and press return to search.
exit_to_app
exit_to_app
Homechevron_rightEntertainmentchevron_rightMovie Newschevron_right'രാധേ'ക്ക്​ മോശം...

'രാധേ'ക്ക്​ മോശം റിവ്യൂ; കെ.ആർ​.കെയെ കോടതി കയറ്റാനൊരുങ്ങി സൽമാൻ ഖാൻ

text_fields
bookmark_border
salman khan and KRK
cancel
camera_altസൽമാൻ ഖാൻ, കെ.ആർ.​കെ

മുംബൈ: കെ.ആർ.കെ എന്ന പേരിൽ അറിയപ്പെടുന്ന നടൻ കമാൽ റാശിദ്​ ഖാനെതിരെ ബോളിവുഡ്​ സൂപ്പർ താരം സൽമാൻ ഖാൻ മാനനഷ്​ട​ കേസ്​ ഫയൽ ചെയ്​തു. സൽമാ​െൻറ ഏറ്റവും പുതിയ ചിത്രമായ 'രാധെ'ക്ക്​ മോശം നിരൂപണം നടത്തുകയും സാമൂഹിക മാധ്യമങ്ങളിലൂടെ കളിയാക്കുകയും ചെയ്​ത സംഭവങ്ങളുമായി ബന്ധപ്പെടുത്തിയാണ് കേസ്​. മുംബൈയിലെ കോടതിയിലാണ്​ സൽമാൻ ഖാൻ ഹരജി നൽകിയത്​.

'ഈ മാനനഷ്ടക്കേസ് നിങ്ങളുടെ നിരാശയുടെ തെളിവാണ്. എ​െൻറ ഫോളോവേഴ്​സിന്​ സിനിമയുടെ റിവ്യൂ നൽകുകയെന്നത്​ എ​െൻറ ജോലി​. എന്നെ നിങ്ങളുടെ സിനിമ നിരൂപണം ചെയ്യുന്നതിൽ നിന്ന്​ തടയുന്നതിന്​ പകരം നല്ല ചിത്രങ്ങളുടെ ഭാഗമാകാനാണ്​ നിങ്ങൾ ശ്രമിക്കേണ്ടത്​. ഞാൻ സത്യത്തിനായി പോരാടും. താങ്കൾ നൽകിയ കേസിന്​ നന്ദി'-വക്കീൽ നോട്ടീസി​െൻറ ആദ്യ പേജ്​ പങ്കുവെച്ചുകൊണ്ട്​ കെ.ആർ.കെ ട്വിറ്ററിൽ കുറിച്ചു.

'ഒരു നിർമാതാവോ നടനോ അവരുടെ സിനിമ റിവ്യൂ ചെയ്യരുതെന്ന് എന്നോട്​ ആവശ്യപ്പെട്ടാൽ ഞാൻ ഒരിക്കലും ചെയ്യാറില്ലെന്ന് ഞാൻ പലതവണ പറഞ്ഞു. എ​െൻറ റിവ്യൂ അദ്ദേഹത്തി​െൻറ 'രാധേ'യെ ബാധിച്ചതിനാൽ സൽമാൻ ഖാൻ മാനനഷ്ടക്കേസ് ഫയൽ ചെയ്തു. അതിനാൽ ഞാൻ അദ്ദേഹത്തി​െൻറ സിനിമകൾ ഇനി റിവ്യൂ ചെയ്യില്ല. എ​െൻറ അവസാന വീഡിയോ ഇന്ന് റിലീസ് ചെയ്യുന്നു' -കെ.ആർ.കെ മറ്റൊരു ട്വീറ്റിൽ എഴുതി.

രാധേ സിനിമ കണ്ട ശേഷം ത​െൻറ തല കറങ്ങിയതായി കെ.ആർ.കെ കളിയാക്കിയിരുന്നു. ഇടവേളക്ക്​ ശേഷം തിയറ്ററിലേക്ക്​ മടങ്ങാൻ തോന്നുന്നില്ലെന്നും നടൻ പറഞ്ഞു. കേസിൽ നിന്ന്​ പിൻവാങ്ങാൻ ആവശ്യപ്പെടാൻ കെ.ആർ.കെ സൽമാൻ ഖാ​െൻറ​ പിതാവായ സീലം ഖാനോട്​ അഭ്യർഥിച്ചിരുന്നു. റിവ്യൂ വിഡിയോകൾ നീക്കം ചെയ്യാമെന്നും കെ.ആർ.കെ ഉറപ്പ്​ നൽകി.

നേരത്തെ സാമുഹിക മാധ്യമങ്ങളിലൂടെ അധിക്ഷേപം നടത്തിയതിന്​ നടൻ ആമിർഖാൻ, വിക്രം ഭട്ട്​, നടനും നിർമാതാവുമായ നിഖിൽ ദ്വിവേദി എന്നിവർ​ കെ.ആർ.കെയെ കോടതി കയറ്റിയിരുന്നു.

Show Full Article
TAGS:Radhe Movie salman khan Kamaal R Khan defamation case 
News Summary - Radhe review Salman Khan Files Defamation Case against Kamaal R Khan
Next Story